Editorial - A lem leh a tak

A lem leh a tak

    Vawikhat chu mi thatchhe tak pakhat hi mitdel lemah changin mitdelho kutdawhnaah kut a dawh ve a. A duh anga a hlawk loh avangin bengngawng tawngtheilo kutdawhnaah a va kal a. Chutah chuan hlawk zawk dawna a inhriat avangin tawng thei lo lemah a chang a, an zingah chuan a thu ve ta a. Nakinah chuan amah hre chiangtu pakhat hi a lo kal a, “Nang chu mitdel kutdawh zingah khan ka hmu thin che a, engtik lai khan nge i lo tawng theih loh le?” tiin a zawt a. Ani chuan, “Ele, nimin atang mai khan,” tiin a chhang a ni an ti a.  Lemchang na na na hi zawng, a tak an chan dawn hian an che sual nge nge thin a ni. Pathian thu hi kan nunpui peih loh avangin a sawi dan dangdai leh a sawi dan maksak lamah kan ram tang a. Kan sawi hi kan duh tawk mai a, a takah a lang chhuak lem lovin kan nunpui lova, Mi hmuh ah chuan Thar ta ber nia langin, Tawngkam thar kan chher chhuak a, mi dangte aia danglam ta luaah inngaiin kan in-show kual vel thin. Ni tin nun hlamchhiahin kan inthuk siak a, mi dangte hriat ve loh hre bik niin kan inngai a, hming thar kan invuah ngial thin a. Nimahsela kan nun hi miten an awt chuang reng reng si lo. He khawvel lemchan nun hian kan nun a ei zo va, Pathian tihna leh a rawngbawlna aiin a phawvuaka che kan tam ta.  Lemchang nun hi Pathianin a duh lova, Amah rin chhan a, a mah vuan turin min duh a ni.Piangthar lemte chu a lemin an nung a, piangthar takte chu a takin an nung thin.

LAL ISUA EN RAWH

LAL ISUA EN RAWH (Heb. 12:2)

    Kan zinna khawvel tuipuiah hian buaina chhum chhah mupte hian min chim buai ve fo thin. Kan nun hi harsatna tawk lova a kal tluan lai chuan Lal Isua ena a hnena lawmthu sawi nachang kan hre viau va, nimahsela chhum chhah mup kan sut lai hian kan buai zo va, Isua en a har thin a ni. Vanduaina kan tawk a, chhungkua kan buai a, kan fate avangin kan rum a; chutiang chhum chhah mup hnuai atang chuan mahni kan inkhawngaihna mittui a parawl teuh va, Isua en a har ngawt mai. Pathian thuin miten min fuih a, keini erawh chuan, “A ni khawp mai, mahse, mihring kan ni miau mai a,” tiin, Isua en thei lovin chhum chhah mup chu kan en zawk thin.

    Harsatna chhum chhah mup atang hian Isua hi hmuh sual a awl duh khawp mai. Zirtirte pawh kha Galili dilah tuifawn na tak mai an tuar a, hlauvin an khur a. Khawvar dawnin Isua chu anmahni thlamuan turin tui chungah a lo kal a, zirtirte chuan hmuithla emaw an lo ti a. Anmahni chhan tura lo kal Isua chu an hmu sual nasa kher mai. An hmuh sualna chhan chu manganna chhum hnuai atanga an thlir vang a ni. Lal Isua erawh chuan aw nem zaidam takin, “Thlamuang takin awm rawh u, keimah ka ni alawm,” a rawn ti dam dap mai a. Lusun manganna hnuai atangte hian chung lam thlir fiah a har a, lei lam kan hmu fiah thung a, min thlamuan tura Lal Isuan, “Keimah ka ni alawm,” tiin aw nem zaidam takin min be mah se, mittuiin min bual â zo va, kan mit a vai tlat thin a ni. Mi thenkhatte chuan kan chunga manganna lo thleng hi kan ngam lo tih hre reng chungin kan en ngawih ngawih a, kan bei a dawng zual thin. Lal Isua lam ensan ila, amah nen kan hmachhawn chuan tahna zan chu zing lawm hla a chang ngei ang.

    Lalpa en ngawt mai hi hnehna a nihzia chu Mosia hova Israelten tuipui sen an kân thuah pawh khan kan hmu. Khatah khan mipuite chu an mangang hle tawh a, an hma lamah tuipui sen dai kai rual loh a awm a, an hnung lamah Pharaoa sipai an lo tlan tawh bawk si a, dolung leh tuboh inkara awm an ni tawh a. Mosia erawh chuan a hma lama tuipui sen leh a hnung lama sipaiho chu thlir lovin, a hma chiaha Pathian hnathawh lo lang tur chu a thlir zâwk a. A hote hnenah chuan, “Lalpa chhandamna, vawiina a thawhsak tur che u hi en ngawt mai rawh u,” a ti a. Mosia hian mipuite angin a hma lam leh a hnung lama hlauhawmte hi en reng ve sela chuan a hote nen chhiatna nasa tak an tawk ngei dawn a ni. Nimahsela Lalpa a en tlat avangin tuipui sen chu a kangchat ta ruah mai a, chutah chuan him takin an kal kai ta a. Pharaoa sipaite chuan tuipui an rawn luh veleh tui chu a infin leh chiah a, a len bo ta dial mai a. Keini hi zawng, kan hnung lama harsatna kan tawh atangin kan hma lama lo la thleng leh tur chenin kan hawi zau lutuk a, kan hma chiaha Pathian hnathawh lo lang tur kan en khum thin a ni.

    Vawi khat chu Kohhran Upa pakhat hian Pastor hnenah, “Pastor, Upa ka nihna atang hian ka bâng mai teh ang,” a ti a. Pastor chuan, “Engtizia nge ni ta?” tiin a zawt a. Upa chuan, “Mipuite hian min sawisel neuh neuh reng mai a, min thlan hlim ang khan min fak tawh lo a ni,” a ti ngui raih a. Pastor chuan, “Chu, i hmaiah chil an chhak hial che em ni?” a ti a, Upa chuan, “Chil chu chhak em lo ve,” a ti a. Pastor chuan, “A nih leh i lu-ah hling lukhum khumtir an tum che em ni?” a ti a, Upa chuan, “Tum em lo ve,” a ti a. Pastor chuan, “A nih leh khenbeh an tum che em?” a ti a. Upa chuan, “ E, khenbeh te chu min han tum vaih teh se, lamtang pawh ka ngah ve mai, ka do let ve mai ang,” tiin a inhrosa ta a. Pastor chuan, “A ni maw, i zui Isua chu a hmelmaten a hmaiah chil an chhak khum a, a lu-ah hling lukhum an khumtir a, kraws-ah an khengbet a. Chuti chung chuan, ‘Ka pa, anni hi ngaidam rawh, an thiltih an hre lo a ni,’ tiin amah khengbettute tan a dilsak asin. Chuta tuartu Isua chu en ta che,” a ti a. Upa chuan, “Pastor, ka thiam lo a ni e, Kalvari tlang lam ka lo thlir khât deuh a nih chu,” tiin a thil tum chu a thulh leh ta a ni, an ti.

    Rawngbawl hnaah harsatna kan tawh hian mahni kan inkhawngaihna mittui a tla fo thin. Isua en lovin mahni kan inen a, kan harsatna kan en a, kan rawngbawl hna hi bansan kan duh hial chang a awm fo mai. Chutih lai tak chuan kan zui Lal Isua hi en ila, a hmel chu chiang takin hmu ila, “Hling lukhum khum vangin ka hmangaih a che,” tiin hlimin kan zai thar leh thei ang.

Kan dam tlang em?

Ö*ÞNl R Lalnunkimi (Te-i), Pharmacist, CHC Sakawrdai chu Thalbe  Cancer avangin Aug 3 (Inrinni) khan Zemabawk Cancer Hospital-ah Chemo an khai tan a, Kohhran ho ten i tawngtai pui ang u.

Ö*ÞPu Lalthangzuala (40), Pu H Thangvunga fapa chu Acute Gastro Entrities (Kawthalo) avangin Aug 28 khan CHC ah admitted a ni a, Aug 31 khan damtakin a chhuak leh ta.

Ö*Þ Aug 3-4 hian Pastor Bial fan programme chu Khawpuar ah hman a ni a, Upa Lalnunmawia, Chhimveng in a tawiawm a ni.

Ö*ÞMusic Committee hmalakna in khuang thar tha tak pahnih kaih a ni a, phoro a nih hnu ah hman theih a ni ang.

Ö*ÞBial Zaipawl Members ten Karleh Zirtawpni zan leh Inrinni khian Sakawrdai S.S Hall ah hla zir leh tur a ni. Members ten i hria ang u.
        Tun kar Damdawi In

Lawrkhawm

    SSU ten School tlawh mek.

    Sakawrdai Student Union te chuan Primary School 1,II & III te tlawh zawh hnuin July 31.2013 (Nilaini) khan Presbyterian English School an tlawh a, Aug. 1 .2013 (Ningani) khan Gov’t Middle school an tlawh bawk. SSU hruaitute hian naupangte hnenah Zirna lama hma an sawn theihna’n infuihna hun an hmang. SSU te hian School hrang hrang tlawh turin ruahmanna an siam mek a, School la tlawh loh te pawh la tlawh zel tum a ni a.Sakawrdai khua a School awm zawng zawng te tlawh chhuah vek an tum a ni.

Exam tan dawn

    Presbyterian English School chuan Dt 5.8.2013 (Thawhtanni) atang hian First Summative Examination an tan dawn. School in result tha tak aneih theihnan nu leh pa ten kan fate thahnem ngai tak a tan lak pui turin Pricipal and  Staff  PES chuan nu leh pate a ngen a ni. Naupangte Exam chung hian nu leh pate chu tumah  school campus chhungah luh phalsak anni dawn lova Gate kalh  a ni ang.

Rawngbawlna lam

Intlawhtawn Programme hmang zawh a ni ta:

    Baktawng Venghlun Branch KTP te chuan Dt. 26th-28th.July.2013 chhunga Sakawrdai Branch KTP an rawn tlawh chu Pathian kaih hruaina in tluang taka hman zawh a ni ta. He Join Fellowship thleng tur a Kohhran chhungkaw in buatsaihna a tha hle a, mikhual lam pawhin nuam an ti tlang hle a ni. Venghlun Branch te hmel thahnem  tak kan hmu a, an tam hrim hrim vang niloin Rawngbawlna kawng a an inpek zawh vang ni zawk mah in  alang. July 27 khan Sakawrdai Playground ah nileng a intihhlimna hun hman a ni. Branch pahniha Thalai te hlawk an ti hle nia thu dawn a ni. Pathian thuchah ropui tak ngaihthlak thin a ni bawk. Intlawhtawn Programme ah hian  kan Kohhran KTP member te thawhhona a tha hle a, Zaipawl tum thum neiin chetna tur awmahte  awl bik awmlo in kan tang tlang hl e a, kan in tawiawm that avangin Kohhran leh Branch hmel a mawi phah bawk a ni. Baktawng Venghlun Branch KTP te hi July 29 tukthuan ei kham ah  P/P Ngurthanmawia Sailo chuan   Biak In kawt tawngtaina hun hmangin Baktawng Venghlun Branch atanga lo kalte thlahna neih a ni.Tin, hemi zan KTP inkhawm ah Joinj Fellowship thlir letna hun hman a ni a, sum tam tak seng a lo kal te, Branch KTP in a lo dawn sawn dan chu sit awm an tih thu te sawi langin, sawhchiar emaw thingpui emaw tal hlui an nihloh chu pawi an tih thu sawi lan a ni a. He programme hi hlawk thlak an tih thu an sawi lang hlawm bawk a ni.

KTP hnatlang

    July 29 (Thawhtanni) khan Thosi hlo kah hnu khar nan CHC Compound ah Branch KTP hnatlang neih a ni. He hnatlang ah hian member 17 thawk chhuak in damdawi in leh Quarters bul hnim  te thlawhfai leh sam fai hna thawh a ni Tarlan tawh ang in thosi hlo kah hi ICI KTP te nena  inthawhtawm a nih avangin hemi ni hnatlang pawh hi a rual a neih a ni a, an ni lam pawh thahem tak an lo thawk chhuak ve bawk a ni.

Bial Zaipawlten Hla Zir

    August 2 & 3 (zirtawpni zan leh Inrinni nileng)  khan Sakawrdai Pastor Bial zaipawlte chuan Sakawrdai Chhimveng Kohhran ah hla an zir.  Bial Zaipawl hla zir te hi Sakawrdai chhimveng Kohhran Committee chuan  tukthuan buatsaih sakin anmahni vekin eitur an siam sak a, an kil ho nghal a ni. He hla zirna ah hian Bial zaipawl te an kal tha hle a, hmeichhe lam pang in Zaipawl form tur chung chang an sawi ho bawk. Bial Zaipawl an dawnsawn dan leh an duhsakna hi  Bial Zaipawl Members te hian ropui an tiin lawmawm an ti hle. Nikum lamah khan Bial Zaipawl te hian Khawpuar tlawhin Khawpuar Kohhran chuan Bial  zaipawlte chawhlui an lo siam sak tawh bawk a ni.

Pavalai Meet hmang mek

Synod Revival Committee bultumin Rampum huap Pavalai Meet vawi 1-na, 2013 chu Bethlehem Kohhran Biak In ah August 3-4 chhung hian neih a ni a, zanin ah a tiak ang. Pavalai Meet ah hian Thlarau lam Thupui chu “Nang malsawmna ni ang che” (Genesis 12:2) tih hman a ni a, Thupui hi Then thuma then a ni a, Rev Lalramliana Pachuau, Synod Moderator,Rev Vanlalzuata, Senior Executive Secretary i/c Pastoral etc.Rev R. Lalnuntluanga, Revival Committee Member te’n Thupui an sawi ang.

    PATHIAN THU ZIR DUH TAN

Presbyterian Bible School, Mission Veng, Aizawlah Session 29-na atan Certificate in Theology (C.Th) admission hawn a ni a. Dil duhte tan a hnuaia tarlan hi hriat tur a ni e :-
 Admission Form : Office hun chhungin Rs. 20 a lei theih a ni
 Dil hun chhung : August 26, 2013 (Thawhtanni) tlai dar 3:00 thleng

KTP pual thlaithar thawhlawm

Vawiin thlaithar thawhlawm hi KTP pual tur a ni a, kohhran chhungkua ten kan thlai thar neih ang ang thawha tawiawm turin kan inngen a ni. KTP pual thlaithar thawhlawm hi Upa Lalramhluna’n Pathian hnenah hlanna a nei ang.

Editorial - Kumthar thutiam

KUM THAR THUTIAM

Kum a lo thar hian, kum hluia chin dan thin, thalo te thlahin, kum thar atanga ti tawh lo tur leh, kum thara mahni duh zawng leh tha tihte ti tawh turin mi tam takin ‘Kum thar thutiam’ an nei thin. Meizial zu thin, nghei duh te’n Meizial zu tawh lo turin an intiam a,Inkhawm ngailo leh inkhawm khat te’n rilru siam tharin Inkhawm zing turin an intiam bawk a,Mi thenkhat, Kum hlui aia mi dang tana malsawmna ni leh zual turin an intiam bawk. Kum thar thutiam hi a inanglo hlawm hle thin. Kum thar 2013 kan chuang kai a, Kumthar thutiam nei pawh kan awm nualin a rinawm. He thutiam neitute hian Thutlukna chhuanawm tak an siam a, thil lawmawm tak a ni phawt mai. He thutiam tihlawhtling turin hma pawh an la ngei ang tih a rinawm.Kum thar thutiam vanga nun leh chin dan thlak ta pawh tam tak sawi tur an awm a ni.Kan hriat reng tur chu, kan thil tih thin dan leh kan chakte thlah hi, natna nilovah chuan tawrh har tak a ni a, kan theihna hian chin tawk a nei awlsam hle thin. Kan mimal tumna hi tih leh chakna hian a hneh awl em em a ni. Hun a liam a, kan kumtir tumna ang reng khan boruak a awm lova, awm hmun kan sawn a, kan thenrual kawmna,kan hna thawhna leh zin leh veivahna ah te kan tum thlah mai hi a awl em em a ni. He kan thut tiam ti puitling tur hian minpuih reng duhtu Pathian bel ila, ama kuta innghah mai hi kan puitlinna tur a ni tih hriain, Amah kan biakin nghehna dil thin ila, Pathian a kan innghah tlat chuan tihtheihloh a awm lo tih i hre thar leh ang u.

Kan dam tlang em?

Ö

*Þ Kan Jt. Editors Tv. H.Lallungmuana leh Tv J. Zothansanga te chu mimal thil pawimawh avangin Aizawl lamah an zin

Ö*Þ Kum 2013 Branch Zaipawl Conductor-ah Tv. J.Zothansanga, Asst. Conductor-ah Pu HD Lalthanzuala ruat an ni.

2013 Sakawrdai Branch OB & Editorial

BRANCH KTP OFFICE BEARER - 2013
Leader : Pu Lalbiaktluanga Ph: 9436175320
Asst. Leader : Pu Ronald Lalramsanga Ph: 8974965675
Secretary : Tv H. Lallungmuana Ph: 8974846121
Asst. Secretary : Tv Laltanpuia Ph: 8729985479
Treasurer : Nl. Gospel Ramkinlovi Ph: 8974633889

Fin. Secretary : Pu HD Lalthanzuala Ph: 9612081156
KTP AW EDITORIAL BOARD - 2013
Editor : Pu HD Lalthanzuala Ph: 9612081156Jt. Editors: Tv H. Lallungmuana Ph: 8974846121,  Tv. J.Zothansanga Ph: 8731913101
Business : Tv. Laltanpuia Ph: 8729985479
Cir. Manager: Pu Ronald Lalramsanga Ph: 8974965675

KTP Inkhawm

KTP INKHAWM

Dt.14.1.2013Hruaitu : Pu Ronald Lalramsanga
Tantu : Nl Lalnghatzovi
Thusawitu : Pu Lalbiaktluanga

January Thawhlawm khawntu turte:

1. Nl Lalnghatzovi 2. Nl Gospel Ramkinlovi

Tun kar Damdawi In

Tunkar CHC ah mi 7 admit an ni a. Tun dinhmunah puitling 1 leh nausen 1 enkawl mek an ni. Kan Kohhran chhungkua damlo enkawl an awm lo. Naupiang 2 an awm a, Inrinni khan Dr. Shahnaz Zothanzami leh Dental Doctor, Dr Shahmim chu an rawn chho leh ta a, karleh lam atang chuan rawn leh theih an ni ang. Dr Shalom-i pawh karleh Thawhtanni khian a rawn chhoh beisei a ni bawk.

Lawrkhawm

Dan thianghlimin pasal nei:

Nl. Lalthamawi chuan Tv. Hmangaihramengmawia chu January ni 10.2013 khan Saihapui Presbyterian Kohhran Biak In ah Kohhran Dan thianghlimin Pasal-ah a nei ta. January ni 8 khan a thlahna hi an In, Pu Lallungkhama In ah hun hman a ni a, T. Upa Zothangkhuma’n hunserh hi kaihruaiin Thusawina hun Upa Ramhluna’n a hmang a, Kohhran Member te leh Thenrual thate an kal tha hle. KTP AW chuan Fanau duhawm neia, nupa hlim tak ni turin duhsakna a hlan a ni.

Sub-Centre Quarter sa tha dawn :

Sakawrdai Sub Centre Quarter chu Sak that a ni dawn. Seb Centre Quarter hi a dung Feet 35, avang Feet 15 a sak tur a ni a, a sak hna hi tan thuai tum a nih thu kan dawng.

RSBY Registration la tih theih loh:

Job Card neite tana Manchawilova Damdawiin a awm theihna tur, RSBY Registration chu a form khailakna avangin chhunzawm theih a la ni lo, a Form hi kar leh lama rawn thleng hman tur a beisei a ni.

Rawngbawlna lam

KTP AW Enkawltu tur ruat thar a ni

Kum 2013 chhunga KTP AW enkawltu tur te chu, Branch Committee-in heti’angin a ruat thar:- Editor: Pu HD Lalthanzuala, Joint Editor: Tv. Lallungmuana, Tv. J.Zothansanga, Business : Tv. Laltanpuia, Circulation Manager: Pu Ronald Lalramsanga. Agents: Jubilee Lalhmingthangi, Joseph Lalramliana, Lallawmkima. Chanchinbu man khawntu turte : Tv Ramthianghlima, Tv Lalhumhima, Nl. Lalrinchhungi. Chanchinbu man hi nikum ang thovin Thlakhat ah R 20/- a ni ang.

KTP Nileng Committee neih a ni

January ni 5. 2013 khan Branch Committee, Sunday School Hall ah neih a ni. Committee hi Chawhma dar 10:30 ah tanin kumin chhunga hmalakna tur hrang hrang bakah, chanvo nei turte ruat an ni a, OB leh Committee Members 10 an kal thei a ni. Kumin atan Group 3, Mathaia, Marka leh Luka Group a inthen leh rel a ni a, Group tinte kumkhat Budget ah

R 7000 theuh in tuk a ni a, tum hnih, June Thawhtanni vawihnihna leh December Thawhtanni Vawi khatna ah te budget hi lakkhawm tur a rel a ni a, Member te lo siam rem chu Leader leh Secretary-te kutah dah nin Committee a pharh leh tur a tih a ni. Kum 2013 Branch KTP Project atan Phantom Power Microphone(Pulpit a dah tur), Keyboard leh Guiter Stand leh Thuk pahnih a ni. Hemi bakah Kum 2012 Project ‘Kum 2014 a KTP General Conference kalna atana target R 35000/- atangin R 20000/- dahthat a ni a, a bak R 15000/- hi kumin a thawhchhuah belh tur a ni bawk. KTP AW chanchinbu Editorial Board siam thar niin, Kohhran Committee in Branch kuta a dah angin Light & Sound incharge tur bik te inruat a ni a, Bial leh Central KTP Rorel nkhawm Palai turte ruat fel ni in Branch hmalakna hrang hrang a chanvo chang turte ruat an ni bawk.

Missionary Day hnuhnung ber hman a ni

January ni 11(Zirtawpni) zan khan Mizorama chanchintha lo thlenna puala Inkhawmna neih a ni a, Inkhawm hi Upa Raltawnphunga’n kaihruaiin "Krista thuhretu’ tih thupui hmangin Upa Lalringliana hnen atangin thusawi ngaihthlak a ni bawk. Inkhawmah hian Pathian hnena thilpek lakkhawm a ni a, Malsawm tawngtaiin Bialtu Pastor Rev. Dr. Hmingthansanga’n inkhawm a titawp a ni. Tun kum hi Mizoram Presbyterian Kohhran-in Chanchintha thlen ni January 11 a hman hnuhnun ber tur a ni ta a ni. Kum 2014 atang chuan Mizorama chanchintha lo thlen Ni atan March ni 15 hi Ni serh a hman tawh turin SEC chuan a rel a, Serlui Presbytery atanga thu lo lut niin, Synod Inkhawmpuii’n a pawmpui a ni. March ni 15, 1891 khan Rev. William Williams chuan ‘Kutbul Lui’ chhuah rawn kaiin, Liankunga Khua, Muanghmun a rawn thleng a, Naupang leh Puitling te ko khawmin Zai leh Pathian thuziak Milem te a sem darh a ni. Hemi ni hi Mizoram Synod chuan Mizorama chanchintha lo thlenna ni ah a pawm ta a ni. Hun rei tak atang tawh khan Mizoram Synod chuan Rev. Willim Williams a ‘n Mizoram leilung a rawn rah tan ni hi Chanchintha thlenni ah a thuphungin alo pawm tawh a. Amaherawhchu rawngbawlpui Kohhran dangte nena inlungrual tlan zawkna beiseiin, January Ni 11 1894 J.H Lorrain leh FW Savidge te rawn thlen ni hi pawmin alo serh ve thin a ni. Amaherawhchu inlungrualna tak tak a awm thei tawh chiah lo ni a a lan tak avang leh rawtna lut a awm bawk avangin March 15 hi Chanchintha thlenna Ni ah pawmin Presbyterian Kohhran chuan a serh dawn ta a ni.

Kohhran Joint Committee Hruaitu thar thlang

Jan. 11, 2013 (Zirtawpni) zing khan ICI Kohhran Sunday School Hall ah Sakawrdai Kohhran Joint Committee 2013 hruaitu thar thlanna neih a ni a. Hetiang hian thlanchhuah a ni:- Chairman : Upa Lalrammawia PCI Chhimveng, Vice-Chairman: Upa Kungliana ICI Vengpui, Secretary : Upa Lalhmasawna EFCI Vengpui, Asst. Secretary : Pu Lalrinfela ICI Chhimveng, Fin. Secretary : T.Upa V.Thangkunga PCI Chhimveng, Treasurer : Upa Zothanghluna ICI Vengpui.

S.S Training nei tawh dawn

Kum 2013 atng hian Puitling Sunday School Zirtirtute pualin Zirlai enlawkna leh zir chianna, Sunday School Training Neih tawh thin a ni dawn, Trainning hi Inrinni zan Inkhawm ban apiangin neih tawh tur a ni ang a, Puitling Sunday School Zirtirtu te chuan Inkhawm ngai pawimawhin Training-ah hian tel tum zel nise tih chu Kohhran Committee duh dan a ni.

Chanchinbu man ti sang

Kristian Naupang Chanchinbu kaldan phung thlakin a phek tihpun tum a ni a, a man pawh R30/- atangin R 50 ah tihsan a ni a, . Kristian Naupang chanchinbu hi naupang te mai bakah Thalai telam te huap tela a chhung thute pawh buatsaih a ni tawh dawn a, a Bu kawm pawh Multi Colour a chhut tum a ni a, January Thla Issue atangin Colour hian chhut tana ni dawn a, a phek erawh chu April Thla atngin tihpun a ni thung ang. Kristian Thalai Chanchinbu man pawh R50/- atanginR60/- ah tihsan a ni bawk

Sermon - Thlarau thara rawngbawl

Thlarau thara rawngbawl

(Rom 7:6)

Rawngbawlna ah hian, rawngbawltu atana thlan an awm a, rawngbawl tura kohna dawng an awm bawk a, kohna bik dawng lem lova tulna avang zawka rawngbawl tura inpe an awm bawk. Rawngbawl tura kan inpekna ki chu eng ang pawh lo ni sela, Krista tana pasaltha ni tura inpe te hian kan rawngbawlnaah hian Thlarau Thianghlim hruaiin rawng kan bawl thin em tih erawh kan inzawh nawn fo a tul thin.

Kristian nun hi Thlarau lamah chuan hlimawm leh nun thlakhlelhawm tak ni mahsela, khawvel thlirna lam atang chuan harsatna tam tak paltlang ngaihna nun a ni. Chuvangin rawngbawltute chuan kan nun hi Thlarau lamah kan tah hriam fo loh chuan Setanan thiam takin min bei a, a duhna lam lamah hnuk kawi kual vel tawh mai thin a ni. Chuvangin thlarau thara rawngbawl thei turin tan ila sauh sauh ang u.

Paula chuan, ‘Tunah erawh chuan min chelhtu lakah thi tawhin, Dan ata thlahin kan awm ta, lehkha ziak hlui ang mai ni lova, thlarau thara rawng kan bawl theih nan’ a ti a. Mihringte hi a hma chuan sual thuneihna hnuaia awm kan ni a, kan nuna Dan avanga duhzawng sual lo chhuakte chuan kan taksa pengah te, thihna khawpa rah turin a thawk thin a. Amaherawhchu Krista tlanna avangin min chelhtu lakah thi tawhin, Pathian lama kan rah theihna turin Dan ata thlahin kan awm ta a, lehkha ziak hlui ang mai ni lova, thlarau thara rawng kan bawl theih nan. Pawn lam lang thei chin chauh nilo, chhungril lama Krista nena inzawmna hi a pawimawh hle a ni. Chhungril nuna Krista’n lalna a chan chiahin miin thlarau tharin rawng a lo bawl thin a ni.

Rawngbawltute hi an in fit vang leh an thiamna leh theihna in a tlin avanga rawngbawl an ni lova, Lalpa’n a khawngaihna avang zawkin min chhandam a, min chhandam mai chu duhtawk lovin, chu chhandamna chanchin tha chu hril zel turin min ti zawk a ni. Paula chuan Thlarau thara rawngbawl a pawimawh zia hriain, ‘Krista hmangaihna chuan min tirlui a ni’ tiin a sawi a ni.

Kan rawngbawlna han thlir hian Thlarau thara rawngbawl tur chuan inpekna tak tak bakah thawhrimna leh taimakna hi a pawimawh tial tial dawn a ni. Rawngbawltu thawkrim leh rimlo chu rawng kan bawlsaka te hian an hre thuai mai thin a ni. Rawngbawltu tam tak mahni tuina, chakna, a nuam chin leh a langsar chin chiaha rawngbawlte avang hian kan rawngbawlna hian rah tha chhuah thei lovin a thuanawp phah fova, a pawi thin hle mai. Thawk tha peih silo, mahse thil hre si, tawng lama chak bawk si ai chuan thiamna lamah pawh sang lemlo, mi pangngai ve mai pawh ni se, inpekna tak tak nena rawngbawltu hi Lalpan a mamawh zawk a ni.

Kawng hrang hrangah hma kan sawn lai mek hian rawngbawlna kawng ah pawh hma kan sawn ve zel a ngai dawn a ni. Tunlai huna rawngbawlna kan mamawh ber pakhat chu harsatna tam tak nena hun hmang thin, mi lungngai mangang leh nun beidawngte nun luhchilh rawngbawlna hi a ni. Rawng kan bawl saka te hmangaihna leh an harsatna hriatthiampui thin tur khawpa rawngbawl hi Thlarau thara rawngbawl nen a inkawp tlat a ni. Tih tak takna nena rawngbawltu chuan midangte nun a vei tlat a, chhandamin an awm lovang tih a hlau a, an mamawhna zawna puih theih dan tur awm ang ang ngaihtuahin theihtawp a chhuah thin a ni. Keini pawh inenfiah theuh ila, rawng kan bawlna kawng hrang hrangah te hian rah chhuak thei tur khawp hian kan rawngbawlnaah hian kan inpe tawk em? tih in zawt ila, inpekna tak tak nen thlarau thara rawng bawl turin tan ila zel ang u.

Editorial - Thlarau thara rawngbawl

Thlarau thara Rawngbawl

Rawngbawlna ah hian, rawngbawltu atana thlan an awm a, rawngbawl tura kohna dawng an awm bawk a, kohna bik dawng lem lova tulna avang zawka rawngbawl tura inpe an awm bawk. Rawngbawl tura kan inpekna ki chu eng ang pawh lo ni sela, Krista tana pasaltha ni tura inpe te hian kan rawngbawlnaah hian Thlarau Thianghlim hruaiin rawng kan bawl thin em tih erawh kan inzawh nawn fo a tul thin. Kawng hrang hrangah hma kan sawn lai mek hian rawngbawlna kawng ah pawh hma kan sawn ve zel a ngai a. Tunlai huna rawngbawlna kan mamawh ber pakhat chu harsatna tam tak nena hun hmang thin, mi lungngai mangang leh nun beidawngte nun luhchilh rawngbawlna hi a ni. Rawng kan bawl saka te hmangaihna leh an harsatna hriatthiampui thin tur khawpa rawngbawl hi Thlarau thara rawngbawl nen a inkawp tlat a ni. Tih tak takna nena rawngbawltu chuan midangte nun a vei tlat a, chhandamin an awm lovang tih a hlau a, an mamawhna zawna puih theih dan tur awm ang ang ngaihtuahin theihtawp a chhuah thin a ni. Keini pawh inenfiah theuh ila, rawng kan bawlna kawng hrang hrangah te hian rah chhuak thei tur khawp hian kan rawngbawlnaah hian kan inpe tawk em? tih in zawt ila, kumthar-ah hi chuan inpekna tak tak nen thlarau thara rawng bawl turin tan ila ang u.

Kan Dam tlang em?

Ö

*Þ

Kan Jt. Editor Pu HD Lalthanzuala te chhungkua chu Kumthar hmang turin Zirtawpni khan Ratu an pan.

Ö

*Þ Dec. 28 (Zirtawpni) zan khan Pu Lalrinngheta In-ah Krismas & Kumthar Ruai Committee ten Committee an nei.

Ö

*Þ Dec.29 (Inrinni) khan Kohhran Sunday School Hall-ah Kohhran Committee chuan Kumthar setup committee an nei.

Ö*Þ Kumthar Ruai nawnna tur Vawk lo ngaihtuah turin Tv. H.Lallungmuana, Tv. Laltanpuia leh Tv. Lalhumhima te ruat an ni a, Kohhran chhungkua Vawk hralh tur nei chuan inhriattir ni se.

Kumhlui & Kumthar Programme

Kumhlui & Kumthar Programme

Dec. 31(Thawhtanni Zan): Kumhlui thlah zan

Hruaitu : Pastor Hmingthansanga
Kohhran chanchin report & Mitthi te Sunna
Thusawitu : Pastor Hmingthansanga
Lengkhawm Hruaitu : Pi LalneihthangiZanlai inkhawm:Hruaitu : P/P Ngurthanmawia Sailo
Jan 1, 2013 (Thawhlehni): Kumthar NiHruaitu : Upa Lalhluna
Tantu : Pi Thangchhuahtlingi
Thusawitu : Upa Lalringliana
Thupui : ‘Lalpa chunga lawm chu chakna a ni’
Kumthar thawhlawm lakkhawm a ni ang.
Lengkhawm Hruaitu: Pu LallungkhamaChhun: Kumthar RuaiZan Inkhawm:Hruaitu : Upa Lalramhluna
Thusawitu : Upa Raltawnphunga
Thupui : Pathian lawm tlak inthawina
Lengkhawm Hruaitu: Pi Sumtuahthangi

Lengkhawm Thingpui lumtu turte

Dec. 31 (Thawhtanni) Zan:Kumhlui thlah zan

1. Tv. Nehemia Ramchhanliana, Leader

2. Tv. J. Lalrorela

3. Nl. Lalmuanpuii

4. Nl. Lalhriatpuii

Jan. 1 (Thawhlehni) Chhun leh Zan:

1. Tv. Lalhumhima, Leader

2. Tv. Rothangmawia

3. Tv. Lallawmkima

4. Nl. Saizampuii

5. Nl. Kalvarimawii

Jan. 2 (Nilaini) Chhun leh Zan:

1. Tv. Lalsawmliana, Leader

2. Tv. J. Malsawmtluanga

3. Tv. Lalkrosschhuanga

4. Nl. Lalfakzuali

5. Nl. Lalnghatzovi

Inkhawm

KOHHRAN PROGRAMME :

Vawiin-

30.12.2012Pathianni Chawhma: (10:00 - 10:30 a.m)

Hruaitu : Upa Raltawnphunga Tantu : Pu Hrangchawivela

Pathianni Chawhnu: (1:00 - 1:30 p.m)Hruaitu : Upa Raltawnphunga
Thusawitu : Pu Lutthanga
Pathianni Zan: (5:45 - 6:15 p.m) Hruaitu : Upa Raltawnphunga
Thu sawitu : Pastor Hmingthansanga

Tun kar Damdawi In

Tunkar CHC ah mi 7 admit an ni a. Tun dinhmunah puitling 1 leh nausen 1 enkawl mek an ni. Kan Kohhran chhungkua damlo enkawl an awm lo. Naupiang 2 an awm a, vanduai thlak takin, Lalrempuii (thla 3), Sikulthanga fanu chu zirtawpni khan Phneumonia vangin a boral.

Lawrkhawm

Bawng sa hralh then leh dawn:

Ruai Committee chuan ‘kan Bawng hi Ruai nawnna turin a laklawh deuh avangin, hralh then leh ila, Vawksa in nawn mai ni se’ a tih angin, Bawngsa hi hralh then a ni leh dawn a. Kohhran chhungkua a lei duhte tan ngaihven leh theih a ni ang a, Jan 1, 2013 Chawhma inkhawm banah Bawng Lu leh a Vun lilam leh tur a ni bawk ang.

Kohhran Hmeichhia & KTP Inthlan: Dec. 30, 2012 (Pathianni) chawhma inkhawm ban hian Kohhran Hmeichhia leh KTP kum 2013 chhunga Hruaitu thar tur thlanna neih a ni dawn a. Kohhran Hmeichhia hi Biak In-ah neih a ni ang a,KTP hi Sunday School Hall-ah neih a ni ang.

KTP AW Report : Sakawrdai Branch KTP chanchinbu ‘KTP AW’ chu January ni 15, 2012 atanga chhuah tan niin, Pathian Thlarau hruaina zarah khaihlak awm miah lovin, Internet (Website) lamah upload-in kan la chhuah thei zel a, a lawmawm hle a ni. KTP AW hi Account hrana vawn a ni a, KTP sum Audit-na ah telh a ni lo. Kohhran chhungkuaten thahnem ngai takin a man kan pe tlang a. Chanchinbu man tlingkhawm hi R. 10570/- a ni a. Hman ral hi R. 1540/- a ni. A bul tanna senso erawh Branch KTP tum a nih avangin chhiar tel a ni lo.

Bial KTP kum tawp Committee: Dec. 31, 2012 (thawhtanni) khian Sakawrdai Pastor Bial KTP chuan Khawpuar-ah kum tawp Committee an nei dawn a. Pu Lalrindika, Bial Leader chuan Committee kalkhawmte chawhlui a buatsaih sak dawn niin thu kan dawn.

Rawngbawlna lam

Hnuchham pual Carol-ah

R 5025/- hmuh a ni

Sakawrdai Branch KTP in ruahmanna a siam angin, Dec. 22, 2012 (Inrinni) zan a Hnuchham pual Krismas Carol Service neiah member 40 chuang tel theiin,

R. 5025/- khawn chhuah a ni. Carol hi zan dar 8:45 ah chhuak tanin, Hmar lam atanga tanin Zaia Kohhran In tin tlawh a ni a, zan dar 12:30 velah tlawhchhuak in, Branch Secretary-in huntawp khar tawngtaina hun a hmang a, Tv. H.Lallungmuana, Asst. Secy. in Chini, leh Bawnghnute a thawh a, Branch KTP in a hmeh tumin Thingpui inho a ni. Kohhran chhungkua te inhawng tak leh phal taka Hnuchham puala petu te zawng zawng chungah Branch KTP chuan lawmthu a sawi a ni.

Committee peng hrang hrang sum Audit a ni

Dec. 28, 2012 (Zirtawpni) khan Kohhran Sunday School Hall-ah Committee peng hrang hrang sum Audit neih a ni. Kum 2012 chhunga Committee peng hrang hrang atangin

R. 953828/- hmuh a ni a, Synod sumlut R. 557946/- hmuh a ni bawk. Sum hmuh zawng zawng hi R. 1511774/- a ni a, hman ral R. 1381289/- niin, Balance R. 130485/- a awm mek a ni. A hnuai ami ang hi kum 2012 chhunga Kohhran Committee peng hrang hrang sum Audit dinhmun tlangpui a ni:

1. Synod Sum lut: Hmuh zat Hman ral Balance

Pathian ram 235715 235715 -

Buhfaitham 63255 63255 -

Ramthar 156815 156815 -

Thawktu chawmna 99000 99000 -

Sakrament 1558 1558 -

Khawvel S.S 437 437 -

Inneihna 100 100 -

Damdawi In 490 490 -

NEICC 576 576 -

Sub. Total 557946 557946 00

2. Tualchhung sum 271442 246992 24450

3. Building 229920 203055 26865

4. Ramthar Committee 119226 100920 18306

5. Kohhran Hmeichhia 68243 34011 34232

6. K.T.P 264997 238365 26632

G. Total 1511774 1381289 130485

Kum 2012 Krismas thlir letna

(Lengkhawm lamah tan lak deuh kan ngai)

Kum 2012 Krismas programme chu kan Kohhran chuan Dec. 26 khan Ruai nen tluang taka hman zawh a ni ta. Kohhran thenkhatte chuan Dec. 27 thleng khan Ruai nen an la chhunzawm a ni. Kan Kohhran bikah chuan beisei piah lamah Pathian Thlarau Thianghlimin hna a thawka, Pathian Biak Inkhawm boruak chu a tha hle a. Lengkhawm lamah erawh chuan beisei kan phak vak lo deuh niin a lang. Kum dang anglo deuh in, Nu leh pa te Lengkhawm lamah kan that deuh beiseiin, Inlama chaw chhum titawh lovin, Chawchhumtu tura ruat ten hah takin an buaipui a, amaherawhchu Nu leh pa lam Lengkhawm kan tam phah lemlo niin a lang. Kan hma Kumthar lawmna ah hi chuan Thalaite Ruai lamah an che leh sup sup dawn a, Hlim taka Kumthar programme kan hman theih nan nu leh pa lamin Lengkham lamah tun ai hian tan i han la tlang leh deuh teh ang u.

Committee-in Kumthar Ruai nawn turin a rel

Dec. 28, 2012 (Zirtawpni) zan khan Pu Lalrinngheta te Inah Krismas & Kumthar Ruai Committee chuan Krismas thlirletna leh Kumthar hman dan tur chungchang thlirhona an nei. Committee chuan Kum thar Ruai hi nawn ni se tiin a rel a, Krismas-a mawhphurhna/ chanvo hrang hrang ruatten mahni chanvo theuh thahnem ngai taka thawk leh theuh turin kan in ngen a. Chanvo tur ruatsa bakah indaihlohna avangin hetiang hian mawhphurhna ruat belh an ni bawk:-

Fatu Tur Ruat belhte:

1. Pu Lalthahluna 2. Pu Saihnuna Sailo 3. Pu Fimdingliana

Chaw chhumtu tur ruat belhte:

1. Tv. J.Malsawmtluanga 2. Tv. Lalremruata 3. Tv. Hose Ramfangliana

Chhangphut dengtu ruatbelh: 1. Nl. Lalrammawii

Sermon - Thlen chin atang khan hmasawn

Thlen chin atang khan hma sawn

Phil 3:16

- Pro Pastor Ngurthanmawia Sailo

Pathain Kohhran, a thisen a a din kan nih avang hian kohhran te hi awm mai mai tur kan ni lova, Pathian hian mawhphurhna leh tih tur tam tak kan ko ah a nghat tlat avang hian tun kan dinhmun atang a hmasawn zel tur kan ni.

Rawngbawlna ah hian tan lakna tur kawng tam tak kan nei, kan lo tih tawh pawh tam tak a awm ngei ang. Nimahsela, kan tih tawh ah lungawi leh duhtawk mai lo in hma lam pan a kan thlen chin atanga kal zel tur erawh kan ni tih hi kan hriat fo a tul awm e. Kan kohhran 2010-2011 leh 2011- 2012 bial khawmpui report a a lan dan hetiang hian lo thlir thuak ta ila.

2010-11 2011-12 Khumna

1. Kohhran member zat 380 379 -1

2. Dan zawhkim zat 239 247 +8 3. Chhungkua in zat 64 74 +10

4. Pawl dang atang a lo pakai zat 1 19 +18

5. Thunun zat 8 10 +2 6. Naupiang zat 10 6 -4

7. Synod a sum chhun luh zat 451905 4949911 +43086

Kan kohhran dinhmun en chuan a tlangpui chuan hma kan sawn rualin tan lakna tur tam tak kan nei tih kan hre awm e. Kohhran member an pun leh zual theih nana tan lak hi kan tih mak mawh chu a ni. Hemi kawngah hian Pastor-te leh Upa te mai ni lovin kohhran mimal tin ten mawhphurhna lian tak kan nei a ni. Inhawng takin, fel tak leh dik takin, kan Kohhran mi leh sa lo ni tawh te la kir leh tur a hma kan lak nasat pawh a tul awm e.

Kum kal ta en in naupiang kumin ah hian kan tlem zawk a,he lamah pawh hian Kohhran mipui ten tan kan lak a tul awm e. Kohhran mipui te fa nei tam tur a kan in fuih thar sauh sauh pawh a tul tak meuh meuh a ni.

Thilpek lamah chuan kan Kohhran hi kan bial ah chuan kan sang fal hle a, mahse hei hi kan duh tawk mai tur a ni lo. Kohhran mipuiten sawma pakhat pek kan uar sauh sauh tur a ni ang. Oswalt J. Smith chuan " Nikuma i pek ang zat i pek a, i tawngtai zat i tawngtai chuan Pathian ram hi zau zel suh se i tihna a ni" a ti.Kumhlui aia tam zawk Pathian tan i pe ang u. Lal Isuan " Pe rawh u, chutichuan pekin in awm ang, thahnamngai taka teh a, beng muk a, liam zawih zawihin, in mal chungah an pe ang che u. In tehna ngai bawkin an teh sak leh dawn si che u a," a ti (Lk. 6:38).

Kan Kohhran mipuite Pathian biak inkhawm lamah tan kan lak nasat a tul khawp mai. A tlangpui in nu lam chu an tha tlangpui a, thalai leh pavalai te a bik in inkhawm lamah tun aia tan kan lak nasat a tul awm e. Inkhawm hi thlarau lam chaw tha miin kan dawnna hmun a ni a. Miin chaw eitur a dawhkan a pan peihloh chuan riltam in a awm mai thin. Chutiang bawk chuan miin biakin a hlamchhiah viau chuan a thlarau nun a riltam a, a chau mai thin. " Thenkhat tih dan anga kan inkhawmte bansan lovin, infuihtawn zawk ang u; ni chu lo hnai telh telha in hriatin infuih tawn nasa leh zual zauh rawh u" (Heb. 10:25)

Kan kohhran hian inpumkhatna tha nei tur zawng a hma kan sawn a tul hle awm e. Kohhran committee inkar ah te, thalai inkar ah te, kohhran hmeichhe inkar ah te tun aia inpumkhatna tha a awm theihnana tan kan lak atul hle. Ram leh ram an indo a ram a ding chhuak theilo ang hian, Kohhran leh Kohhran inkar a in lungrualna thalo hian Kohhran than a ti thu thei a ni.

Heng bakah hian sawi tur tam tak a awm thei awm e. Engpawh nise tuna kan dinhmun a lungawi mai lo hian kan thlen chin atanga hmasawn tumin Kohhran hoten Kumthar lo awmtur ah hian tan ila thar leh ang u.

Editorial - Lal pian cham

Lal Pian cham

Kristian te nghahfak, kan hunpui Krismas chu kan hma lawk ah khian a lo awm leh ta a, Mahni khaw lama he hunpui hi hman tumin kan haw khawm a, Kumthar hman hnu a, awm bo, he hunpuia hmang tur a rawn haw leh ta chauhte hmel kan hmu a, Naupangte lah Thawmhnaw thar bel chakin an za a, Ruai atana Talh tur Ran lah kan thlung ta ran bawk a, Kan Inchhung khur kan chei a, kan theih ang tawk a thawveng leh nuamin he hunpui hmang tur hian kan inbuatsaih a, lo.Mi neih ang neih leh Fate rual awh hlauin kan phi a, kan neih tlin tawk aia sang deuh a lan pawh kan pawi ti vak lo niin a lang !! Amaherawhchu, Apianchampha kan lawm ber, Lal Isua Krista Pian dan kha kan thinlungah hian hre that leh ila a duhawm hle. Engkim siamtu kha, a siam ate’n hnawlin, mirethei berte pawhin an duh lohna hmun, Mi ranchawpekna thlengah a rawn mu a, Ran In rimchhe tak chu, Chhandamna kan chan theihna tura a zin kawng bul tan na’n a rawn hmang a nih kha. A thil siamte zingah tlawm takin bul arawn tan a, Pathian fapa, he leia a a rawn kal champha hi insengsova, a ropui thei ang ber a lawm chu a phu tak meuh a ni. Amaherawhchu, Krismas hmangtute hian, Tlawm taka he leia a rawn pianna leh a pian chhan kan hriat chian leh a pawimawh hle. A bikin Thalaite hian Krismas hi sual rawngkai pawlh nena nuam taka hmang mai mai mai tur kan ni lova, a pian chhan lawma thianghlim taka hmang tur kan ni tih i hre thar leh ang u.

Pathian Ram

Pathian Ram thawhlawm - Dec. 2012

Pathian Ram : R 24050/-Ramthar : R 15380/-
Tualchhung : R 15900/-
Building : R 18220/-

Total : R 73550/-

Krismas Programme

KRISMAS PROGRAMME

Dec. 24: Krismas dawn zan

(5:30 - 6:00 p.m)Chairman : Rev. Dr. Hmingthansanga
Thusawitu : P/P Ngurthanmawia Sailo
Thupui :
Nula Thianghlim Mari hnenah Gabriela a inlarLenkhawm Hruaitu: Pu Zokhawsanga
Dec 25.Krismas Chawhma(10:00 - 10:30 a.m)Hruaitu : Upa Lalringliana
Tantu : Pi Lalrawni
Thusawitu : Upa Lalramhluna
Thupui :Chhandamtu-Ran chaw pekna thlenga mu
Thilpek Hlantu : Upa Hrangkhupa
Dec 25.Krismas Chawhnu(1.00 - 1:30 Pm)Hruaitu : Upa R. Lalfakzuala
Tantu : Pi Laltuahkimi
Thusawitu : T.Upa Zothangkhuma
Thupui : Amah chibai buk turin kan lo kal
Lengkhawm Hruaitu : Pi Laldampuii
Dec 25.Krismas Zan(5.30 - 6:00 Pm)Hruaitu : Upa Raltawnphunga
Thu sawitu : Pi Saithankimi
Thupui sawitu : Upa Lalhluna
Thupui : A ramin kinni a nei lovang
Lenkhawm Hruaitu: Pi Laldampuii
Dec.26: Nilaini Chawhma (Ruai thehni) Hruaitu : Upa Hrangkhupa
Thusawitu : Upa Lalsangzuala
Lengkhawm Hruaitu: Pi Lalhlimpuii
Dec 26. Nilaini Zan Inkhawm : Hruaitu : Upa Lalramhluna
Thupui sawitu : Upa R Lalfakzuala
Thupui : Krismas-Krista Ruai
Lengkhawm Hruaitu : Pu Hrangneihlura

Inkhawm

KOHHRAN PROGRAMME :

Vawiin-

23.12.2012

Pathianni Chawhma: (10:00 - 10:30 a.m)

Sunday School

Zirlai 47-na : Thlirletna

Tantu : Pi Lalchhuani

Pathianni Chawhnu: (1:00 - 1:30 p.m)Hruaitu : Upa Raltawnphunga
Thusawitu : Pu Thanngila
Pathianni Zan: (5:30 - 6:00 p.m) Hruaitu : Upa Raltawnphunga
Thu sawitu : Upa Hrangkhupa

Naupang S.S Programme
Pathianni Chawhma:
Tantu : Lalnunpari Senior
Thawhlawm khawntu turte:1. Lalhmachhuani 2. Ramthanpuii
Thawhlawm hlantu - Pi LalrindikiPathianni Chawhnu:Tantu : Julie Lalthansangi
Hruaitu : H.P Lalhnunliana
Thusawitu : Pi Lalrindiki

Kan Dam tlang em?

Ö

*Þ

Pu HP Lalhnunliana te chhungkua pawh Dec. 22 khan Krismas hmang turin khan Kolasib lam an pan.

Ö

*Þ Dec.23 (Pathianni) Chawhma inkhawm banah Kohhran Sunday School Hall-ah Krismas & Kumthar Ruai Committee neih tur a ni.

Ö

*Þ Kan member, eizawnna leh zirna avanga hmun danga awm te pawh an rawn haw mek zela, member te KTP Aw Editorial Board chuan duhsakna Krismas & Kumthar chibai a buk che u a ni.

Ö

*Þ Dec. 30 Pathianni Chawhma inkhawm banah Branch KTP leh Kohhran Hmeichhe Hruaitu thlanna neih a ni ang.

Tun kar Damdawi In

Tunkar CHC ah mi 9 admit an ni a. Tun dinhmunah mi 2 enkawl an ni. Kan Kohhran chhungkua atangin damlo enkawl an awm lo. Naupiang 2 an awm bawk. Medical Officers te leh Staff engemawzat chu an mahni khaw lamah Krismas chawlh hmangin an haw a, nakum January chawlhkar hnihna ah an rawn haw khawm leh beisei a ni

Lawrkhawm

Krismas Inbuatsaihna a kal chho mek zel....

Kan Kohhran pawh Krismas atan a inbuatsaih mek zel a, Thawhtanni khan Biak In Thuthleng tihfai (Vernish) hnawih leh Pulpit Step siam that hnatlang neih a ni a, Thawhlehni ah Tui ngaihtuahin Kan Kohhran Tuizem a that loh avangin MGNREGS Sintex leh Middle School Sintex hawh sakin Tui lak fel nghal a ni. Inrinni ah Fatu chetna tur (Sa sahna) siam hnatlang neih leh a ni.

Advance Krismas cum Open Air Concert....

Dec. 20 (Ningani) zan khan Sakawrdai Pastor Bial KTP, Advance Krismas cum Open Air Concert neih a ni. Arrangement hi Sakawrdai Chhimveng Kohhran Biak In kawtah siam a ni a, 1st Session- Hunserh Rev. Dr. Hmingthansanga Bialtu Pastor-in a hman zawhah 2nd Session chhunzawm nghal a ni. He hunah hian Branch hrang hrang atangin Solo, Duet, Male Voice, Female Voice, Group singing, Musical Dance, Musical Drama, Shortplay Drama te thlirin, ngaihthlak a ni a, Power lam fuh tawk lohna avangin Sound lamah harsatna a awm deuh tih loh chu programme tluang taka hman a ni. Kan Branch atangin Solo- Tv. H. Lallungmuana, Nl. Lalnunpuii, Nl. Salemmawii leh Male Voice tha takin an perform thei a, a lawmawm hle a ni.

Pro Pastor tlin lawmna nei: Dec 22.(Inrinni) chawhnu Dar 1.00 khan Kan Bial chhunga Pro Pastor tling thar, Tv Lalrinmawia Hmar te chhungkua chuan Pathian hnena lawmthu sawi na hun hmang in, Rev. Dr Hmingthansanga, Bialtu Pastorin Hunserh a hmang a, Chhungkhat laina, a rawngbawlpui leh School-a a thawhpuite, Bial Zaipawl Member te sawmin, tlai lamah chawhlui an kil ho nghal a ni.

Rawngbawlna lam

MSSU Pathian thu Exam mi 74 in hmachhawn

Dec. 16 (Pathianni) khan Mizo Sunday School Union, Pathian thu exam chu kan Kohhran-ah pawh tluang tak leh felfai taka neih a ni. Naupang Sunday School-ah hian Hming ziak mi 111 (Zirtirtu 21 + Naupang 90) an awm a. Department tin te exam bei zat hetiang hi a ni :- Senior-6, Sacrament-5, Intermediate-12, Junior-11, Primary-20, Beginner-20. Naupang hming ziak 90 atangin mi 74-in exam an hmachhawn thei a, a lawmawm hle a ni. Exam endiktu tura a ruat ten Sakawrdai Pastor Bial huam chhunga Kohhran 7 te exam-na chu thawhtanni khan Pastor Quarter-ah an endik fel nghal vek bawk a ni.

Krismas & Kumthar Ruai chanvo hrang hrang

Dt. 9.12.2012 (Pathianni) a Krismas & Kumthar Ruai Committee chuan a hnuaia mi ang hian chanvo hrang hrang a siam:-

Fatu turte:

1. Pu Lalnghakliana, Leader

2. Pu T. Lalropuia 3. Pu Mesak Zosangliana

4. Pu Joseph Lalhlimpuia 5. Pu Chalhmingliana 6. Pu Lalvarliana 7. Pu Lalthasanga

8. Pu Lalnikhuma 9. Pu Lalthangthuama

10. Pu Lalthangsanga 11. Pu Lalfelpuia

12. Pu T. Lalrinhlua 13. Pu Lalthanpara

14. Pu F. Lalrinawma 15. Tv. Rodingliana

Chaw chhumtu turte:

1. Pu JN Lallawmawma, Leader 2. Pu Lalsangzuala, Leader

3. Tv. Laltanpuia 4. Tv. J. Lalrorela

5. Tv. Nehemia Ramchhanliana 6. Tv. Lalramtiama

7. Tv. Lalhumhima 8. Nl. Gospel Ramkinlovi

9. Nl. Lalmuanpuii 10. Nl. Lalhmunsiami

11. Nl. Lalhriatpuii 12. Nl. Lalthamawii

Buhfai Khawntu turte:

Bial 1-na

(Upa Lalramhluna In atanga Chhim lam zawng)

1. Nl. Sandy Lalramdini 2. Nl. Lalthamawii

3. Nl. Lalthantluangi 4. Nl. Uniky Lalsangzovi

Bial 2-na

(Upa Lalringliana In atanga Upa Raltawnphunga In thleng)

1. Nl. Kalvarimawii 2. Nl. Jubilee Lalhmingthangi

3. Nl. Lalmuanpuii 4. Nl. Saizampuii

Bial 3-na

(Pu Zawlnghaka In atanga Hmar lam Zion veng huamin)

1. Nl. Gospel Ramkinlovi 2. Nl. Lalnghatzovi

3. Nl. Zairemmawii 4. Nl. C. Lalnunhlimi

Chingal khawntu tur:

Junior Department Mipa naupang zawng.

Sihneh latu tur:

Intermediate Department Mipa naupang zawng.

Lengkhawm Thingpui lumtu turte:

Dec. 24 (Thawhtanni) Zan:

1. Tv. Nehemia Ramchhanliana, Leader 2. Tv. J. Lalrorela

3. Nl. Lalmuanpuii 4. Nl. Lalhriatpuii

Dec. 25 (Thawhlehni) Chawhnu leh Zan:

1. Tv. Lalhumhima, Leader 2. Tv. Ramthianghlima

3. Nl. Saizampuii 4. Nl. Kalvarimawii

Dec. 26 (Nilaini) Chawhma leh Zan:

1. Tv. Lalsawmliana, Leader 2. Tv. J. Malsawmtluanga

3. Nl. Lalfakzuali 4. Nl. Lalnghatzovi

CKTP-in tanpuina

R.5,66,078/- sem.....Central KTP chuan Dec. 18 khan Zoram puma KTP Branch tinin inkhawm vawi hniha an thawhlawm lakkhawm Tanpuina sum atana Central KTP-a an thehkhawm R.5,66,078/- chu Central Committee ruahmannain hetiang hian hmun hrang hrangah a hlan:- Mimal nun harsatna avanga Home-a awm duhte sponsor nan R.3,00,000/-, Synod-in AIDS veite a enkawlna Grace Home-a chaw chhum rawihsak nan R.36,000/-. pek an ni a, After Care atan R.1,00,000/-, TNT-ah R.30,000/-, Tawngtai Bethel Camping Centre, Chawnpuiah R.30,000/-, Hermon Children’s Home-ah R.20,000/-, Grace Home-ah R.10,000/-, Central Jail-ah R.10,000/-.

Sermon - Krismas thilpek Ropui ber

KRISMAS THILPEK ROPUI BER

(Fapa pekin kan awm ta!) (Isaia 9:6)

Kan thupui sawi tur hi Krismas thilpek ropui ber, "Fapa pekin kan awm ta," tih a ni a. He tawngkam hi zawlnei Isaia tawngkam, Lal Isua pian tur hrilhlawknaa ngaih a ni a. A lo to chhuahna rilzia leh makzia hi mihring tawnga sawi fiah zawh rual a ni lo va, sawi loh theih lah a ni hek lo.Eden bawh-chhiatna avangin Pathian leh mihring chu kan inthen tawh a. Eden huana kan luh theih tawh lohna turin nunna thing chu mei khandaih vir tawn zawk zawka ven a ni a.Mihringte sualna avangin Pathian nena kan inkarah indaidanna bang pui a awm a, chumi tikiang thei chu tumah an awm lo. Suala tlu tawh mihringte chhandam turin vanah an zawng a, an hmu zo lo va, leiah leh lei hnuai thlengin an luh chilh tawh a, an hmu zo lo. Nakinah chuan ennawm mak tak mai a lo lang ta!! Van ropuina hlipin Lal Isua chuan lei hmun tlawm ber a rawn luhchilh ta a ni.

Pa Pathianin a Fapa lei mite a pek tur thu hi chawpchilha lo thleng thut a ni lo va, zawlneite hnenah khan vawi za chuang a lo hrilh tawh a. Zawlneite kaa Lal Isua chungchang hrilhlawkna thute hi vawi zahnih chuang a lang a ni. Zawlnei Mika chuan Isua pian hma kum 750 velah khan Bethlehema Isua a pian tur thu te, vuak leh chilchhak a tuar tur thute a lo sawi lawk tawh a. Zawlnei Zakaria chuan Isua chu sabengtung chunga a chuan tur thu te, tangka 30-a an hralh tur thu te, a man chu belvawtu ta tur a nihzia te, a zirtirten an phatsan tur thu te, a nâka feia an chhun tur thute a lo sawi lawk a. Zawlnei Hosea chuan Aigupta rama a tlan bo tur thu a lo sawi lawk bawk a. Zawlnei Isaia chuan Isua chu nula thianghlimin a pai tur thu te, a hming tur te, amah hektute hmaa a ngawih reng tur thu te, misualte nena tuar tlang tur a nih thu te, a tiduhdahtute tana a tawngtai tur thu te, mi hausa thlana an zalh tur thute a lo hrilhlawk a ni.

Lei miten Krismas rim kan hriat hma daih khan van mipuite chuan Krismas hi urhsun takin, mak takin, bawkkhup chungin an lo hmang tawh a. Aw ring takin Beram No zahna hla thar an rem a, a chang leh Beram No inpekna chu mak tiin dar chanve lai an reh thuap bawk a. Chu thu lawmawm chu zawlneite hnenah hriattir an ni a, Isua pian hma kum 700 zet kal taah khan Isaia chuan, "Kan tan naupang a lo piang a, fapa pekin kan awm ta a," tiin a lo sawi lawk a ni. Lal Isua Ranthlenga a rawn mut zan khan, vana mipuite chuan "Chungnung berah Pathian ropui takin awm rawh se, lei chunga a lawm em em mihringte hnenah rem thu leng rawh se," tiin lei mite hnenah duhsakna sang ber an rawn hlan a ni.

Fapa pekin kan awm ta : "Fapa pekin kan awm ta," tih hi a sawi awl hle mah se, a lo to chhuahna erawh chu a ril hle. Pa Pathian hmangaihna chuan kan inkara indaidanna bang a rawn su chim a, chhinchhiahna pasarihte a rawn nuai bo va, Sinai tlang Dan thuthlung chu khawngaihna thuthlungin a rawn thlakthleng a, Dan chuan Lal Isua chu kawng lai kianin kawng sir a chuh rawk rawk a. Hmun tlawm ber Bethlehem ranthleng chu a rawn chawimawi a, puithiamte, lalte leh zawlneite Office chu a rawn luahlan a, mi sualten pheichham an man a, mi retheiten thang an chhuah a, tlang tenawm ber Kalvari tlang chu tlang ngainatawm berah a rawn letling a. Lal Isua hmaah chuan mi bawlhhlawh sil fai an ni a, thianghlima inngaiten an bawlhhlawhzia an hre thung thin.

He thilpek ropui ber hi a dawn dan dikin kan dawng em? Mi retheiten an dawn chuan hausakna a ni a, natna tuarten an dawn fuh chuan damna a ni a, chapoten an dawn chuan tlawmna puan an sin a, mi duhamten an dawn fuh chuan thilphal an zir thin. Kumin chhunga lusun chhungkuate pawhin he hun hi hnung lam ngaihna hun atan i hmang ral lo vang u. He thilpek ropui hi la ila, thihna en lovin nunna kan en ang a, hnuai lam entuin chung lam a thlir ang a, hun kal ta thlira lunglengten hmangaihna thar zel tur lam an thlir ang a, chutah chuan kan duh tak kal tate chu van ropuina hain an hmel kan hmu thei ang.

Krismas dawnin thilpek (present) kan inthawn thin a; thian nei tam deuhte phei chuan Krismas Card an tar tlar dul thin a. Hengte hi sawi nepna ni lovin, mi dangte hnen atanga thilpek dawng teuhtute hian Krismas thilpek ropui ber, ‘Fapa pekin kan awm ta’ tih hi kan dawng lo palh hlauh vang e. He thilpek dawngte chuan, "Van Lalreng, ro- pialral lunghlu ka chhar ta," tiin ro hlu ber chhar hmel an pu a. Chu thilpek chu an bangah tar mawi lovin, an nunah an tar mawi thin. FAPA PEKIN KAN AWM TA! Amen.

Editorial - Engti'a hman nge kan tum?

Engti’a hman nge kan tum ?

Pathian hruainain hun te a vei a, kan hma lawk ah kan nghahhlelh em em, Krismas chu a lo inchhawp leh ta reng mai. Kan kum khat tih tur hun inbitukte a liam a, School naupang   chawlh hun a lo thleng a, Khawdanga Zirna sang zawk zira kal bote pawhin, he hunpui hi mahni khua leh Inpui ngeia hman tumin ngaihtuahna an seng a, Sumo, Bus leh  Lirthei dang kal leh hawna tur buaiin kan buai tan a, Sumdawngten, he hunpui lo thleng turah hian hlawk ngei tumin hma an la a,  Lo neitu te lahin he hunpui lo thlen hma ngeiin, Lo lam a tih tur tul te tih zawh hman ngei an tum bawk a, kan theihna leh kan hma zawnah theuh, he hunpui hi nuam thei ang ber a hmang turin kan inbuatsaiha,  Thla tam tak chhungkaw khat inhmu lo te pawh, he hunah hian inhmuhkhawm tumin, hmun hla taka atangin mahni khaw lam kan pan tang tang thin a nih hi..  He hunpui hi Tisa lam   leh Thlarau lama ‘Nuam taka hman’ hi chhungtin te duh dan a ni  awm e. Amaherawhchu, kan inbuatsaihna lamah hian ‘ Pathian lama hlimna paw chhuak tur zawng hian ngaihtuahna kan seng em? Zaikhawma hlim taka hun hmante hi he hunpui hman kan chak dan a ni em? Pathian lam hnaih phah na’na hman kan tum em ? tihte inngaihtuah ila, Tisa lama nuam taka hman ngawt kan tum  a nih chuan ho takin he hunpui hi kan hmang liam leh mai dawn a ni tih i hria ang u.

Tun kar Damdawi In

Tunkar CHC ah mi 11 admit thar an ni a. Tun dinhmunah mi 5 enkawl an ni. Kan Kohhran chhungkua atangin damlo enkawl an awm lo. Naupiang 2 an awm. Nilaini khan CHC Staff ten Advance Krismas hlimawm tak an hmang. ASHA Motivator, khaw 14 viltu atan Nl. Lalengvari, Sakawrdai chu lak thar a ni bawk.

Hmeichhe inkhawm

Kohhran Hmeichhia Programme : 
Dt. 18/12/2012: (5:30 - 6:00 p.m)
Hruaitu : Pi Sumneihzovi
Tantu : Pi Buanthahniangi
Thusawitu : Pi Laldampuii

Kan damtlang em?

=> Nov. 9,2012 (Pathianni) khan Kohhran Sunday School Hall-ah Krismas & Kumthar Ruai Committee neih a ni.

=> Dec. 14 (Zirtawpni) khan Lalvarliana leh Vanrammawii te chu Kohhran Sunday School Hall-ah P/P Ngurthanmawia Sailo in a inkutsuihtir a, In lamah mo lawmna hun hman a ni bawk.

=> Synod Inkhawmpui a tel Upa Hrangkhupa Biate, Upa Lalramhluna, P/P Ngurthanmawia Sailo leh Pastor Hmingthansanga te pawh dam takin anlo haw leh ta.

=> Krismas & Kumthar Ran (Bawng) leh a tul dang la tura Aizawl a kal Pu Lalbiaktluanga Chairman leh Pu Ronald Lalramsanga Secretary te pawh dam takin an lo haw leh ta.

Kohhran Inkhawm

KOHHRAN  PROGRAMME :

Vawiin- 16.12.2012
Pathianni Chawhma: (10:00 - 10:30 a.m)
Sunday School
Zirlai 46-na : Ram chanpual nei Hmeichhe pasal tur chungchang
Tantu : Pu Thasiama
Pathianni Chawhnu: (1:00 - 1:30 p.m)
Hruaitu : Upa Raltawnphunga
Thusawitu : Pu Lalrinngheta
Pathianni Zan:  (5:30 - 6:00 p.m) 
Hruaitu : Upa Raltawnphunga
Thu sawitu : Upa R. Lalfakzuala

Naupang S.S Programme
Pathianni Chawhma: 
Tantu : Lalrinchhani, Junior
Thawhlawm khawntu turte:
 1. Lalnunpari 2. Lalnunpuii
Thawhlawm hlantu - Pi Zosangliani
Pathianni Chawhnu:
Tantu : Angela Malsawmtluangi
Hruaitu : Nl. Gospel Ramkinlovi
Thusawitu : Pu HP Lalhnunliana

KTP Inkhawm

KTP  Inkhawm  Programme : 
Dt. 17/12/2012: (5:30 - 6:00 p.m)
Hruaitu : Pu Lalrinngheta
Tantu : Nl. Gospel Ramkinlovi
Thusawitu : Pu Lalbiaktluanga

Lawrkhawm

MSSU Pathian thu Exam: Vawiin Dec 16 (Pathianni) hi MSSU Pathian thu exam hun alo ni leh ta a, kan Kohhran Sunday School naupang zawng zawngte exam hmachhawn vek tur leh lawmman la ngei thei turin i inbuatsaih theuh ang u.

 

Bial KTP Open Air Concert: 2012 Bial KTP Conference-in alo rel tawh Bial huapa Advance Krismas Cum Open Air Concert chu Dec. 20 (Ningani) zan hian Sakawrdai Chhimveng ah neih a ni dawn ta. Items nei turte Live Music-a rem vek tur a nih avangin hemi ni hian a hmun-ah Musician te nena lo inenlawk vek tura tih a ni bawk.

Hnuchham pual Krismas Carol: Dec. 22 (Inrinni) zan ah Sakawrdai Branch KTP chuan Riangvai/ hnuchham te tanpuina atan Krismas Carol a nei dawn a. Inrinni zan dar 8:00 pm ah Kohhran Sunday School Hall-ah kalkhawm tur a ni a. Hunserh te hman zawhah chhuak in, Kohhran Chhungkua In tin tlawhin Carol hi neih tur a ni.

SMB Missionary thlahna: January 6, 2013 (Pathianni) chawhnu dar 1:30 ah Synod Mission Board chuan Bungkawn Kohhran Biak Inah Missionary tirhchhuah inkhawm a buatsaih dawn a,  tun tumah hian Pastor 8 leh Contract Missionary 103 te thlah an ni ang. 

Free Clinic nei: Dec.15(Inrinni ) khan Tuisualral Higher Secondary School NSS leh Sakawrdai CHC Staff te tangkawp chuan, CHC Sakawrdai-ah Free Clinic cum Awareness Campaign hun an hmang. Clinic ah hian mi engemawzat an inentir a, Higher Secondary School naupang hnenah CHC Staff ten Hriselna lam zirtirna pein, Tlai lamah Chawhlui an kilho nghal a ni.

Ruai chanvo ruatna

Krismas & Kumthar Ruai chanvo hrang hrang
Dt. 9.12.2012 (Pathianni) a Krismas & Kumthar Ruai Committee chuan a hnuaia mi ang hian chanvo hrang hrang a siam:-
Fatu turte: 1. Pu Lalnghakliana, Leader
2. Pu T. Lalropuia             3. Pu Mesak Zosangliana
4. Pu Joseph Lalhlimpuia 5. Pu Chalhmingliana
6. Pu Lalvarliana               7. Pu Lalthasanga
8. Pu Lalnikhuma              9. Pu Lalthangthuama
10. Pu Lalthangsanga 11. Pu Lalfelpuia
12. Pu T. Lalrinhlua         13. Pu Lalthanpara
14. Pu F. Lalrinawma 15. Tv. Rodingliana
Chaw chhumtu turte:
1. Pu JN Lallawmawma, Leader 2. Pu Lalsangzuala, Leader
3. Tv. Laltanpuia            4. Tv. J. Lalrorela
5. Tv. Nehemia Ramchhanliana 6. Tv. Lalramtiama
7. Tv. Lalhumhima 8. Nl. Gospel Ramkinlovi
9. Nl. Lalmuanpuii       10. Nl. Lalhmunsiami
11. Nl. Lalhriatpuii       12. Nl. Lalthamawii
Hnah latu turte:
1. Pu Lalrinngheta, Leader 2. Tv. Laltanpuia
3. Tv. J. Zothansanga             4. Tv. Lalhumhima
5. Tv. Nehemia Ramchhanliana 6. Tv. Rothangmawia
7. Tv. Saidingliana                 8. Tv. Lallawmkima
9. Tv. James Ramthianghlima 10. Tv. Lalbiakzuala
11. Tv. Lalhmingmawia          12. Tv. Lalkroschhuanga
Tui ngaihtuahtu turte:
1. Pu Ramdinthara, Leader 2. Pu HD Lalthanzuala
3. Pu Zawlnghaka                 4. Pu Rozama
Buhfai Khawntu turte:
Bial 1-na (Upa Lalramhluna In atanga Chhim lam zawng)
1. Nl. Sandy Lalramdini 2. Nl. Lalthamawii
3. Nl. Lalthantluangi         4. Nl. Uniky Lalsangzovi
Bial 2-na (Upa Lalringliana In atanga Upa Raltawnphunga In thleng)
1. Nl. Kalvarimawii 2. Nl. Jubilee Lalhmingthangi
3. Nl. Lalmuanpuii         4. Nl. Saizampuii
Bial 3-na (Pu Zawlnghaka In atanga Hmar lam Zion veng huamin)
1. Nl. Gospel Ramkinlovi 2. Nl. Lalnghatzovi
3. Nl. Zairemmawii          4. Nl. C. Lalnunhlimi
Chingal khawntu tur:  Junior Department Mipa naupang zawng.
Sihneh latu tur: Intermediate Department Mipa naupang zawng.

Rawngbawlna lam

Hmarveng Branch Church (Biak In) peihfel..

Hmarveng Branch Church chu July. 24, 2012 (Zirtawpni) zan khan Bialtu Pastor, Rev. Dr. Hmingthansanga, Bial Chairman ni bawk chuan  Lungphum a phum a. Chumi hnu July 25 (Inrinni) atangin Biak In bankhur laih hnatlang neih tan nghal a ni a. Biak In hi Concrete building, a dung 36 ft, avang 20 ft, Varandah 10 ft. a zauva sak a ni. Bialtu Upa R. Lalfakzuala, (Building Chairman ni bawk) hova theihtawp chhuaha hma lak a ni a. Biak In sakna ah hian man pawh awm lovin Pu Lalrinngheta Motor vawi eng emaw zat hman a ni a, hetiang mi inphal leh rawngbawlna a inpe kan nei hi a thlamuanthlak hle a ni. Biak In sakna Estimate Rs. 4,00,000/- hman zawh a nih hnuin, tunah hian Sacrament dawhkan, Khuang, Thuthleng te siam fel nghal vekin, Kohhran Committee in a rel huna Biak In hawn mai theih turin peih fel a ni ta. Bialtu Pastor te nena inberawnin Dec. 15 (Inrinni) zan atang khan Biak In ah Inkhawmna neih tan a ni. Biak In property mamawh tam tak ala awma, Momorial Gift atan Property Donate duh te tan pek theih reng a ni bawk.

Naupang pual Krismas Carol Service hmang

Dec. 14 (Zirtawpni) zan khan Synod-in Programme a duan sa zulzui in, Kohhran Sunday School Hall-ah Naupang Pual Krismas Carol Service Programme hman a ni a, mi 72 an kalkhawm thei a ni. Inkhawm hi Upa R. Lalfakzuala, Naupang lam Superintendent in a kaihruai a, Naupang atangin Pathian thu te, Zaipawl te, Group zai te, Solo te leh items hrang hrang hmangin hun hlimawm tak an hmang. Programme hman zawh ah Refreshment Squash, Artui sem a ni bawk.

Ruai Committee inbuatsaihna...

Krismas & Kumthar Ruai Committee pawh ngawrh takin a inbuatsaih chho mek zel a, Ran lam pawh Aizawl lam ami Kawl Bawng 2, Rs. 59000/- man lak niin, Ningani khan phurh thlen a ni tawh a. Hemi rual hian Bawlhlo tur te lak fel nghal a ni a. Committee in Ruai chawhmeh semna atan Baltin (Silver) 15 vel lei nise a tih angin, Baltin te 15, Rs. 2500/- man lei nghal a ni bawk.

Tui mamawh tawk nei vek tawh tura kan inngaih laiin, Tuizem a pawp avangin Tui a dahkhawl theih lova, Pawl / mimal, mi inphalte ta ngaihven a ngai dawn niin a lang a, Kohhran chhungkua te a nei remchang te chu lo inhawngzau deuh turin kan inngen a ni.

Sa sahna siam hnatlang kohna..

Dec. 22, (Inrinni) ah Ruai buatsaihna tur (Sa sahna) siam hnatlang neih tur a ni a, Kohhran chhungkua te thawkchhuak theuh thei turin i inbuatsaih ang u.

Synod Campus Ministry workshop...

Nimin (Dec. 12) khan nilengin Synod Campus Ministry chuan Aizawl khawpui chhung hmun 11 thlan bikah “Workshop on Life Skills of a Teacher” tih thupui hmangin Workshop a buatsaih a, he Workshop-a tel tur hian Aizawl khawpui chhunga Primary School atanga College thlengin zirna in hrang hranga zirtirtute sawm an ni.

Heng Workshop neihna hmun hrang hrangahte hian chawhma leh chawhnu session siam niin thupui inang vek zirho a ni a, sawihona hun a awm theuh bawk. Chawhma lamah hian Zirtirtuten an zirtirna hnaa an hriat tel tur pawimawh, an zirlaite nuna Value Education an tuh dan chungchanga kaihhruaina lam hawi zirho a ni a. Chawhnu lamah Zirtirtu nun bik luhkhung bing leh a ni.

Chawhma session hi dar 10:30 atanga 12:30 thleng a ni a, chawhnu session hi dar 1:00 atanga dar 3:00 thleng a ni. Workshop neihna hmun 11-ah te hian Chawhma lam leh chawhnu lamah hruaitu hran theuh ruat an ni a, Synod lam atang leh Evangelical Teachers’ Fellowship hotute atangin hruaitu turte hi ruat chhuah an ni hlawm. Workshop neihna hmunte hi Kulikawn, Mission Veng, Khatla, Bethlehem Venglai, Vaivakawn, Tuikual, Zemabawk, Bawngkawn, Ramhlun North leh Electric Venga Presbyterian Kohhran Hall-te bakah Chanmari YMA Hall-te an ni.

He Workshop-ah hian Rev. Dr. Lalchungnunga paper buatsaih zirho a ni a, chawhma lam paper-ah hian zirtirtuin naupangte hnena zirtirna a peknaa ama nuna a mamawh luhchilh deuh bik a ni a. Chawhnu lamah hian chutianga zirtirtu ni tlak tura zirtirtu mimal nun khawvel zirna lam zirho leh a ni.

December 18 (Thawhlehni) chawhnu dar 1:00 hian Campus Ministry hotuten Workshop an buatsaih chungchang Review Meeting, Synod Committee Room No. 1-ah an nei ang.

Bial thar hawn chungchang

Synod Inkhawmpui Vawi 89-na thurel angin Pastor Bial thar hawn chungchang Synod Officers’ Meeting, December 12-a thu chuan an rel a, hetiang hian Bial thar hawnna neih a ni ang :

‘A’ Mizoram chhûngah

1) Tlangnuam Bial, Hawngtu: Rev. Lalramliana Pachuau - 12.1.2013 (Inrinni)

2) Airfield Vengthar Bial, Hawngtu: Rev. Dr. R. Lalbiakmawia - 12.1.2013

3) Bungtlang Bazar Bial, Hawngtu: Rev. P.C. Pachhunga - 12.1.2013

4) Lunglei Bazar Bial, Hawngtu: Rev. Lalzuithanga - 12.1.2013

5) Khawhai South Bial, Hawngtu: Rev. H. Lalrinmawia - 12.1.2013

6) Chalrang Bial, Hawngtu: Rev. K. Lalthangmawia - 12.1.2013

7) Sihphir Vengthar Bial, Hawngtu: Rev. Zosangliana Colney - 12.1.2013

8) Tuipang Bial, Hawngtu: Rev. Vanlalzuata - 12.1.2013

‘B’ Mission Field-ah

1) Tezpur Bial, Hawngtu: Rev. K. Lalrinmawia - 12.1.2013

2) Jarwadi Bial, Hawngtu: Rev. P.B. Zosapthara - 12.1.2013