Saturday, October 06, 2012
Editorial - Aia upate zah thiam
Kan dam tlang em?
Ö
*Þ Lalchhanhimi Thla 2, Pu Lalfelpuia fanu chu Dt. 1.10.2012 khan Pneumonia vangin Sakawrdai CHC ah enkawl a ni a, a dam thuai thieh na’n Kohhran chhungkua ten i tawngtaipui ang u.
Ö
*Þ Lalhmangaihzuali Thla 6, Pu Ronald Lalramsanga fanu chu Khawsik vangin Dt 30.9.2012 khan Sakawrdai CHC ah admit a ni a, Dt. 5.10.2012 khan dam takin a chhuak leh ta.
Ö
*Þ Pi B. Lalrintluangi W/o Pu Lalbiaksanga, Ward Superintendent, CHC a thawk chu hun engemaw chen a fanu nau nei vanga a zin hnuin Nilaini khan a rawn haw leh ta.
Ö
*Þ Sakawrdai Kohhran Hmeichhia te chuan, Zirtawpni khan nilengin, Kohhran Sunday School Hall ah Committee an nei.Programme
Kohhran Hmeichhia Programme :
Tantu : Pi Thangpuii
Thusawitu : Pi Laldampuii
KTP Inkhawm
KTP Inkhawm Programme :
Tantu : Nl. Lalnghatzovi
Kumpuan : Isua nen-Tunlai Khawvelah
Hawngtu : Tv. J. Malsawmtluanga
Oct. thla chhung thawhlawm khawntu tur te :
1. Nl. Lalnghatzovi 2. Nl. Lalhriatpuii
Programme
KOHHRAN PROGRAMME :
Vawiin-
07.10.2012Pathianni Chawhma: (9:45 - 10:15 a.m)
Sunday School
Zirlai 37-na : Pathian hnena thilhlan II
Tantu : Pu Mesak Zosangliana
Pathianni Chawhnu: (1:00 - 1:30 p.m)Hruaitu : Rev. Dr. HmingthansangaBaptisma SacramenPathianni Zan: (5:45 - 6:15 p.m) Hruaitu : Upa Lalhluna
Thu sawitu : Upa Lalramhluna
................................................................................
Naupang S.S Programme
Thawhlawm khawntu turte:1. Lalrinmawia 2. Laldawnpuia
Thawhlawm hlantu - Pu LalnghaklianaPathianni Chawhnu:Hruaitu : Pi Lalengzauvi
Tantu : Laldinsangi
Thusawitu : Pu Lallawmawma
Tunkar Damdawi In
Tunkar chhung khan CHC ah mi 18 admit an ni a. kan Kohhran chhungkua atangin mi 2 admit an ni a, pakhat chhuakin, tuna la chhuak lo pawh a tha chho zel a ni. Tun dinhmunah mi 9 enkawl mek an ni a, naupiang 4 an awm. Office thil pawimawha zin, Dr. Shahnaz Zothanzami Medical Officer leh Dr Shamim P Zohmingthanga Dental Surgeon te chu Ningani khan an rawn haw leh ta a, damlo tan inentir leh theih an ni ta bawk. Kar leh Thawhtanni khian Govt. Primary School II ah Doctor hovin Medical Staff te’n zirlai naupangte hriselna check-up neih an tum niin thu kan dawng.
Lawrkhawm
Admission hriattirna:
Aizawl Theological College-a M.Th./B.D./B.C.S./Dip. C.S. leh Allahabad Bible Seminary-a B.Th. & B.D. (Hindi) zir dil duhte tan Office hun chhungin College Office-ah dilna form ‘ 100/- a lei theih a ni. Hrechiang duh tan Aizawl Theological College, Durtlangah zawhfiah theih a ni.
National Seminar on Calvinism:
Oct. 4 khan Aizawl Theological College buatsaihin Pi Zaii Hall, Synod Conference Centre-ah ‘National Seminar on Calvinism’ neih a ni a, mimal sawm bik te mi 200 chuang zetin he seminar hi an hmang a ni.Current Regular lo: Tunlai hian Sakawrdai chawmtu Transformer 1 a chhiat avangin khawchhungah eng kan nei mumal thei lova. Chhim Veng leh Vengpui inenchhawk tir thin a ni. Thudawn danin, Transformer chhe mek thlakna tur hi Deparment lamin an ngaihtuah mek a, a hun tur erawh hriat theih ala ni rih lo.
Rawngbawlna lam
Kohhran Hmeichhia Tawngtai tlaivar
Dt.2.20.2012(Thawhlehni) khan Rampum huapin Kohhran Hmeichhia tawngtai tlaivar hun hman a ni. Sakawrdai Kohhran ah pawh he hun hi hman a ni a, Tawngtai tlaivar programme hi Session hnih a then niin, session khatna chu Pi Lalneihthangi’n a kaihruai a, Pastor Hmingthansanga hnen atangin Pathian thuchah ngaihthlak a ni. Session hnihna chu Pi Laldampuii’n kaihruaiin, tawngtai thupui hrang hrang hmanga tawngtai rualna neih a ni. Hetah hian Members 11 an kal a, refreshment tuihnai tak buatsaih a ni bawk.
Bial Hmeichhia ten Pastor Quarter thuamtha
Dt. 3.10.2012(Nilaini) khan Sakawrdai Pastor Bial Hmeichhia Committee te chuan Pastor Quarter-ah Committee an nei. Bial Hmeichhia te hian Pastor Quarter tihchangtlunna atana project an lo neih chu tipuitlingin, Pastor Quarter-ah hian Cushion, Gas Connection leh Holy Bible te an dah tawh a ni.
Sakawrdai Kohhran-ah Crusade hmang dawn
Synod Revival Team te chuan Sept. 4 atang khan Sakawrdai Pastor Bial huamchhungah Crusade & Camping an buatsaih mek. Speaker hi Pu C.Lalzahawma ‘Hnehna puangtu Team’ a ni. Crusade hi Sakawrdai Pastor Bial Kohhran tinah buatsaih chho zel tur a ni a, Kan Kohhran-ah chuan Dt. 15-21, Oct. 2012 chhung khian Crusade neih a ni ang.
Dt. 20 Oct, 2012 (Inrinni) ah rampum huapin Synod Revival Team rawngbawlna puala Tawngtai rual beihpui neih a ni bawk dawn a ni.
Bial Zaipawl te Khawpuar Kohhran-ah
Hmarphei Presbytery Inkhawmpui
October 11 - 14 chhung hian Synod Inkhawmpui hnuaia Inkhawmpui lian ber Presbytery Inkhawmpui chu Mizoram chhung leh pawnah neih a ni dawn a, remchan zawkna avanga hmang hma/tlai hret an awm bawk ang. Hmarphei Presbytery Inkhawmpui pawh Thlarau lam thupui atan ‘Kohhran hnapui Chanchintha Puandarh’ (Marka 16:15) hmangin Dt. 11-14, Oct. 2012 chhung khian Darlawn Venghlun Kohhran Biak Inah neih a ni ang. Thlarau lam thupui hi Rev. Dr. Hmingthansanga, Sakawrdai Bialtu Pastor hnen atangin Inrinni zanah ngaihthlak a ni ang. Rev. Jerry Zoliansanga chu Moderator a ni a, Secretaries te chu Upa Lalramhluna Upa Chawngkhuma te an ni. Sakawrdai Pastor Bial Zaipawl ten Inrinni zan, Pathianni chawhnu leh Pathianni zan-ah Pathian fakna hla an sa ang.
Women Centre sak hna kalpui mek zel a ni
Women Centre sak hna chu tluang taka kalpui mek zel a ni a, a sir ding lam leh vei lam basement 2 slab chhun tawh a ni a, a main building pawh a beam chhung zawh tawh a ni. Women Centre sak nan hian mi mal leh Kohhranhoten sum an thehlut zel a, sum, tha leh zung petu zawng zawng chungah Central Kohhran Hmeichhiaten lawmthu an sawi a ni. Women Centre sakna tur sum hi Head li (4) ah hetiang hian thehluh tur a ni:
1. Ni khat tha (hlawh) 2. Fund Raising thawh chhuah
3. Aug. 14, 2012 thawhlawm 4. Kohhran Hmeichhe Ni thawhlawm
Nilai thupui tihdikna
Kum 2012 Nilai zan leh Beihrual Thupui Bu-ah NEICC puala Tawngtai Ni kha October 28 tiin ziak palh a ni a, October 21 tih zawk tur a ni
Tawngtai bu lam theih
Tawngtai Bu chhut thar leh a ni a, kar leh atangin Synod Office-a Mamawh lamna-ah Kohhran/Bial copy tur a lak theih leh ta e.
Friday, October 05, 2012
Bial Zaipawl Khawpuar Kohhranah
Bial Zaipawl te rawngbawlna Khawpuar-ah
Hla zir chawlh lai |
Dt. 28-30 Sept chhung khan Sakawrdai Pastor Bial Zaipawl te chuan Khawpuar Kohhran tlawhin Pathian fakna hla hmanga rawngbawlna hun an hmang. Bial Zaipawl member 24 an kal thei a, Kohhran mipui ten an lo lawm thiam hle bawk. Inrinni tlaiah Chawhlui buatsaih-in hun hlimawm tak an hmang. Bial Zaipawl ngaihlu a, rawngbawlna hun hmang tura sawm hmasa ber tu an ni a. Bial Zaipawl tha tichak tu pawimawh tak a ni a, an entawn tlak hle a ni.
Sermon - Chanchin tha hril awmzia
CHANCHIN THA HRIL AWMZIA
(Mk. 1:15; Gen. 3:15; Thu. 12:1-17)
Chanchin Tha hril awmzia sawifiah na hi Mat. 28:16- sawi angin, ringtu siam leh kohhran din tiin kan hre tlangpui a. A dik em em a. Tuna kan sawifiah tum dan chu Lal Isuan Mk.1:15-a a sawi ang hi a ni ang . Pathian ram din a ni a, Setana ram thiat a ni a, Indona a ni, kan ti dawn a ni.
Leia Pathian ram din a ni:
Chanchin Tha bu thumin chanchin tha hril an sawifiah dan hi, amah Lal Isua hna thawh atangin an sawifiah a. Pathian ram din a ni. Van nun chu leia mitten an nunpui vena tur thu a ni. Pathian ram chu Pathian duhzawng, vana min an ti anga leia mitten an tih hi a ni a. Hei hi Lalpa |awng\ainaa kan sawi thin ‘I ram lo thleng rawh se’ kan tih hi a ni.
Van nun chu Lal Isua nunah a awm a. Isuaah hian Pathian ram chu leiah a lo thleng a. Chu mi chanchin chu kan hril tur a ni. He lei hi Pathianin ama ropui nan, mawi tak leh nuam tak leh hausa taka a siam a ni a (Gen. 1,2). Pathianin mihring amah angina a siam a, a ropuina entir tur a ni a. Thuneihna sang tak a pe a. Lei chu enkawla veng turin a dah a ni. Leiah chuan Pathian leh mihring chu leng dun a nuam taka khawsa turin ruat a ni bawk.
Setana ram thiat a ngai:
Setana lo awm dan chiah kan hre lo. Thup. 12-ah van indo thu kan hmu a. Michaela chuan Setana chu a hneh a, leiah an paih thla ta tih kan hmu. Pathianin mawi leh tha taka lei a siam tichhe turin Setana leh a hote chuan an bei ta a. A enkawltu ber Adama chu hneh phawt a ngai a, an hneh ta reng a, lei chu Adama avanga ânchhe dawng a lo ni ta a, Adama leh Evi pawh ânchhe hnuaiah an awm ta . ( Gen.3:1-19). Mihring chu Setana fa (Jn. 8: 44); Setana thuneihna hnuaia awm ( Eph.2:2,3)., sual bawih (Rom 6:20) a lo ni ta.
He dinhmun ata chhanchhuah hi Pathianin Isua Kristaa a thil tum a ni a. Setana ram – mihring thinlung ram leh a chenna boruak leh a nun phung ram chu, Krista lalna rama siam a lo ngai ta a ni. Thihna chu nunnaah, thim chu engah, Setana bawih chu Krista bawiah siam hna chu chanchin \ha hril chuan a tum a ni.
Chanchin Tha hril chu indona a ni:
Hetiang a lo nih tak si chuan, indona a hring ta a ni. Setana ram chu \hiat a tul chuan Setana chu a awm mai mai dawn lo va, \an a lak a ngai a. Indo chu a loh theih ta lo a ni. Johanan Lal Isua hna a sawifiahna pakhat chu, Diabola leh a hna thawhte tihboral hi a ni. (1.Jn. 3:8). Luka chuan mi chak, Setana chu, a aia chak Isua Krista chuan a rawn phuar ta a ti ( Lk. 11L21-22). Thupuan 12:1-17-ah chuan hmeichhia nia inthuam, nau hring tur chu Setanan nasa takin a tibuai a, a nau chu tihhlum a tum a ni, mahse Pathianin a chhanhim. Chuvangin , chang 17ah, hmeichhe thlah, Isua thu hriattirna pawmtute do turin a chhuak ta, a ti. Chu chu tuna kan dinhmun hi a ni.
Indo rilru put a ngai a ni:
Indo lai chuan indo rilru put a ngai a. Indona inthuama inthuam a ngai a, ral thuam neih \hat a ngai a. Petera chuan kan khingpui Diabola chuan a sa seh tur zawngin a phi ruai a ni a ti bawk ( 1 Pet 5:8). Pawlan, kan buante hi tisa leh thisen an ni si lo, lalna te, thuneihna te… a ti a, Pathian ralthuam famkima inthuam a tul a ti bawk.( Eph. 6:10-13).
Chutichuan, tuna kan tana pawimawh ta ber chu Chanchin tha kan hril hian Pathian ram kan din dawn a ni tih hriat a tul. Hlim tak leh thlamuang taka awm tura pian thar a ni ringawt lo a nih chu. Sakhua thlakthleng mai a ni bawk lo. Mite thinlung leh nunah Pathian lalna leh thuneihna hmun chantir a, Setana ram thiat vek chu a ni. Kan inpeih em le....?
Subscribe to:
Posts (Atom)