Dt. 12.8.2012 (Pathianni)

KOHHRAN PROGRAMME :

Vawiin

-Pathianni Chawhma: (9:45 - 10:15 a.m)

Sunday School

Tantu : Pi Lalzopuii

Zirlai 29-na : ‘Amor Lal leh Basan Lal hneh thu’

Pathianni Chawhnu: (1:00 - 1:30 p.m)

Thusawitu : Pu Lallungkhama

Pathianni Zan: (6:45 - 7:15 p.m)

Hruaitu : Upa Lalringliana

Thusawitu : Pi Lalneihthangi

....................................................................

Naupang S.S Programme:

Pathianni Chawhma:

Tantu : Laltlankima, Junior

Thawhlawm khawntu turte:

1. Lalbiakveli 2. Lalhmingmawii, Primary

Thawhlawm hlantu

- Nl. Lalrinchhungi

Pathianni Chawhnu:

Hruaitu : Pu H.D Lalthanzuala

Tantu : Lalnunpari

Inkhawmpui inbuatsaihna atan hman a ni ang.

KTP

KTP Inkhawm Programme :

Dt. 13/08/2012: (6:45 - 7:15 p.m)Hruaitu : Pu Lalrinngheta

Tantu : Tv. F.Lalhriatpuia

Thusawitu : Nl. Gospel Ramkinlovi

Aug thla chhung thawhlawm khawntu tur te :1. Nl. Gospel Ramkimlovi 2. Nl. Lalrinchhungi

Editorial

THATCHHIAT VANGIN

Tunlai khawvel hmasawnna thang mekah hian, Sualna pawhin zual lam a pan ve zel a. Mihringte kan thatchhe tial tial a, a awlsam thei ang bera tih kan duh a, vawilehkhata hlawkna kan zawng a, hrehawm kan tuar peih lova, pumpelh kan zawng hram hram thin. Thatchhiat avang leh inthlahdah avangin rual awhna a nasa tial tial bawk.

A hunah engmah tipeihlo leh ngaihtuah duh lovin, kan hun tha te ho mai mai ah kan khawhral a. Kan thenawm khawveng ten an thawhrimna rah an seng hunah kan awt leh lawi bawk si! Chumi hunah chuan keinin thawhrah seng tur kan nei ve si lo. Kan mamawh ve bawk si, thenawm khawveng te ei ang, neih ang neih ve kan duhna thinlung atang chuan kan duh reng vang pawh ni hauh lovin, kan dinhmunin a zir tak si loh avangin, kan thawhrah pawh nilo midang thawhrah chu seng kan lo duh ta hial mai thin a ni.

Tunlai hian rama Huan, Lo velah, a neitute awmloh hlan leh hriat loh laia lo Feh khalh a, thlaite lo seng/lawr sak thin an awm ni a hriat a ni a. Heng thilte pawh hi thatchhiatna leh inthlahdahna rahchhuah a ni kan ti thei awm e. Hetiang laka fihlim tur hian Kohhran Chhungkua te taimak kawngah tan ila leh zual ang u.

Kan dam tlang em?

Ö

*Þ

Zothantluanga S/o Laljohnsona chu engemaw chen CHC ah enkawl a nih hnu ah dam takin an chhuak leh ta.

Ö

*Þ Kan memberte, Chawlh hmanga hmun danga zin te pawh an lo haw leh tan ta e.

Ö

*Þ Kohhran Naupang SS Department te chuan inkhawmpui inbuatsaihna atan thu leh hla ngawrh takin an zir mek a ni.

Ö

*Þ Dt. 5.8.2012 (Pathianni) a Kohhran Hmeichhe Puala Thlaithar Thawhlawm atangin R. 1213/- hmuh a ni.Ö*Þ Bialtu Pastor leh Pro Pastor te chu Pastor Bialfan programme hmangin Vaitin Kohhran-ah hun an hmang mek.

Tunkar Damdawiin

Tunkar chhungin CHC ah mi 35 admit niin kan Kohhran chhungkua atangin admit thar an awm lova, Karhmasa lama admit chhuah a ni thung. Tun dinhmun ah damlo 12 enkawl mek an ni bawk. Tunkar chhungin naupiang 1 an awm. Boruak inthlak thleng lai a nih vangin tlang hrileng a tam a, OPD a inentir pawh an thahnem thei hle.

Lawrkhawm

I-Day Tournament hman mek a ni:

Sakawrdai ah Independence Day Tournament (Football & Volleyball) neih mek a ni a. Nilaini hian Final Match & I-Day Celebration hman a ni dawna khuallian ah Pu RL Pianmawia, Govt. Deputy Chief Whip, Bialtu MLA a ni ang.

Cultural Festival:

August 8 atang khan North East Student Organisation (NESO) huaihawtin Rajiv Gandhi Indoor Stadium, Naharlagun (Itanagar)-ah North East Cultural Festival hman a ni a. MZP member 70 vel telin, Mizo hnam lâmte entir a ni. Festival-ah hian kan Editor Tv. Lalremsanga Biate pawh a telve bawk a ni.

All India Karate National Championship:

Dt. 18.8.2012 atang khian Kolkota, Salt Lake Studium ah All India Karate National Championship buatsaih a ni dawn a. Mizoram atangin mi 19 an kal ve dawn a ni.

Olympic Closing Ceremony & Mery Kom:

London Olympic 2012 neih mek chu Dt. 12.8.2012 Sunday zanlai Dar 1:30 am ah Closing Ceremony ropui tak hman a ni dawn. Zohnahthlak ti a kan hriat lar em em leh kan tan huai huai Mary Kom, Manipur chu, London Olympic Bronze Medalist a nih lawmpui nan Manipur C.M, Ibobi Singh chuan R. 50 lakh pek a tiam mai bakah a hna chelhlai Deputy Superintendent atangin Superintendent ah kaisan tir a ni. Assam C.M, Tarun Gogoi pawhin R. 20 lakh a hlan bawk. North East Council in R 10 lakh a pe bawk dawn a. Heng bakah State sorkar, Department leh mimal atangin thilpek a dawng nual bawk a ni.
  4th Inter School Basketball Championship:
Aug 9 atang khan Primary, Middle, High School & Higher Level 4th Inter School Basketball Championship chu Aizawlah tan a ni ta. Mipa team 54 leh hmeichhia team 15 an tel thei a. Aug 24 ah Final hman beisei a ni.

Lawrkhawm

Ha enkawlna changtlung:

Dr. Shamim, Dental Surgeon Sakawrdai CHC chuan ama sum sengin Ultrasonic Scaler(Ha tih fai/varna khawl) leh Ha hnawhna hmanrua etc. a lei a, Amah hi Coorg Institute of Dental Science, Karnataka ah Lecturer hna lo thawk tawh thin a ni. Hetia’ng, retheite dinhmun hre thiam mi kan nei hi a vanneihthlak hle. Damdawi leh hmanraw thenkhat, Supply a mumal loh thin avangin hetiangin Ha inentir man siam a ni:- Ha phawi :

R 10/-. Ha tihfai :R 100/- (Minimum, Tum hnih tal pan a ngai). Ha 1 hnawh(temporary) : R 10/-, Ha 1 hnawh(Permanent): R 50/-

Helicopter service Luman:

Mizoram a Pawan Hans Helicopter service chungchang zawna chhangin, Aviation hotute chuan engemaw chetsual palh lo thleng ta se luman R. 7,50,000/- chu Company ten an pe dawn a ni tiin an sawi. Helicopter service hi August 14-ah Thuampui helipad-ah CM Lal Thanhawla’n a hawng ang.

Hydel Project 2 Mou Sign

Dt. 10.8.2012 khan Hydel Project pahnih Kawlphetha MW 80 pe chhuak thei tur Bairabi Dam Project leh MW 55 pechhuak thei tur Tlawng Hydero Electricity Project atan a thawktu tur Company te nen Memorandum of Understanding (MoU) ziah a ni.

Election Commissioner thar:

Dt. 7.8.2012 khan Dr. Syed Nasim Ahmad Zaidi, IAS Retd. chu Election Commissioner of India atan ruat thar niin, kum 2017 thleng thawk tura tih a ni. Tunah hian Election Commission of India ah hian Chief Election Commissioner ah V.S. Sampath niin, Election Commissioner ah mi pahnih - Harishankar Brahma leh tuna ruat thar Nasim Ahmad Zaidi te an ni.

BDO Office rawk a ni:

Dt. 9.8.2012 khan Zawlnuam BDO Office chu rawk a ni a. R. 198,47,000 rukbo a ni. A titu hi hriat ani lova, ngawrh taka zawn hna thawh mek a ni.

Rawngbawlna

KTP in Thlaithar thawhlawm thawh dawn lo

Kohhran Committee-in ruahmanna a siam danah Dt.12.8.2012 (Pathianni) hi KTP Pual Thlaithar Thawhlawm thawh hun tura tih a ni a. Amaherawhchu, Kohhran chhungkua dinhmun te, Kan Thlai tharchhuah dante thlirin, Thlaithar a awm mumal loh avangin Branch KTP Committee chuan kumin 2012-ah hi chuan Branch KTP Pual Thlaithar Thawhlawm thawh nilo mai se tiin a rel a ni.

Mizoram Synod-in Relief Fund pe...

Mizoram Synod chuan Dt. 3.8.2012 a Zemabawk Bung Bangla Quarry lung chiminTaxi a hnawla thi mi 3 te ralna

R. 10000/- leh hliam mi 2 te kanna R. 3000/- Synod Relief Fund atangin a pe.

Home Mission North Missionary Retreat

August 10-12, 2012 chhung khan Ramhlun Kohhran Biak In ah Home Mission North huamchhung a Missionary te pual Retreat neih a ni a. Speaker ah Upa R.Lalmalsawma, Co-Ordinator, Synod Mission Board hmangin, Thupui atan ‘Krista sipai rinawm’ (II Tim 2:3) hman a ni.

LIVE JAM : Breakfree Tour neih a ni.....

LIVE JAM, New Delhi te chuan August ni 9 leh ni 10 khan Mizoram Synod hmalakna leh Central KTP ruahman angin Breakfree Tour an nei a. August ni 9 tlai dar 2-ah Synod Higher Secondary School-ah hun hmangin, August ni 10 chawhma dar 10 leh tlai 4 inkarah Vanapa Hall-ah school hrang hrangah a inchhawkin hun an hmanpui a ni, zan dar 7:30-ah concert an nei nghal bawk.

Synod Campus Ministry rawngbawlna

Aug 8 khan Synod Conference Centre ah Aizawl khawpui chhunga Zirna in, Evangelical Committee nei zawng zawngte leh Synod Campus Ministry hruaitute inkawmhona neiin Paper zirho a ni. He inkawmhonaah hian mi 117 lai an tel. Synod Campus Ministry hi kum 1989 a din a ni a, tunah hian Synod Office-ah Department pakhat niin zirna in hrang hrangah zirlaite Pathian thu lama kaihhruaina leh mimal nuna harsatna su kiang tura rawngbawlna neiin a thawk mek a ni.

Synod Press Release

Mizoram Synod chuan ‘Mizoramain kawng hrang hranga hma a sawn mek laiin infiamna lamah pawh hma kan sawn ve zel a, a lawmawm tak zet a ni. Infiamna lama hma kan sawnna hi a lawmawm em em rualin Kristian ram kan nih avangin kan ni serh pawimawh, Pathianni-ah Infiamna leh intihhlimna lam thil huaihawt lo tur leh, kan ni serh pawimawh hi min zahsak hram turin Mizoram Presbyterian Kohhran chuan Mizorama cheng zawng zawngte a ngen a ni’ tiin Press release a siam.

Synod Mission Board

August 7 - 15 chhung hian Kolkata, Nepal, Siliguri Mission Field Committee meeting neih mek a ni a, Rev. Lalzuithanga, Exe. Secy, Upa B. Lalrinliana, Upa Vanlalchhunga (BEC Members) te an kal. Aug 8 khan Kolkata Field Committee an thu a, Aug 10 khan Nepal Field Committee an thu a, Aug 13 ah Siliguri Field Committee an thu leh ang.

Sermon

HLAUH TUR

Luka 12:4-7

Isuan Farisai te, an sakhaw lama Dan hre mi, leh Dan zirtîrtute chu a an khum nghek a. Mi vervêk an ni, an zirtîrna, an dawidim lakah chuan fimkhur turin a zirtîrte chu a fuih a. Farisaihote hi Pathian mi ni awm takin an awm a, Pathian mi dik tak lem an chang a ni. Hetianga an khawtlâng leh sakhaw hruaitute tlâktlai lohzia Isuan a rawn tar lan ngam tâk avang hian mipui beiseina chu a sâng hle a ni. An sakhaw kalpui dan mai ni loin an khawtlâng nun pawh a danglam vek dâwnin an hria a, mipuiin an bawr huai huai a; a thusawi ngaithla turin inrap nûlh nûlh khawpa tam mi an lo kal a ni. Hêng mite hriatah Isua chuan Farisaite dawidim, vervêkna laka fîmkhur turin mipui hriatah a zirtîr bîkte kha a zirtîr ta a ni.

Isuan, ‘Tu pawh mahni nun humhim tum chuan a chân ang a, tu pawh keimah avang leh chanchin tha avanga a nun chân chuan a hmu ang. Miin khawvêl hi a pumin nei sela, a nun chân si se a tân eng nge sâwt ang? Miin a nun aiah eng nge a pêk theih ang?’ (Mk 8:35-37). Kan taksa nun hi a hlu hle, chu aia hlu chu mihring nun dik tak hi a ni. Miin thu dik an hriat chu an tan a, thih pawh an lo huam thin. Galileo-a chu mi thiam tak a ni a, arsi lam chhui mi a ni. Lei hian ni a hêl a, planet dangte pawh khian ni an hêl a, an kal dan te pawha chhui chhuak a, thla âwklem hun turte pawh a chhût thei vek tawh a ni. Chutih laia Kohhran Roman Catholic chuan, ‘He i zirtîrna hi Bible kalh a ni, i phatsan loh chuan meipuiah kan hal hlum ang che’ an ti a. Hal hlum chu a ngam si lo a, thutak a hriat chu a phat ta a. A thlarau nun chu Gehena meia paih ang maiin a nuam thei lo a, a taksa nun pawh chu rei lo têah a thi ve ta mai a ni. Hmeichhia chu vawi khat a awm khawloh hlauh chuan kumkhuain a chhûngril nun a fuh thei tawh lo. Ei ru leh thamna la pawh a chhia leh tha hriatnain a dem reng, a tih zin hnû erawh chuan a chawlawl tawh a. Hebrai ziaktuin sim tura hruai kir leh rual an ni lo a tih dinhmunah an ding a ni. Kraws thiltihtheihna hi a chhuanawm hle a, mahse Pathian fapa chu an khêngbet nawn leh a ni (Heb 6:6). Kraws thiltihtheihnain a chawi chhuah theih hmain an taksa pawhin a tuar hle thei.

Thudik tar lan ngam loh te, thil diklo hre renga sawi ngam lohte hi kan hlauh tur chu a ni. Nun theihna kawng tichêptu chu Pathian ram thu inthup in hriat in puan ngam lohna hi a ni, hei mawlh hi a ni hlauh tur chu, thudik sawi ngam loh hi thlarau nun khawih chhe theitu chu a ni. Farisaite vervêkna a tar lante hi pâwn lam fai ngainaa chhûng lam tawp hle si leh sakhaw thil phût sawma pakhat pêkte ngai pawimawh a, ‘dik taka tih leh hmangaihna ngaihthah’ si te a ni. Farisai leh chhiahkhawntu tawngtai Isuan a sawi a, Farisai chuan danin a phût zawng zawng a tih vek thu a chhuang hle, a chapopui hle, a inngaisânga, thiam loh a chan phah ta. Chhiahkhawntu erawh chuan Pathian hmuha mi sual a nih a inhria a, a tlâwm rawih rawih a, thiam a chang ta zâwk a ni.

Isuan hun hnuhnung thu a sawi khân, sakhaw lama inhmang nasa, ‘Kan ei ho a, kawtthlêrahte i thusawi kan ngaihthlâk thin kha’ titute chu mi tê tak tê chunga an tih tur an ti lo a dem a nih kha. Thupêk ropui ber an zawh khân Pathian hmangaih thu a dah hmasa a, a dawt, a tlukpui chu mahni inhmangaih anga vêngte hmangaih tur thu a telh a, an zawh bâk a telh lui hrâm a ni. Farisaite a ankhumna pakhat hi a mak hle, ‘Hmeithai sum in ei zawhsak’ a tih hi. Hmeithaite hi khawvêla mi rethei berte sawi nân an hmang. Pathian tih a, hêng hmeithaite hi hmangaih awm takin an lang a, an sum an ei zohsak si, an khawngaih tak tak hauh lo. Thu buai hla buai an neihin, tlawn emaw tham fe emaw an ngai a ni thei e, an retheih avangin mahni in an nei zo si lo, hêng mi hausate in hi an luah a, a luah man an thing tawk tawk pawh a ni ta ve ang, an pêk theih loh leh hnawh chhuahah an vau si. Hetianga an vervêkna hi a ni hlauh tur chu.

Hmasialna hi sual a ni lem lo, nausênte chuan an mahni ngawt an inhria, an mamawh chu pêk ngei an ngai. Khawvêla kan dam khawchhuah theihna turin hmasial hi a ngai a ni. Hma kan sial hian mi dang ta a sut hêk hian a pawi ta thin a, sual a tling thei ta a ni. Rinna thu ah te a inrin kêp theih loh, mahni tâna chakai khawrh tih ang deuh a nihna lai a awm. Isua zirtîrna a danglamna êm chu, ‘Mahni tâna zawngtu chuan a chân ang a, keimah leh chanchin tha avanga chân chuan a hmu ang a’ a tih hi a ni. Hei hi kan hmaa awm, kan nun target chu a ni, hemi aia hniam hi hlauh ber tur chu a ni.

THUPUI

THUPUI : ‘Rawngbawl Tura Chhandam’ - (Ephesi 2:10)

KTP THILTUM

KTP THILTUM:

1. Isua Krista rinna leh Amah anna kawnga Thalaite hruai

2. Kohhran kut ke ni tura thalaite buatsaih

3. Kohhran hnathawh tihpuitlin

4. Krista chanchintha puandarh

INFORMATION

email : ktpsakawrdai@gmail.com
visit us : http://www.ktpsakawrdai.blogspot.com

ADVERTISEMENT

JSSK

(Nu leh Nausen tana hamthatna)

1. Nu, nau nei turin SC/PHC/CHC/UHC/Hospital a panna senso leh damdawia senso a bill theih. Tin, naute ni 30 chin hnuai lam admit ngai tan a bill theih.

2. Kal lam leh haw lam senso:

R 15/- per Km. Nau neih theihna hnai ber(SC/PHC/CHC/ UHC/Hospital)-a bill tur a ni.

3. Private Hospital a bill th

eih loh.

District Grievance Redressal Officer:

Dr. Lalduhawma,

District Immunisation Aizawl East District, Ph: 9862363454

Officer Incharge
Dr. Shahnaz Zothanzami
Medical Officer
Sakawrdai CHC

SAKAWRDAI BRANCH KTP - 2012

BRANCH KTP OFFICE BEARER - 2012
Leader : Pu Lalbiaktluanga Ph: 9436175320
Asst. Leader : Pu Lalrinngheta Ph: 8974902600
Secretary : Pu Ronald Lalramsanga Ph: 8974965675
Asst. Secretary : Tv H. Lallungmuana Ph: 8974846121
Treasurer : Pu H.P Lalhnunliana Ph: 9612700023
Fin. Secretary : Tv Laltanpuia Ph: 8729985479

KTP AW EDITORIAL BOARD - 2012
Editor : Tv. Lalremsanga Biate Ph: 9862388822

Jt. Editors: Pu HD Lalthanzuala Ph: 9612081156,  Tv. Laltanpuia Ph: 8729985479
Business : Pu HP Lalhnunliana Ph: 9612700023
Cir. Manager: Pu Ronald Lalramsanga Ph: 8974965675

TUN KAR DAMDAWI IN

Tunkar chhungin CHC ah mi 31 admit niin kan Kohhran chhungkua atangin mi 2 admit an ni a, pakhat zawk Lallawmkima S/o Rozama chu tunkar vekin a chhuak leh a,mi 1 erawh enkawl mek a la ni. Tun dinhmun ah damlo 10 enkawl mek an ni bawk. Ha(Dental) enkawlna lam pawh Dr. Shamim P. Zohmingthanga, Dental Surgeon thahnemngaihna avangin tih changtlun mek a ni.

PATHIANRAM

Pathian Ram thawhlawm - July 2012

Pathian Ram : R 14175/-

Ramthar : R 8485/-

Tualchhung : R 9330/-

Building : R 13490/-

Total : R 45480/-

KTP PROGRAMME

KTP Inkhawm Programme :

Dt. 06/08/2012:

(6:45 - 7:15 p.m)

Hruaitu : Tv. H.Lallungmuana

Tantu : Tv. Lalhumhima

Thusawitu : Pu HD Lalthanzuala

Aug thla chhung thawhlawm khawntu tur te :

1. Nl. Gospel Ramkimlovi 2. Nl. Lalrinchhungi

PROGRAMME

KOHHRAN PROGRAMME :

Vawiin-

Pathianni Chawhma:

(9:45 - 10:15 a.m)

Sunday School

Tantu : Pi Thangchhuahtlingi

Zirlai 28-na : ‘Arad Lal hneh thu

leh Dar rul’

Pathianni Chawhnu:

(1:00 - 1:30 p.m)

Thusawitu : Pu Hrangneihlura

Pathianni Zan:

(6:45 - 7:15 p.m)

Hruaitu : Upa Lalringliana

Thusawitu : Upa Lalsangzuala

....................................................................

NAUPANG SUNDAY SCHOOL PROGRAMME:

Pathianni Chawhma:

Tantu : Ramdinmawia, Junior

Thawhlawm khawntu turte:

1. Laltluangpuii 2. Lalramchhuangi, Inter

Thawhlawm hlantu

- Pi Lalrindiki

Pathianni Chawhnu:

Hruaitu : Pi Zosangliani

Tantu : Salemmawii, Sacrament

Inkhawmpui inbuatsaihna atan hman a ni ang.

KAN DAM TLANG EM?

Ö

*Þ

Branch Asst. Leader Pu Lalrinngheta te nupa chu tonsil natna avangin In lamah enkawl mek an ni a, an dam leh thuai kan beisei.

Ö

*Þ Zothantluanga S/o Laljohnsona chu Awmna avangin Dt. 3.8.2012 khan Sakawrdai CHC ah admit niin, enkawl mek a ni.

Ö

*Þ Pi Laldampuii pawh hun engemaw chen a zin hnu ah Inrinni khan dam takin alo haw.

Ö

*Þ Pu Lalsangzuala te nupa Aizawl zin pawl dam takin an lo haw leh ta.Ö*Þ Bialtu Pastor leh Pro Pastor te chu Pastor Bialfan programme hmangin Sakawrdai Chhimveng Kohhran-ah hun an hmang mek.

Sermon

ISUA RILRU

Philippi 2:5-11

Mi rilru hi hriat mai theih a ni lo, amaherawhchu an thil tih danah an rilru kalphung chu a lang lo thei lo. Isua rilru kalphung pawh kraws a tuarnaah a lo lang a, Paula hian chu chu a hmu chiang hle. Chutiang rilru chu amah pawhin a pu a, a lehkha chhiartute pawhin pu ve ngei turin a duhsak a, he lai chângah hian a târ lang a ni. A thu a fiah zâwk beiseiin lehlin thar hmangin i han chhui teh ang. Judate chuan mihring Isua chu an hmu a, Pathian anga siam a nih chu an pawm thlap, mihring maiin Pathian a an dan erawh chu sawi fiah a har deuh thin. Thlêmtuin hmeichhia a thlem khân, ‘Pathian anga a chhia a tha thlei theih,’ tih a ni. Pathian tluka awm chu mihring châk zâwng tak a ni. Mihring chuan kan nihna pângngai aia sâng nih duhna rilru kan pu. Isua erawh chuan Pathian tluk renga awm chu vawn tlat tum tun turah a ngai lo, mihring a lo ni ta zâwk a. Mihring nih hi Pathian lam ngaihtuah chuan hniam tak a ni. Hei hian Pathian rilru leh mihring rilru kalphung a tilang – mihringin Pathian tluk a duh a, Pathianin mihringa awm a rawn thlang ta zâwk a ni.

Isua nihna thûah theology kalpui dan thenkhatah a Pathianna kha dah tha a, mihring rawn ni ta angin an sawi. Chutianga ngaih theih loh turin ‘a inngaitlâwm, mahni inhre chang lo’ tih a dik zâwk ang. Mihringa a lo chan kha Pathian tân chuan a hniam êm, mahse Isua kha mihringah ngei a lo chang a, mihring ang chiahin a seilian a. Heti chung hian a Pathianna chu a keng tho si. Mihring chiah a nih avangin mi dang angin Pathian anga awm rawn duh ve mai awm tak a ni, mahse amah a inhre chang lo. Mihring pângngai a an lohna chu a inngaihtlâwmna hi a ni. Bâwih dinhmuna din a hreh lo, bâwih dinhmun a hniam hle, chhiahhlawh an ni a, hetih hun lai phei hi chuan ram tam berah chuan an puten bâwng chhawrin an chhawr a, vaw hlum mah se a pawi lo, an duh hun hunah an talh thei tih tur a ni. Bâwih dinhmun aia la hniam leh chu krawsa tuar turte hi an ni. Rorêltuin thu a tihfel tawh chuan khawvêlah eng mah neih a nei lo. Saruak tak takin a taksa pawh an khêng bet, Judate erawh chu an duat deuh a, hrenpereng an hren an phal, chu chiah chu an thil neih chu a ni. An dam laia an thil neih dang chu an chân vek. Hei aia hniam dinhmun hi a awm thei lo – hemi thlenga Isua a zu ding ta hi a intitlâwm a, Pathian thu ang anga awm a tum tlat vang a ni. Amah a inhnâwl daih a, Pathian hnênah a duh ang tihhlawhtlin a tum ve lo. Kraws tuar chu a huphurh hle, ama thu chu ni se pumpelh a duh, Pathian hnênah pawh la bo turin a ngên a, mahse a dil vang ni loin Pathian thu thu ni se a duh tih a sawi chiang. Pathian thu zawma mihring dinhmun hnuaihnung ber a zu liluh thleng hi Pathianin a chawimawina chu a ni.

Isua chu a thi a, a tho leh a, Pathian ding lam vanah a han thu ta a, hei hi Pathian chawimawina chi khat chu a ni. He lai changa Pathian chawimawina a tih nen hian ngaihfin loh tur a ni. Tirhkoh Johana chuan Isua krawsa a tuar thu a sawi apiangin ‘a ropuina’ tiin a sawi thin. Isua ropuina lai ber chu mihringin mualphona tawp nia kan ngaih thin chu a ni. Mihring pawhin mi inngaitlâwmte chu kan lo ngaisâng khawp mai, keini kan inngaitlâwm ve peih lo thin nâ a. Mahatma Gandhi chu chêksawlh theih loh khawpin a inngaitlâwm a, kan ngaihsan phah a. India rama mi hnuai ber hmun phiatte pawhin an khawih ten duat taka a enkawl liak liak avangin Mother Teresa chu ringlo khawvêl pawhin an ngaihsan, khawvêl chawimawina sâng ber Nobel Prize a hmu a ni.

Isua ngeiin ‘Thuhnuairawlhte chu an chan a tha e, ram chu an rochung dâwn si a’ a ti. Inngaihtlâwm te, thuhnuai rawlhte hi nêpna niin kan ngai, han inlek deuh thâr hi kan ngaisâng zâwk fo. Kristiana chu vanram kawng a zawh laiin In Mawi a han thleng a, Vanram lanna pindanah an muttîr a. A tûkah chuan Zahna kawn (Inngaihtlawmna)-ah a chhuk thlâk a tûl ta tlat mai, vawi thum a tlu a ni. Isua zuitu intite ngei pawh hian a tlâwm zâwk nih chu kan hreh. Kohhran pawh kan inropui siak fo. Kan Kohhran hian Pathian thu keng bîk deuh zâwk tein kan inngai thin. Biak in thatah te kan in el, inelna sual a ni lêm lo thei. Kan rilru a dik em? Isuan, ‘Thlarau lama an pachhiatzia inhriate chu an chan a tha e, vanram chu an ta a ni si a’ a ti bawk. Thlarau lamah pawh kan in dah û hle thin. Mi dang chu kan hmu neu zâwk fo. Kan Kohhran hruaitute meuh pawh Thlarau dawng ve lo, piangthar ve lo niin kan hre fo, kan indah chungnun vang a ni. Pathianin a chawimawi chu Thlarau lama an pachhiatzia inhria, hniam hlea inhre thinte hi an ni.

Isua rilru put dan ang kan put ve hi Kristian nun vawrtawp a ni tur a ni. Hei hi a ni khawvêl chhandamna tur kawng chu Kraws kawng hi, chu chu Pathian thiltihtheihna thurûk chu a ni.

Lawrkhawm

SORKAR, DEPARTMENT ETC.

Nimbu Tiak sem:

MGNREGS Sakawrdai Zone huam chhung khaw hrang hrang ah Nimbu tiak sem a ni a, Nimbu tiak hi chhungkaw khatah 50 zela sem tur a ni a. Amaherawhchu supply a kim loh nasat avangin 20 zela khairuala sem a ni.

SMS hmangin Renew hun..

Transport hnuaia DTO office tinah Phone number pea in register te tan SMS hmanga road tax leh fitness renew hun hriatthei a ni ta, hre duh tan Ph - 9212357123-ah VAHAN MZ FIT motor number (e.g. MZO1D1234) tih leh VAHAN MZ TAX motor number (e.g MZOID1234) tih thawn tur a ni.

Union Home minister thar:

Sushil Kumar Shinde chu Dt. Aug 1, 2012 khan Union Home Minister thar atan lak luh a ni. Home Minister hlui P.Chitambaram chuan Finance Minister a chang ve leh thung bawk ang.

 

Mizoram Power dinhmum:

Tun dinhmunah Mizoramin kawlphetha 29mw a tichhuak mek a; Joint Electricity Regulation Commission bituk angin, August 1, 2012 atang khan Mizoramah kawlphetha hman man tihpun tura tih a ni a, Unit khat Rs. 3 atangin Rs. 3.30-ah tihpun a ni.

Mizoramah Helicopter:

August ni 16, 2012 atangin Mizoram chhungah Helicopter Service tan ani ang. Kar khat ah ni 6 a service ang, Pathian ni tiam lovin. August ni 14 ah Inaugural Flight neih ani ang. Chuan man

R 50/- per minute a ni a, Service fare hetiang hi a ni:-

Saiha -50minutes -

R.2500/-

Lawngtlai -50minutes - R.2500/-

Champhai -25minutes - R.1250/-

Khawzawl -20minutes - R.1000/-

Lunglei -30minutes - R.1500/-

Kamalanagar -45minutes - R.2250/-

Hnahthial -30minutes - R.1500/-

Serchhip -17minutes - R.850/-

Kolasib -15minutes -R.650/-

Lawrkhawm

LAWRKHAWM: 5 Aug, 2012

Independence Day Tournament:

Sakawrdai a Independence Day Tournament buatsaih turin hma lak mek zel a ni a. Dt.7.8.2012 (thawhlehni) atangin Football leh Volleyball Tournament tan a ni ang.

Mi 26,359-in tar pension dawng tawh: Mizoramah tar pension dawng mi 26,359 leh hmeithai pension dawng mi 891 an awm mek a. Tar pension kum 80 leh a chung lamte'n R 550 an dawng a; kum 60-80 ten R 250 an dawng a ni.

Accident vangin mi 3 an boral a, hmun dangah mi 1 thi:
Dt.3.8.2012 Dar 10:30am vel khan Bung Banglow, Beraw Lui Quarry chim in Taxi MZ 01B 0535 chu kawng thlang ah a hnawl thla a. Upa.Zorammuana, Serchhip Project veng chu a hmunah thi nghal in, a fapa Pu Zosangliana leh Pi Vansangzuali, Thingsul Diakkawn veng chu Civil Hospital thlen pui a nih hnu ah an boral leh a. Thingsul damdawiin Ina awm Pi Lalnipuii pawh a fanu Vansangzuali thih a hriat avanga buaiin hemi zan vek dar 9:30pm khan a boral ve bawk a ni. Taxi ah hian mi 6 an chuang a, mi dang 3 in hliam natak an tuar bawk.

Editorial

HRIATTHIAMNA:

Mi thenkhat tan, hmanni lawk ah khan Naupang ten Tuaingawt an chaih a, chawthing an lek a, sephung an lai a, an leikan deuhin Thinglukham an pu a, lui kal leh chawhmeh zawn te kha an hun hman dan leh an inawmhlimna a ni thin. Tunah ve thung chuan naupang ten JCB hna thawk lai hmuh nuam an ti a, an hmawm sawm pawh phai lam thil siam, tunlai thiamna sang tak hmanga siam te a ni ta. Naupang, la tawngtheilo te pawhin Mobile phone awm zia leh a lek/ken dan te an thiam a, naupang te te pawhin tunlai puitling tam tak thiam loh games te an khel ta zeih zeih mai a nih hi !! Tunlai Khawvel thiamna san ang zelin kan fate nunphung pawh a lo danglam a, kan hunlai leh kan fate hun lai hi a inang tawlova, kan hun lai angin kan teh tur a ni tawh lova, an khawvel hun hman mek hriatthiampuitu leh sual lama an ke pen tur veng thiam thei khawpa kan inzir ve a ngai a ni. Kan fate leh nau te, an hma hun a tan, a tha ber kan duh vek a, an eizawnna tur ngaihtuah sak mai bakah a pawimawh ber, Isua a danglam ngai lo tih hi an rilru ah i tuh sak ang u. ktpsakawrdai