Legal Awareness Campaign

‎Dt. 24.8.2012 khan Rural Resource Development Organising (RRDO) leh HSA Sinlung Joint Hqrs. Mizoram te tangkawp chuan Sakawrdai Community Hall-ah ‘Legal Awareness Campaign’  a buatsaih a. Sakawrdai leh a chhehvel atangin mi 200 chuang an kalkhawm a ni. 
A hnuai ami ang hian:-

Legal Awareness Campaign

24-08-2012 Hin Sinlung Hills Joint Headquarters le Rural Resource Development Organisation thangkawp chun Sakawrdai-ah Legal Awareness Campaign a nei.

Hi hun lawmum tak a hin Sinlung Hills Jt. Hqrs. Adviser Pu Thanglur chun thu hrilna a nei a, school naupang hung thang hai kuomah DAN hriet a pawimaw zie a hril bakah Nu le Pa, Khawtlang thuoitu le Council Member hai chen in an nau, an enkawl inchuklai hai chungah an mitthli a tla ta hlak am ti indawnna a siem el khel ah inchuklai hai chungah an lungril pe dingin ngenna a siem a. Chun, inchuklai hai hin TUMRUNA an nei phawt chun ni thei naw an nei nawh a, an tumna suk hlawtling dingin anni an pawimaw zie a hril sa bawk.

Hi hun a resource person hi Pu Lalngaihmawia Zote (1st class magistrate) a ni a, naupang hai rights, nuhmei hai rights, Criminal case, RTI chungchang le a dang dang hai ngaithlak a ni khel ah discussion hun le indawnna le sangna hun hawng a ni bawk.

Hi programme mi suk hlawtling pektu Mizoram State Legal Services Authority chungah Sinlung Hills Jt. Hqrs chun lawmthu a hril mawl mawl a, chu laia hma latu Pu Ropuia MSLSA a mi chungah lawmthu a hril nawk zuol.

Hi hun a hin mi 200 chuong an hung thang thei lei khawm in Sinlung Hills Jt. Hqrs chun lawmthu a hril mawl mawl.

http://www.facebook.com/photo.php?fbid=222072201253285&set=o.216517661717725&type=1&relevant_count=1&ref=nf

Lawrkhawm

Legal Awareness Campaign: Dt. 24.8.2012 khan Rural Resource Development Organising (RRDO) leh HSA Sinlung Joint Hqrs. Mizoram te tangkawp chuan Sakawrdai Community Hall-ah ‘Legal Awareness Campaign’  a buatsaih a. Sakawrdai leh a chhehvel atangin mi 200 chuang an kalkhawm a ni.

Mission veng KTP room misualin rawk: Dt. 21. Aug. zan khan Mission Veng Kohhran KTP room chu, tala invuahna kar chhiain rawk a ni a,Laptop Acer Aspire 4820T leh Hollow guitar GB&A ruk bo a ni a, English congregation school tala an chhu che bawk a,thil bo erawh a awm lo,tin KTP room chung Masihi sangati chapel tala pawh kar chhiat tumin an bei a,an hlawhtling lo hlauh a ni.

Bible Thar lawmna : Chakma Bible (Thuthlung Thar) chhuak ta avangin Chakma Kristian te an lawm hle a. Mahni tawng ngeia Pathian thu chhiar tur an neih tak avangin Dt. 19.8.2012 khan Circle hrang hrang 4 ten Nghalimlui, Chawngte, Tuichawng leh Marpara ah te inkhawm buatsaihin urhsun takin an lawm a ni.

Chhanchhuahna Camping: CYMA in, Ruihhlo ngaite puala Chhanchhuahna Camping berawtlanga a buatsaih chu nimin  Aug. 25 khan kharna hun hman a ni. Campingah hian Pathian hnathawh ropui tak  alang a, an taksate chu ruihhlo tih avangin la damlo mahse Lal Isua an neih tawh avangin hlim takin Pathian an chawimawi thei tawh hlawm a ni. 

Khawnglungrun Mizo Film release a ni ta: Mizo mipuiten kan ngaihven em em leh nghahhlelh em em Khawnglunrun tih Film chu Art & Culture Minister Pu PC Zoram Sangliana chuan ni 23 Aug. zan dar 7 khan Vanapa Hall-ah ropui takin a release ta.

Corruption duhloh lantirna: Eiruk thubuai avanga ACB in an man PWD officer pathumte chu September 3, 2012 khian Court in an Bail-na a ngaihtuah dawn a, hemi Ni hian Prism chuan Corruption duhlohna lantir nan court tualah punkhawm an huaihawt dawna, Corruption duh loh apiang kalkhawm turin mipui an sawm bawk a ni.

Lawrkhawm

25th Inter-Deptt. Sports:
Department hrang hrangte inelna, Inter-Departmental Sports Dt. 21Aug. atanga neih chu nimin khan kharna hun hman a ni. Badminton - Govt. High School ; Table Tennis - Kulikawn Indoor Stadium ; Chess (Men) - MPRO Hall, Khatla ; Carrom Board - Archive Hall ah te neih a ni.Sport ah hian department 38 atangin mi 500 chuang an tel.
Naupangte zirna atan hma la:
Dt.22.8.12 khan Directorate of School Education conference hall-ah State Level Working Group for Shiksha ka Haq Abhiyan meeting neih a ni. Shiksha ka Haq Abhiyan hi India khua leh tui naupang tupawh, kum 6-14 inkarte a thlawna zirna pekna tur Dan ‘Right to Education Act, 2009’ tihhlawhtlin a nih ngei theihna atana Ministry of Human Resource Development (MHRD) in a bika programme a duan a ni.


Council of Ministers meeting:
Pu Lal Thanhawla, C.M kaihhruaina hnuaiah 21 Aug. khan Council of Ministers meeting chu Chief Secretary Conference Room, New Secretariat Complex, Khatlaah neih a ni a. Cabinet Meetingah hian thurel tur 13 chhawpchhuah a ni a, siam that ngai laite siam tha turin leh, a then la zir belh tura dahin a tlangpuiin pawm an ni.

CDPO Office rawktu man:
20. Aug. zana West Phaileng-a CDPO Office rawktute chu Mizoram Police ten Nilaini chawhma dar 10:30 khan an man. CDPO Office atang hian cheng 4,87,947 rukbo nia sawi a ni a, a rutute - Laltlana s/o Malsawmzuala leh Lalthlengliana s/o Thanmawia, West Phaileng Bethlehem Venga awmte kut atangin cheng 4,73,650 chu hmuh let a ni.

Programme

KTP  Inkhawm  Programme : 

Dt. 27/08/2012: (6:30 - 7:00 p.m)
Hruaitu : Pu Ronald Lalramsanga
Tantu : Nl. R.Lalnunkimi
Thusawitu : Pu Lalbiaktluanga
Aug thla chhung thawhlawm khawntu tur te :
1. Nl. Gospel Ramkimlovi 2. Nl. Lalrinchhungi


KTP Tawngtai tlaivar Programme(Inkhawm ban)
1st Session: (Tawngtai Inkhawm urhsun) 9:00 pm
Hruaitu : Pu Lalbiaktluanga, Branch Leader
Tantu : Nl. Gospel Ramkinlovi
Thusawitawi : Pro Pastor Ngurthanmawia Sailo

2nd Session: (Tawngtai programme pangngai)
1. Hruaitu : Pu Lalrinngheta, Asst. Leader
2. Hruaitu : Pu HP Lalhnunliana, Asst. Secy.
3. Hruaitu : Tv. H.Lallungmuana,Treasurer

Hemi zan hian refreshment, Chow, thingpui leh a hmeh tuihnai tak buatsaih a ni bawk ang.

Sermon - Hnehna thuruk

HNEHNA THURUK

(Daniela 3:16-18, 2 Samuela 16 :9, Joba 6:10)

Ringtute hian, hnehna nun neih kan duh a, chutih laiin kan hneh lo fo va. Chak reng kan duh a, mahse kan chau thin. Hlim reng kan duh a, mahse lungngaiin kan kun fo si ! Engtinnge an lo tih bik le ?

Min chhan chhuak dawn lo mah se : Sadraka te thian ho, rawhtuina meipuiin a hliau zuai zuai tawh a. Meipui ata chhanchhuak dawn lo mah se, Lalpa an phatsan dawn loh zia an puang hmiah mai. Meipui chu a let sarihin an tih sat belh a, an paih lut ta ngei bawk. Tlai ngai lo Pathianin a va chhan chhuak chiang si em. An thian ho chuan dinhmun ropui takah hlan kai in an awm ta zawk a. 

Harsatna leh fiahna thlipui a lo tleh a, la kiang turin kan dil a, a kiang mai lo fo. Lalpa a reh vung vung mai si. Diabola lah chuan, chu tak chu tin zawn chat in, Pathian laka inthlahrunna tha lo leh rinhlelhna nasa tak nen a han chhu nawn nghal zat a. Beidawnga kun tlawk tlawk chang a awm thin. Chau va zam mai tur a ni lo. Sadraka te ang hian, ‘Min chhan chhuak dawn lo mah se’ kan tih ve theih a tul tak zet. Chu chuan rah duhawm tak a chhuah in, hnehna leh rinna nghet leh zual kan neih theihna kawng pawimawh tak a ni.

Lalpa lam en in, amah an chet tir : Davida, a fapa hlauva a tlan chhiat khan, Simeian lunga vawmin anchhia a lo lawh tuar tuar a, mahse anchhe lawh mek tu lam a en tlat lo, “Anchhia chu mi lawh ang hmiang; LALPA tihtir a ni si a. LALPA chuan ka hrehawmzia a hmu ang a, a tha lamin min rul leh mai pawh a ni thei e” tiin, Lalpa en nachang a hria. Hah dam diai a, Lalpa chet hun a nghah mai theihna kha, a hnehna thuruk zuk ni daih a.

Lalpa hriatpuina leh remtihna chin zel ah hian, kan duh loh zawng tak thil kan chungah a thleng fo thin. Dik tak chuan, tu khaw hriat pui lem loh hian, chhungril in phunnawina leh dem tur a dap duh viau. He tih lai tak hian, ‘Ngawi ula, Pathian ka ni tih hre rawh u’ tih kan hmuh angin. LALPA lam en tlat chung a, a kuta inhlan thlap theih hi, ringtu nuna hnehna leh tuinung lui luan chhuahna hnar a lo ni. Cheimawi loh Krossah khan, Lal Isua ngei pawh Pa Pathian phalna ngeia sawr fu vekin a awm si a.

Thlarau zara phurna thar kan chan in. Phurna min petu LALPA ah in nghat lo va, kan phurna boruak leh mimal chhungril phurna ah in nghah a awl fo.Phurna chuan chuai hun a nei thin, chuta innghat tu chu a chuai ve chawp chilh fo. Phurna ngawt ni lo va, phurna petu LALPAA in nghat tlat tu chu, a phur na te lo chuai mah se, ‘A lawmna chu LALPA dan- ah a ni tawh zawk a’. Harsatna karah pawh, “ Ka lawm cheu vang, natna thlah lo chung pawhin,…Ka tlantu chu a nung tih ka hre si a” tih chu thupui berah a nei a. Phur lo leh chak lem lo chung chung pawh a, LALPA tan rinawm a, fak tlat thin te thlarau lam nun thuruk chu, a dai thuk ve deuh deuh va. Pathian khawngaihna chu atan hnehna a nih zia hria in, LALPA lo chu chhuan tur dang a nei tawh ngai lo. 

A tum tlat a : Daniela chuan thlemna tinreng kar ah, lal chaw leh uaiin tha tinreng te chuan intihbawlhhlawh loh a tum tlat a. A bul tanna tlawm hle mah se, din hmun chung nung taka hlan kai a awm in, Pathianin a chawimawi ta zawk a.

Ringtu nun kawngah hian, nun khua a ngui, chhungril a ruak. Hman ang in, inkhawm, tawngtai, Bible chhiar leh Pathian chawimawi chakna te chu, chhungril ah tur ut ut tu a awm tawh si lo. Hlimna in a tawn san laia chhuanlam tling ngai reng reng lo te chu, inkhawm loh mai chhuanlam a tan a lo tling riau tawh a. Mi dang nun a tanga in teh lungawi in, mita hmuhtheih, kuta khawih theih (Materials) thil chihrang hrangah, chhungril nun ruak hnawh khahna dap mai a awl fo. He tih lai a tum tlat na nei lo tu chu, Thlarau Thianghlim ti lungngaia, khup zawi ban uaithla leh boral tura tlu sawp ta pawh an awm hial thin.

Hmeichhe pakhat ruihhlovin a sawisak fe tawh chuan, “LALPA, mi chak lo tak ka ni, ka harsatna te hi tam hle mah se, nangmah lo chu belh tur ka nei chuang lo. Min lo pawm tawh lo pawh ni la, ka chelh tlat ang che a, ka phatsan dawn lo che...!” ti in, han tap chhuak rawih rawih a maw le. Tawngtaina leh in pekna hlawhtling tak a lo ni. Tunah chuan rampawn thlenga feh chhuakin, rawngbawltu tangkai tak a ni tawh nghe nghe. Mi tlawm tak pawh ni se, Pathian leh a duh zawng tundin tum tlat tu te hi, LALPA hian a chawimawi tlat zel. 

Fiah na thlipui, chak loh na chi hrang leh, khawvel hipna leh nekna karah pawh ‘HNEHNA TUHRUK’ vawng tlat tute chuan:-

“ Isua tan rinawmah ka inpe, Amah ringin, 

  Ka hmangaihna ka rawn hlan e, I tan ti famkim rawh”

“Isu ka lawmna ber ni la..” “Lal Isua ka duhber min hruaitu atan..”

ti a, Hnehtu Lal Ropui fak chungin, nitinin hnehna thar an chang zel thin.

MPF & Party thawhhona thuthlung

POLITICAL PARTY-TE LEH MPF

THAWHHONA THUTHLUNG

Mizoram chhunga Inthlanna hrang hrang heng - Mizoram Legislative Assembly General Election 2008, MP Election 2009, Village Council Election 2009 & 2012, Aizawl Local Council Election 2012, Aizawl Municipal Council Election 2010 leh Autonomous District Council Elections-ah te hlawhtling takin ‘Thawhhona Thuthlung’ siam a, Mizoram chhunga political party hrang hrang leh Mizoram People Forum-te hmalâkna chuan rah tha a chhuah zel a. Kan inthlanna pawh a tha thawkhatin, ram chhung leh ram pâwn lam thlengin mite hriat leh ngaihven a hlawh ta hle a. Hei hi kan zavaia tan tlânna leh thawhhona rah a ni. Kum 2013-a Mizoram Legislative Assembly General Election lo awm turah pawh hian inthlanna thianghlim, dik leh felfai tak a awm ngei theihna tur leh sawrkâr tha, thlei bîk nei lo, mipui huapzo din a nih ngei theihna turin Mizoram People Forum General Headquarters hruaitute leh Political Party hrang hrang hotute chuan tan lâk ho dân tur kan ngaihtuah a. A hnuaia inkaihhruaina tlângpui târ lante hi zawm theuh tha kan ti. Hei hian MLA General Election 2013 Inthlan hun puan atanga Inthlan zawh fel thleng a huam ang.

1. Inthlan chungchâng

(1) Inthlan thianghlim, dik leh felfai tak a awm ngei theihna turin mi tinin theihtâwp chhuah theuh ni se.

(2) Inthlanah hian khua leh tui dik tak, vote neite chuan vote thlâk theuh ni se.

(3) Vote thlâk tur khawpui atanga anmahni khaw lama an hawna tur ngaihtuahsak emaw, hmun dang atanga anmahni vote awmna lama an kalna tur ngaihtuah a, insengsova buaipui emaw hi tu mahin tih loh ni se.

2. Inthlan senso chungchâng

(1) Inthlan hautak lutuk leh senso sâng lutuk titlem turin theihtâwp chhuah theuh ni se. MPF-ten candidate-te leh party te hnenah pawisa dîl emaw, dawn emaw khap tlat a ni.

(2) House to house campaign hi thil dik lo tam tak inphum ruk theihna leh senso titamtu a nih theih avângin tih loh hi a tha ber a; amaherawhchu, mipuiten candidate-te an hmuh duh thin avâng leh candidate-te pawhin an bial mipuite tlawh an duh thin avângin inthlan hma ni 10 thleng chuan house to house campaign programme siam theih a ni ang a; chumi hnu lamah erawh chuan tu mahin tih loh ni se.

(3) Sum leh therhlo dang hmanga vote lei leh hralh hi tih loh ni se. Mipui, pâwl hrang hrang leh Kohhrante pawhin party leh candidate-te hnenah thil phut neih tur a ni lo. Chutih rualin thil chi hrang hrang sem, (enîr nan- silpouline, jersey, football, mobile handset, sawrkar development kal lai leh NLUP leh thil dangte) hi tih loh ni bawk se.

(4) Kawng zawh hi inthlan hma ni 10 hnu lamah chuan tih loh ni se, ruaitheh leh picnic hi tih loh ni bawk se. Ruaitheh tih hian mikhual chaw eipui te, block leh unit hruaituten tul bîk thila chaw an ei khâwm thin angte hi a huam lo vang. Candidate-te rulh tura anmahni hriat lohva dâwr leh hmun dang atanga thil lo lâk leh pekte hi tih loh tur a ni.

(5) Candidate-te tana inthlan tihautaktu, heng - banner, flag leh poster-te hi veng tina târ zât tur

hetiang hian bithliah a ni :-

VC / LC member pasarih nei chinah :

Banner - 3, Flag – 30 leh Poster - 20 thleng

VC / LC member panga nei chinah :

Banner - 3, Flag – 20 leh Poster - 15 thleng

VC / LC member pathum nei chinah :

Banner - 3, Flag – 10 leh Poster - 10 thleng

Banner hi 18 x 4 aia lian lo ni se. Poster hi 2’x 11/2’ aia lian lo ni se.

Party symbol chuang lukhum, badge leh sticker te hi campaign na hmanruaah hman loh ni se.

Flag, Banner leh Poster bituk aia tam tar an awm chuan MPF-in la thla turin hrilh se.

3. Zalen taka inthlan leh venhimna chungchâng

(1) Invau leh inrîkrâp awm lo turin theihtâwp chhuah theuh ni se.

(2) Helte hmanruaa hman leh râlthuam chelekna awm thei te huai taka dodâl theuh ni se.

(3) Border leh sensitive area-ah te a tul leh mamawh anga venhimna a awm theih nân hmalâk ni se.

4. Policy implementation

(1) A tak ram thleng thei tur leh tihhlawhtlin theih tur chauh - manifesto, policy leh programme duan ni se.

(2) Mimal chungchâng leh tualchhung thil chauh ni lovin, party policy leh programme hi campaign-na leh inzawrhna atân hman ni se. Dâwt leh thu belhchian dâwl lo leh finfiah nghâl mai theih loh hmanga inbeih hi tuman tih loh ni se.

5. Candidate chungchâng

Political party tinin candidate an siam laiin hetiang mi hi candidate atân ruat tura beisei an ni :

(1) Mi hmingtha, mize nghet leh rilru puitling.

(2) Mi taima leh rinawm.

(3) Dik lo leh kut tling lova sum leh thil dang hmuh tum lo mi.

(4) Zu leh ruihtheih thil dang laka fihlim

(5) Mipat hmeichhiatna kawnga sawisel kai lo.

(6) Ram leh hnam Dân pawisa mi leh dikna ngaisâng mi.

(7) Khawtlâng leh mahni mihring puite thatna tur duha, chumi atâna inhmang peih mi.

(8) Mahni sakhua, kohhran leh pâwla mi hmingtha leh rinawm.

6. Thawhhona chungchâng

(1) Constituency huam chhung khaw lian deuh deuhvah MPF leh candidate-te remruatna angin, MPF Constituency Forum kaihhruaina hnuaiah Joint Platform buatsaih theih a ni ang a, chhung tinten candidate an lo hmelhriat theih nân leh an thu leh hla an lo dawnsawn theuh theih nân, a theih leh remchân dân angin, he programme hi Local TV leh Media-ahte pek chhuah ni se. Joint Platform hi pâwl dang leh mi dangin buatsaih loh ni se.

(2) Party malin a hranpaa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan party malin a remchân dân anga kalpui mai ni se.

(3) Vantlâng tâna thingpui lum loh ni se; polling booth area bul hnaia electoral roll en leh number pek chhuah hi political party-ten a mala buaipui lovin, MPF kaihhruainain, fîmkhur taka buaipui ni se.

7. Tlângkawmna

(1) A chunga ‘Thawhhona Thuthlung’ târ lan piah lamah hian MPF District, Constituency leh Local Forum ten ruahmanna hran siam loh ni se.

(2) Heng ‘Thawhhona Thuthlung’ hi bawhchhia an lo awma, finfiah ngei a nih chuan, MPF-in a theih leh remchân dân angin an bawhchhiatna constituency huam chhungah a puangzâr ang.

(3) He ‘Thawhhona Thuthlung’ hi MPF leh political party tinin a zau thei ang berin theh darh ni se.

http://www.mizoramsynod.org

Bial KTP Advance Krismas cum open air concert

Dt. 24.8.2012 Zirtawpni 10:00 am khan Sakawrdai Pastor Bial KTP chu Bial Conference rorel bawhzuiin, Pastor Quarter ah Committee neih a ni a. Committee ah hian Conference rorel dungzuiin Advance Krismas cum Open Air Concert chu Dt. 20.12.2012 (Ningani zan) khian Sakawrdai Chhimveng-ah ropui taka hmang turin a rel a ni. Items/ zai te hi Live music ngeia rem vek tura beisei a ni bawk. Programme erawh la ennawn leh tura tih a ni.

Bial KTP Committee

Dt. 24.8.2012 Zirtawpni 10:00 am khian Sakawrdai Pastor Bial KTP Committee chu Pastor Quarter ah neih a ni dawn. Committee ah hian Open Air Concert neih dan tur chungchang ngaihtuah tel a ni dawn a ni.

Bial Zaipawl

Dt. 24-25 Aug.2012 khian Sakawrdai Pastor Bial Zaipawl ten Sakawrdai Kohhranah, Presbytery inbuatsaih na atan Pathian fakna Hla an zir ang.

Tih dikna

KTP Tawngtai tlaivar Programme
Dt. 27.8.2012 (Thawhtan) zan Inkhawm ban chhunzawma Tawngtai tlaivar programme, kar hmasa a Tantu tur tarlan kha tihsual palh a ni a, ngaihdam kan dil nghal e. Programme a hnuai a mi ang hi a ni, Kohhran chhungkua te tel theuh turin kan insawm nawn leh a ni.
1st Session: (Tawngtai Inkhawm urhsun) Dar 9:00 pm
Hruaitu : Pu Lalbiaktluanga, Branch Leader
Tantu : Nl. Gospel Ramkinlovi
Thusawitawi : Pro Pastor Ngurthanmawia Sailo

2nd Session: (Tawngtai programme pangngai)
1. Hruaitu : Pu Lalrinngheta, Branch Asst. Leader
2. Hruaitu : Pu HP Lalhnunliana, Branch Asst. Secy.
3. Hruaitu : Tv. H.Lallungmuana, Branch Treasurer
Hemi zan hian refreshment, Chow, thingpui leh a hmeh tuihnai tak buatsaih a ni bawk dawn a ni. Tawngtai i ngaipawimawh theuh ang u.

Sakawrdai Kohhran hmeichhia inhlawh hnatlang nei

Kohhran Hmeichhia inhlawh hnatlang nei

Dt.20.8.2012 thawhtanni khan Sakawrdai Kohhran Hmeichhia te Upa R.Lalfakzuala te hlothlawh-a inhlawh hnatlang neih a ni a, member 10 vel an thawkchhuak thei a ni. Hlawh hi member thawkchhuak Daily rate anga chhut niin, Rs. 1500 vel an hlawh thei a. Hnatlanna ah hian chawhmeh tuihnai tak siamin hun hlimawm tak an hmang a ni.