Programme

BIAL  S.S. INKHAWMPUI PROGRAMME :

Vawiin- 9.9.2012
Pathianni Chawhma: (9:30  - 10:00 a.m)
Intihsiakna:
Beginners leh Primary : Thu leh Thu inchhang
Junior : Hla
Pathianni Chawhnu: (1:00 - 1:30 p.m)
Intihsiakna:
Beginners leh Primary : Hla
Junior : Thu leh Thu inchhang
Pathianni Zan:  (6:00 - 6:30 p.m)
Result puanna leh lawmman sem
Lawmman semtu : Bial Chairman
Thusawitu : Rev. Dr. Hmingthansanga

Editorial - Nghehna

NGHEHNA

Mihring hian kan thiltihna kawng theuh ah, phur chang leh chauh, peih loh viau chang kan nei vek awm e. Kan nitin hna thawhna a ni emaw, kan rawngbawlna a ni emaw, phur taka thawh leh tih reng chu harsa tak a ni. Kan hriselna dinhmun a zir a nih chang a awm a, mihrisel lo tan chuan mi hrisel te tih ang tih theih lohna chen pawh a awm thei a, amaherawhchu, kan inhmanna leh kan hnathawhna ah inpekna hi min tichaktu  hnar pakhat a ni a, nghehna min siamtu pawh a ni.Rawngbawlna ah pawh hian Kohhran in chanvo min pek te hi kan phur chang chauh a ti hluai mai lovin, Kohhran kaltlanga Pathian rawng kan bawlna a ni tih hriain, phur loh chang pawh a hlen chhuaktu nih tum theuh ila, thuhrilna chanvo etc kan nei lo a ni thei, Pathian pawl a a Biak buk a lawi tur kan ni tih hre thar leh ila, kan chanvo dinhmun a inchen loh pawhin Pathian rawngbawlna kan nei vek tih hria in, taima leh nghet takin kan chanpuala lum chu hlen chhuaktu nih i tum zel ang u.

KTP Beihrual Fehchhuah

KTP  BEIHRUAL FEHCHHUAH
Programme :

Dt. 10/09/2012: (Thawhtan zan) 7:00 p.m
A hmun : Pu Lalrintluanga In
Hruaitu : Pu Ronald Lalramsanga
Tantu : Nl. Lalthamawii
Thusawitu : P/P Ngurthanmawia Sailo

Tawngtairual hun hman a ni bawk ang.

Kan dam tlang em?

Ö*Þ Pi Chawngthazovi M/o Pu Laldinliana chu thisen sang (Hypertension) vanga CHC a admit chu Inrinni khan Aizawl lamah refer a ni.

Ö*Þ Dt.2.9.2012 khan Sunday School Hall ah Krismas & Kumthar Ruai Committee neih a ni.

Ö*Þ Dt. 7.9.2012 (Zirtawpni) khan kan Kohhran Sunday School Hall-ah Kohhran Hmeichhia Committee neih a ni.

Ö*Þ Dt. 8.9.2012 (Inrinni) khan kan Kohhran Sunday School Hall-ah Bial Zaipawl ten Presbytery inbuatsaih nan Pathian fakna hla an zir a.

Tun kar damdawi in

Tunkar chhungin CHC ah mi 19 admit an ni a. kan Kohhran chhungkua atangin admit an awm lova, tun dinhmunah  mi 9 enkawl mek an ni a, naupiang 1 a awm. Damlo zinga mi 2 chu Aizawl lama enkawl turin refer an ni. Doctor pawh kar leh hian Training nei turin Aizawl a pan dawn ni a thu dawn a ni bawk.

Advertisement - Samsung

Samsung Company siam, TV, Fridge leh Washing Machine, Aizawl rate-in kan pe thei reng. Min dawrtute chu Motor thlen theihna hnai berah a phurh man kan tum sak  zel bawk.

Prop. K.Lalchhungi
Darlawn, Bazar, Ph: +919436197277

Sermon - Isua hminga hnathawh

ISUA HMINGA HNATHAWH

(Kol. 3:17 & Eph. 1:19-21 )

Isua Hminga Hnathawh Awmzia: Pathian Thu chuan, “In tih apiang chu thusawiah emaw thiltihah emaw ama zarah Pa Pathian hnena lawmthu hril chungin Lalpa Isua hmingin ti vek rawh u” tiin min hrilh. Isua hming kan lam hian, Isua kan  ko a ni ringawt lo va, tawngtai hmawrbawkna tangkam a ni ringawt bawk lo. Hming hian a putu nihna a keng a. Isua hmingah hian Isua nihna a tel a, a thiltihtheihna a keng tel bawk a ni. Isua hming kan lam hian a hminga thiltihtheihna chu kan ko a ni. Pathian lalzia leh ropuizia kan puang nghal bawk. He Isua hming hi kan hnathawhna kawng tinrengah, a bikin sumdawnna hna hahthlak takah te hian, thiltihtheihna a ni a, harsatna tinreng hneh theihna a ni.

Tihtakzeta Isua hming hman tur: Bible chuan, “Lalpa i Pathian hming chu i lam mai mai tur a ni lo”, a ti a. Isua hming hi thil tihsual hliahkhuh nan te, thlarau mi anga inlantir nan te a hman theih a. Heng hi a dik lo a ni. Isua nihna hmachhuan  chunga hman tur a ni. Isua chu Pathian kan zinga awm, Immanuela, a ni a. Kan thawhrimna te, tuarna te min hriatpuitu a ni a. Hna reng reng Isua Krista kros  chhuang chunga thawh tur tihna a ni.
Isua hnena inpumpekna nen hman tur: Isua hming tihtakzeta hmang tur chuan  ama hnena intukluhna leh inpumpekna neih hmasak a tul a. Nula leh tlangval inngaizawng chu, an inneih hma chuan, nulain a tlangval hming a hmang thei lo. An inneih hnu chuan a pasal hming chu a hmingah a tel tawh a, a pasal nihna te, hausakna te a tawmpui tawh a. Isua nihna leh thiltihtheihna te tawmpui turin,  Isua hnenah inpumpek a, intukluh hmasak a ngai a ni.

Isua chu Hotu ber a ni: Isua nena hna thawhnaah chuan Amah chu thuneitu  leh  hotu ber a ni. Kan Managing Director a ni a, Chief Executive Officer a ni a.  Keini hi a hna thawhna hmanrua kan ni a. A tih tum chauh  kan ti ang a, hun a tihah chauh kan che tur a ni. Pathian hun hriatthiam hi a pawimawh hle a. A kaihhruaina hnuaiah thuawina leh rin ngamna nen thawh a ngai a ni.

Zir hun chhung: Hna kan thawh dawn chuan training phawt a ngai thin. Harsatnate hi training hun ang a ni. He hun hi thlai tiak tir, hmuh theih loh hnuai lama zung thlak chuan thlai a tinghet a, chaw thain a chawm ang hi a ni. He tih lai  hi dawh thei taka nghah hun a ni. Hna thawh rah leh tawngtaina rah a la lang lo va, hnuai lamah erawh zung a kai nghet thung a ni. Hahdam taka nghah zir thiam a ngai a ni.
Hmanrua: Thil engpawh ti dawn ila, hmanrua a ngai thin. Isua nena hna thawhnaah a hmanraw pawimawh ber chu khawngaihna a ni. Pathian khawngaihna hi kan phu loh duhsakna  a ni a. Hei aia hmanraw tha hi a awm lo. Kan chhandamna te, Thlaraua khahna te, Pathian nen inpawlna te, leh malsawmna zawng zawng chu, khawngaihna avanga dawn vek a ni. Khawngaihna lo chuan eng thil mah a  tha tluantling  lova, khawngaihna nen erawh chuan engkim a tha thin.

Chawl chunga thawhrim: Pathian rinna nei tawk nia inngaiin, tawngtai nasa hle mah ila, hlawhchham a awm; dil dik loh vang a ni fo. Ka rinnaa innghat nge ka nih Pathian khawngaihnaah? tihte hi inenfiah fo tur a ni. Pathian  rinnaah ni lovin, kan rinnaah zawk innghah a awl hle. Hetah hian hnehna a awm lo; Pathian hnena kan dil hlawhtlinte hi a khawngaihna avang a ni a. Rinna chu Pathian khawngaihna kan dawnna kut chauh a ni. Thil nei tur chuan  mahnia beih ve a tul a, dawng tur chuan a tul ve lo. Neih tumna chuan malsawmna dawn tur chauh a thlir a, a hahthlak thin. Khawngaihna avanga dawn erawh chuan lawmna leh thlamuanna a thlen thung a ni.

Lo neih ang a ni: Isua nena thawh dun hi lo neih angin a sawifiah theih .
(a) Chi tuh: Bible zir te, sawma pakhat pek te, mi rethei hnena thilpek te, inkhawm te hi rinna chi tuh an ni a. Sumdawnnaah pawh kan thiam china a tha thei ang bera thil kan tih hi chi tuhna a ni. Kan mawhphurhna a ni bawk. A hlawhtlinna  erawh chu khawngaihnaah a innghat thung ( Mk. 4:26,27).
(b) Thlai tui leih: Thlai chi tiahtirtu leh thantirtu chu Pathian a ni; heng hun chhung hi tui leih  hun a ni a, nghah erawh a ngai. Isua nena hna kan thawh hian kan hmaa tihturte ti zel chunga nghah tul hun a awm.  Kan tih theih bak erawh chu Pathian kutah kan dah a ni. Pathian ring a, hna kan thawh mai hian lungkham nei lovin kan nghak a. Pathian chunga lawmin, amah kan fak a. Hei hi chakna hnar a ni.
(c) Hnim thlawh fai: Heng chapona te, itsikna te, inrelna te, ngaihdam theih lohna te hi Isua nena hnathawh tibuaitu hnim thlawh fai turte an ni.Hengte hi Pathian ralthuam hrang hrang hmangin a tihbo theih a ni ( Eph. 6:18).
(d) Lei thaa chawm: Sumdawnnaa lei tha chu finna, chawpchilha tih tur leh tih loh tur hriat thiamna hi a ni. Finna hi Thlarau thilpek a ni a, Pathian hnena dil tur a ni (Ja.1:5).Finna mawl ber pakhat chu,Pathian remtih zawng a ni em? tih hi a ni.  I hna chu Pathian remtihzawng a ni tih i chian chuan i rilru a hahdam ang; i chian loh erawh chuan i rilru a hahin i mangang fo ang( Isa. 30:20,21).

Hetianga Isua nen hna i thawh chuan rah duhawm tak seng tur i nei ngei ang.

Lawrkhawm

Campus Ministry leh Zirna In:

September 12, 2012 (Nilaini)khian Synod Conference Centre ah Campus Ministry leh Zirna In hotute inkawmhona neih a ni ang. Meeting hi Rev. Vanlalzuata, Chairman, Campus Ministry Committee in a kaihruai ang.

Teacher’s Day:

Sept. 5 Teacher’s Day chu Rampumah Zirtirtute chawimawina hun atan hman a ni. Sakawrdaiah pawh Sakawrdai Education Staff Association (SESA) huaihawtin Govt. Middle School ah hman a ni a, Presbyterian English School, Sakawrdai chuan information hmuh tlai avanga programme anlo siamfel tawh sa a nih avangin a hranin he hun hi an hmang ve bawk a ni.

Higher Secondary School Lungphum: Sept. 4 chawhnu dar 2:30 khan Govt. Dy. Chief Whip, Pu RL Pianmawia’n Tuisualral Higher Secondary School Lungphum a phum. School hmun tur hi Sakawrdai Chhimveng Kohhran Biakin hmun hlui, Council sum atanga Rs. 2,00,000/- vel a lei a ni a. School sakna senso atan hian VFDC sum atang Rs. 17,00,000/- vel sanction a ni.

NLUP dawng tur chhungkaw 129 : Sept. 4 khan Sakawrdai khawchhunga NLUP dawng tura thlan chhuah chhungkaw 129 te chu Community Hall-ah kohkhawm niin, he hunah hian Pu RL Pianmawia, Govt. Deputy Chief Whip mai bakah SDO ‘C’, BDO, leh Department hotu engemaw zat rawn kal in, NLUP dawng turte hmalak dan tur leh kalphung hrang hrang inhrilhfiahna hun an hmang a ni.

Rawngbawlna lam

Bial Naupang S.S inkhawmpui neih mek a ni

Sept.8 (Inrinni) atang khan Sakawrdai Kohhran Biak Inah Sakawrdai Pastor Bial Naupang Sunday School (Begin-Junior) Inkhawmpui neih neih mek a ni a. Palai riak lut in report chin hi mi 82 an ni. Vawiin Pathianni chawhma leh chawhnu ah thu inchhang, thu leh hla hmanga intihsiakna neih a ni ang. Pathianni zan ah lawmman sem a ni ang a, Bial Chairman Pastor Hmingthansanga hnen atangin Pathian thuchah ngaihthlak a ni bawk ang.

Lawmman Pakhatna - Baltin,

R. 500/- man, Pahnihna - Baltin, R. 400/- man, Pathumna - Baltin, R. 300/- man, Consolation Prize - Baltin, R. 200/- man vel a ni ang.

Intihsiakna endiktu turte:-

1) Pu C.Zonuntluanga, SKD ‘S’ 2) Pu Lalhmingthanga, Vaitin 3) Pu Ronald Lalramsanga, SKD 4) Tv. Lalrohlua, Thingsat 5) Pu Israela, Khawpuar

Krismas&Kumthar Ruai Budget lam aw....

Kohhran chhungkua te kan awlsam zawkna beiseia, kum bul atanga Krismas & Kumthar Ruai Committee in Budget siam chu tunah hian khawn mek zel a ni a. Krismas dawna buai chuk chuk lova, kan awlsam tlan zawk theih nan Chhungtin ten tlem tlemin i pe zel ang u. Budget kan pek tlak hma poh leh keimahni lam chauh nilo, A buaipuitu lam tan pawh hma lak a awlsam phah thin a ni tih hriain. Tlai khaw hnu a hmanhmawh taka thil ngaihtuah emaw rel chawpchilh lutuk a awm loh nan Budget pek hma lamah hian tan ila leh zual ang u.

Beihrual thla hman chho mek zel a ni....

September 1 atang khan Beihrual thla hman tan niin. September 1 - 9 chhung hian‘Ramthar Hapta’ hman mek a ni a, September 10 - 23 chhungin Fehchhuah Hapta hman leh a ni ang a, September 24 – 30 hian ‘Kristian Chhungkaw Hapta’ hman a ni bawk ang. Beihrual hi kum 1918 June thla atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui Bu leh Beihrual Thupui hi bu khata siam tan a ni.

Synod Mission Board rawngbawlna lam

September 10 - 21 chhung hian Field Committee leh Barak Area Committee neih a ni dawn a, committee neihpui tur hian Rev. Lalzuithanga, Exe. Secy; Rev. K. Lalhmuchhuaka, BEC Member leh Upa Vanlalchhunga, BEC Member-te an kal ang. September 11 (Thawhtanni) hian Barak Area Committee, Silchar-ah an thu ang a, September 14 (Zirtawpni) ah Arunachal West Field Committee, Itanagar-ah an thu leh ang a, September 17 (Thawhlehni) ah Arunachal East Field Committee, Khasan-ah an thu ang a, September 19 (Nilaini) ah Assam Field Committee, Guwahati-ah an thu leh ang.

Inter-Senior khawmpui

Dt 15-16 Sept. khian Sakawrdai Chhimveng Kohhran Biak Inah Bial Naupang Sunday School (Inter, Sacrament & Senior) Inkhawmpui neih a ni ang. Inrinni Dar 2:00 p.m ah Khawmpui Committee neih a ni anga. zanah reports ngaihthlak a ni ang. Pathianni chawhma leh chawhnu ah intihsiakna hun hman a ni ang. Pathianni zan Bial Chairman P/P Ngurthanmawia Sailo hnen atangin Pathian thuchah ngaihthlak a ni ang a, intihsiakna lawmman sem nghal a ni bawk ang.

Lawmman chu (Beg-Junior) intih siakna lawmman nen khan a in ang a ni.

Intihsiakna endiktu turte:-

1) Pu K. Thanthuama, KP

2) Pu Lalhnunliana, SKD

3) Tv B. Lalzirliana, SKD ‘S’

4) Lalchhanhima, VT VT

5) Pu Ramthianghlima, KDS

Puitling S.S. Zirlai tihdikna

Puitling Sunday School Zirlai 33-naa hrilhfiahna tlar 4-naa Mosian tih kha ‘Joshuan’ tih tur a ni a, mi sawm leh pahnih tih kha ‘mi pahnih’ tih zawk tur a ni.

Synod Bu 2011 peih fel a ni ta

Synod Bu 2011 chu peih fel a ni ta a, Synod Office Mamawh lamna hmun atangin Kohhran/Bial copy tur a lakleh theih ta.

MPF leh Nagaland BCC

September 5 (Nilaini) khan Nagaland Baptist Churches Council (NBCC) hotute leh Mizoram People Forum (MPF) hruaitute nen inkawmna hun tha tak, Synod Office-ah an nei.

Nagaland khawpui, Kohima atanga palai 4 lokalte hi NBCC hnuaia Working Committee on Clean Election member-te an ni. MPF hruaitute bakah hian ni 5.9.2012 vek khan Central YMA hruaitute nen Central YMA Office ah inkawmna hun an nei a; Ni 6.9.2012 zing lam khan Mizoram Synod hruaitute nen inkawmna hun tha tak an nei leh bawk.

Mizoram-a inthlanna felfai leh hlawhtling taka kan neih thin hian pawnlam atangin ngaihven a hlawh hle thin a. NBCC Assembly chuan Mizoram-a Kohhran leh tlawmngai pawlte tihdan dungzuiin, Inthlanna a hmalak ve an duh a. Zirchiang tur bik, Working Committee on Clean Election din a ni a. Anni hian October 2012 hian an hmalakna hi NBCC Assembly-a pharh turin an chhawpchhuak leh dawn a ni.

Inter-Senior inkhawmpui hmang dawn

Inter-Senior khawmpui

Dt  15-16 Sept. khian Sakawrdai Chhimveng Kohhran Biak Inah Bial Naupang Sunday School (Inter,Sacrament & Senior) Inkhawmpui neih a ni ang. Inrinni Dar 2:00 p.m ah Khawmpui Committee neih a ni anga. zanah reports ngaihthlak a ni ang. Pathianni chawhma leh chawhnu ah intihsiakna hun hman a ni ang. Pathianni zan Bial Chairman P/P Ngurthanmawia Sailo hnen atangin Pathian thuchah ngaihthlak a ni ang a, intihsiakna lawmman sem nghal a ni bawk ang.

Intihsiakna endiktu turte:-
1) Pu K. Thanthuama, KP
2) Pu Lalhnunliana, SKD
3) Tv B. Lalzirliana, SKD ‘S’
4) Lalchhanhima, VT VT
5) Pu Ramthianghlima, KDS

Teacher’s Day

Teacher’s Day: 

Sept. 5 Teacher’s Day chu Rampumah  Zirtirtute chawimawina hun atan hman a ni. Sakawrdaiah pawh Sakawrdai Education Staff Association (SESA) huaihawtin Govt. Middle School ah hman a ni a, Presbyterian English School, Sakawrdai chuan information hmuh tlai avanga programme anlo siamfel tawh sa a nih avangin a hranin he hun hi an hmang ve bawk a ni.

Higher Secondary School Lungphum

Higher Secondary School Lungphum: 

Sept. 4 chawhnu dar 2:30 khan Govt. Dy. Chief Whip, Pu RL Pianmawia’n Tuisualral Higher Secondary School Lungphum a phum. School hmun tur hi Sakawrdai Chhimveng Kohhran Biakin hmun hlui, Council sum atanga Rs. 2,00,000/- vel a lei a ni a. School sakna senso atan hian VFDC sum atang Rs. 17,00,000/- vel sanction a ni.

NLUP dawng tur chhungkaw 129

NLUP dawng tur chhungkaw 129 : 

Sept. 4 khan Sakawrdai khawchhunga NLUP dawng tura thlan chhuah chhungkaw 129 te chu Community Hall-ah kohkhawm niin, he hunah hian Pu RL Pianmawia, Govt. Deputy Chief Whip mai bakah  SDO ‘C’, BDO, leh Department hotu engemaw zat rawn kal in, NLUP dawng turte hmalak dan tur leh kalphung hrang hrang inhrilhfiahna hun an hmang a ni.