Editorial - TUN HUN

 TUN HUN

Mihring, naupang atanga tar thleng hian awh leh duhthusam kan nei vek awm e. ‘Mihring duh hian chin tawk a nei lo’ tih a ni hial a. Kan dinhmun a zirin kan duh zawng a danglam a, naupang leh tar thlenga kan duhthusam bulpui erawh chu a inang tlang vek thung. Tun dinhmun aia  a let tam a tha, hlawkna, hmingthanna leh dinhmun tun aia kang tak a ni vek awm e.  Beiseina in mihring kan kal a, kan kal kawngah hlawkna kan zawng reng bawk a, kan duhthusam tihpuitlinna turin ‘Tun hun” hi a pawimawh tih erawh kan ngaihthah fo thung.  Kan duhthusam chu kan suangtuahna nena tangkawp, thleng theilo tura kan rin, mahse thleng hlauh se ti a kan duh a ni tho thin. Kan chatuan hmun tur a vanram thlang lo kan vang hle ang. Vanrama Chatuana Pathian nena nuam em em a lendun chu kan duhthusam a ni vek awm e. Chumi tihlawhtlinga , he lei a, harsa taka amah zui  tu tan chauh, chu chatuan ram chu a inhawng thung . He duhthusam hi ataka chang tur chuan ‘Tun hun’ hi a pawimawh a, Thih hnua duh thlan theih a ni lo a ni.

Inkhawm Programme

KOHHRAN PROGRAMME :

Vawiin-
Pathianni Chawhma: (9:45 - 10:15 a.m)
Sunday School
Tantu : Pi Zorampari
Zirlai 32-na : ‘ Balaama hrilhlawkna-II’
Pathianni Chawhnu: (1:00 - 1:30 p.m)
Hruaitu : Rev. Dr. Hmingthansanga
Thupui : Chanchintha hril tulna.
Thusawitu : Pu Lalsangzuala

Pathianni Zan:  (6:30 - 7:00 p.m) Beihrual
Hruaitu : Rev. Dr. Hmingthansanga
Thupui : Chanchintha hril tura koh.
Sawitu : P/P Ngurthanmawia Sailo
....................................................................
Naupang S.S Programme
Pathianni Chawhma:
Tantu : Lalremsiama, Inter
Thawhlawm khawntu turte:
 1. Ruthi 2. Salemmawii
Thawhlawm hlantu - Pi Lalbiakliani

Pathianni Chawhnu:
Hruaitu : Pu Lallawmawma
Tantu : Melody Zomuanpuii, Inter
Inkhawmpui inbuatsaihna atan hman a ni ang.

Kan damtlang em?

Ö*Þ Dt. 1.9.2012 (Inrinni) khan Pastor Quarter ah Bial Standing Committee neih a ni.

Ö*Þ Dt. 1.9.2012 (Inrinni) khan kan Kohhran Sunday School Hall-ah Bial Zaipawl ten Presbytery inbuatsaih nan Pathian fakna hla an zir a. Zaipawl Member 22 an kalkhawm a ni.

Ö*Þ Vawiin Dt. 2.9.2012 (Pathianni) chawhma inkhawm banah Kohhran Sunday School Hall-ah, Krismas & Kumthar Ruai Committee koh a ni a, Committee memberte kim taka kal tura hriattir leh ngen kan ni.

Tun kar Damdawi In

Tunkar chhungin CHC ah mi 8 admit an ni a. kan Kohhran chhungkua atangin admit an awm lova, tun dinhmunah  mi 6 enkawl mek an ni a, naupiang 1 a awm. Out Patient Department (OPD) ah mi 82  Doctor inentir an awm a, Ha entir mi 24 an awm bawk. Khawl hmanga Ha tih fai an intihhmuh mek niin a lang.

Lawrkhawm

BEIHRUAL THUPUI TIHDIKNA: Kum 2012 Nilai zan leh Beihrual Thupui Buah hian Bible chhiar tur dah hmaih palh awm a, hetiangin :

September ni 3-ah Tirh. 1:6 - 8 dah tel tur niin,

September ni 4-ah Tirh. 16:6 - 10 dah tel tur a ni e.

Moderator Programme: Synod Moderator Rev. Thangzauva leh Pu Saidinga Sailo, SMB Mission Promoter-te chuan August 27 - September 4 chhungin Patna, Delhi leh Kolkata Mission Field te an tlawh. August 28 khan Patna Field an tlawh a, August 30 & 31 khan Delhi Field an tlawh leh a, September 1 - 3 chhung hian Kolkata Field an tlawh leh mek a, September 4 hian Aizawl-ah an lo let ang.

  Kohhran Hmeichhia: NGO pakhat Francois Xavier Bagnoud (FXB) (2001) leh Positive Women Network (2007) te tangkawpin HIV Positive Hmeichhiate inenkawlna damdawi (ART) laa Aizawl an cham chhung riahna tur hmun Short Stay Centre an buatsaih tur tanpui nan Central Kohhran Hmeichhia chuan August 27 (Thawhtanni) khan R. 20,000/- (Cheng Singhnih) a hlan.

Sermon Lakkhawm tlangzarh: Aug. 30 chawhnu dar 2:00 khan Synod Committee Room, Zosaphluia Building (Top Floor)-ah Rev. Zosangliana Colney Sermon Lakkhawm lehkhabu chu Rev. Vanlalzuata, Senior Executive Secretary-in a tlangzarh. Lehkhabu tlangzarh inkhawm hi Upa K. Rosiamliana, Khatla-in kaihruaiin Upa C. Sangzuala, Chaltlang-in lehkhabu thlirlawkna hun a hmang a. Rev. Vanlalzuata, Senior Executive Secretary-in lehkhabu hi a tlangzarh a, he lehkhabu buatsaihtu Tv. Hminga Pachuau leh Rev. Zosangliana Colney ten thusawina hun an hman zawhah a duh apiang tan thusawina hun hawn a ni a, Khatla Kohhran Female Voice-te an zai bawk.

Rawngbawlna lam

Tawngtai tlaivar programme tluang takin..

Sakawrdai Branch KTP chuan Central KTP rorel bawhzuiin Dt. 27.8.’12 thawhtanni zan inkhawm ban chhunzawm in  tawngtai tlaivar programme chu tluang taka hman a ni. He hunah hian KTP member 19 mai bakah Upa & Pro Pastor leh refreshment buaitutute kan kalkhawm thei a, a lawmawm hle. Programme hi chhawngli ah thenin, thupui duan lawksa angin he tawngtairualna hun hi hman a ni.

Hmarveng Biak In sak hna thawkmek zel...

Hmarveng (Branch Church) Biak In tur sak hna chu chhunzawm chho mek zel a ni a. A hrana Kohhran hnatlang koh lovin, Dt. 29.8.’12 nilaini  khan kan Kohhran a Thalai member thenkhat te leh Upa, Pastor & Pro Pastor te nen Biak In sak hnatlang neih a ni a. Hnatlangah hian kan vaiin mi 16 vel an thawk a, A beem chhun zawh fel a ni ta a ni.

Ram pumah ‘Ramthar Ni’ vawi 39-na hmang

Dt. 31.8.’12 kha Ramtharni a ni a. Presbyterian Kohhran ni pawimawh tak a ni a, hmun thenkhatah chuan awmnikham in an hmang. Kan Kohhranah pawh he hun hi Zirtawpni zan khan hman niin, Inkhawm hi P/P Ngurthanmawia Sailo in a kaihruaia, Thupui, ‘Hnai taka mi thim hnena chanchintha hril’ tih chu Pastor Hmingthansanga hnen atangin ngaihthlak a ni. Hemi zan hian Ramthar puala Thilpek lakkhawm a ni bawk. Kum 1972 Mizoram Synod Inkhawmpui chuan, Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.

Beihrual kum 94-na kan lo thleng ta reng mai

Dt. 1.9.’12(Inrinni)zan khan kan Kohhran Biak Inah, Beihrual hawnna inkhawm neih a ni a, Hawnna Inkhawm hi Pastor Hmingthansanga’n kaihruaiin, tawngtairualna hun hman a ni bawk. Beihrual hi Biak Inah leh pawn lama fehchhuah hun atan hman a ni dawn a. Dt. 10&17 Sept. zanah KTP Beihrual fehchhuah Programme hman a ni ang a, Dt. 11&18 Sept. zanah Kohhran Hmeichhia Beihrual Fehchhuah Programme hman a ni bawk ang. Dt. 20&21 Sept. zanah Kohhran Fehchhuah hman a ni ve leh ang a, Kohhran Fehchhuah ah hian  ‘Village Council Member te tlawh’ VCP Inah leh ‘YMA, MHIP, MUP Hruaitute nena inkawm ho’ Sunday School Hall-ah hman a ni dawn a ni. Beihrual hi June,1918 ah hman tan niin , 1919 leh 1920 ah September, 1921 ah January ,1922 - 1924 ah April thlaah te hman thina ni a, September 1925 atangin mumal takin kan hmang tan ta a ni.

Naupang Inkhawmpui
Dt  8-9 Sept. khian Sakawrdai Kohhran Biak Inah Naupang Sunday School (Begin-Junior) Inkhawmpui neih a ni ang. Inrinni Dar 2:00 p.m ah Khawmpui Committee neih a ni anga. zanah reports ngaihthlak a ni ang. Pathianni chawhma leh chawhnu ah intihsiakna hun hman a ni anga, Pathianni zan Bial Chairman Pastor Hmingthansanga hnen atangin Pathian thuchah ngaihthlak a ni ang a, intihsiakna lawmman sem nghal a ni bawk ang.
Lawmman Pakhatna - Baltin, Rs. 500/- man, Pahnihna - Baltin, Rs. 400/- man, Pathumna - Baltin, Rs. 300/- man, Consolation Prize -  Baltin, Rs. 200/- man vel a ni ang.
Intihsiakna endiktu turte:-
1) Pu C.Zonuntluanga, SKD ‘S’
2) Pu Lalhmingthanga, Vaitin
3) Pu Ronald Lalramsanga, SKD
4) Tv. Lalrohlua, Thingsat
5) Pu Israela, Khawpuar

Museum & Art Gallery, ATC
ATC chuan Museum & Art Gallery-a dah tur thil lawmawm tak mai “Ka duh tu dang mah an awm lo” tih hla awm na lehkhabu a dawng. He hla tha chungchuang tak mai hi Lalbela Hrahsel, Digboi Oil Coy.-a security force-a thawk, Digboi-a ni hnih/thum a bethel hnu-a, June 3, 1966-a a lo ziak daih tawh a ni a. Amah pawh October 20,1978-ah ropuina ramah a lo lawi lut tawh a ni. Hun engemaw chen buaipui a nih hnu ah A fapa Pu H. Lalmuanpuia, New Serchhip Presbyterian Kohhrana Tual Upa, chu biak pawh a ni ta a. Phal takin an pa duh tak, L.B. Hrahsel hla ziakkhawmna bu phek 72-a chhah, a kawm tla tawh chu an han phawrh ta a. A hawrawp a mawiin a thuziak a felfai em em a. Ama siam chawp writing pad-a a thil lem ziak mawi dangdai tak takte chuan, pa namai a nih loh zia an hril chiang hle. A phuahtu L.B. Hrahsel talent ropuizia hi sawi thiam har khawp a ni. Hun hrang hranga a lehkhathawn ziakah a hun rem ang zelin milem/thil lem chi hrang, mawi tawk tak a ziak fo bawk a ni. A kutziak a mawiin, a fiah tha em em a. He kutziak hlabu-ah hian a hun laia Sap hla Mizo tawnga lehlin lar zual chu a kim thawkhat hlein a lang. ATC Museum & Art Gallery-ah a hmu duh apiangte en theih turin a dah a.

BEIHRUAL THUPUI TIHDIKNA

BEIHRUAL THUPUI TIHDIKNA: 
Kum 2012 Nilai zan leh Beihrual Thupui Buah hian Bible chhiar tur dah hmaih palh awm a, hetiangin :
September ni 3-ah Tirh. 1:6 - 8 dah tel tur niin,
September ni 4-ah Tirh. 16:6 - 10 dah tel tur a ni e.

Museum & Art Gallery, ATC - “Ka duh tu dang mah an awm lo”

Museum & Art Gallery, ATC

“Ka duh tu dang mah an awm lo”

By: Lalbela Hrahsel

Aizawl Theological College chuan Museum & Art Gallery-a dah tur thil lawmawm tak mai a dawng leh ta a. Tunlaia thalai, pavalai leh nuvalai, nu leh pa zawng zawng awi tleitu hla duhthlan zing ami, “Ka duh tu dang mah an awm lo” tih hla a ni a. Freddy Lalruatsanga leh Zosangzuala Chhangte te’n mi tin lungdum zawng taka thiam fahrana an sak lar hi a ni. Thenzawla KTP General Conference, 2012-ah pawh a hla “hit” ber pawl a nih kha! ATC-a a lo luh dan hi a kual deuh va. Kum 2011, January 18 zan dar 7.30-ah khan Archives Hall, Babu Tlangah Freddya Gospel Music Video Album tlangzarh inkhawm neih a ni a. Album thlirlawkna (preview) hmangtu Pi C. Luri chuan thiam zet maiin video album-a hlate a fakselnaah, “Ka duh tu dang mah an awm lo” tih copy a ken chu a phuahtu L.B. (Lalbela) Hrahsel kutziak ngei thlalak (photocopy) a nih thu a sawi chhuak a. Album tlangzarhtu ATC Principal beng a verh ta tlat a. Chuta tang chuan a phuahtu kutziak tak chu khawiahnge a awm tih chhui chhuah a ni ta a. 

He hla tha chungchuang tak mai hi Lalbela Hrahsel, Digboi Oil Coy.-a security force-a thawk, Digboi-a ni hnih/thum a bethel hnu-a, June 3, 1966-a a lo ziak daih tawh a ni a. Amah pawh October 20,1978-ah ropuina ramah a lo lawi lut tawh a. Mahse, a hla hi chu Zoram hla chuai thei lo turte zing ami niin a lang. A hla hlut dan ngaihtuahin dil chhuah theih loh mai palh hlauh avangin engemawchen pehhel a ni a. A tawpah a phuahtu L.B. Hrahsel fapa, Pu H. Lalmuanpuia, zai mi bawk, New Serchhip Presbyterian Kohhrana Tual Upa, chu biak pawh a ni ta a. North Vanlaiphai Damdawi Veng Pastor Bial KTP Inkhawmpui-a rawngbawla kal ATC Principal leh Zosangzuala te haw lam chuan, January 23, 2012 khan an chenna Inah an pan ta chawt a. Pu Muanpuia leh a nupui Pi Lalchhuanawmi chuan tukthuan buatsaih meuhvin an lo dawngsawng a. Phal takin an pa duh tak, L.B. Hrahsel hla ziakkhawmna bu phek 72-a chhah, a kawm tla tawh chu an han phawrh ta mai a. A hawrawp a mawiin a thuziak a felfai em em a. Ama siam chawp writing pad-a a thil lem ziak mawi dangdai tak takte chuan, pa namai a nih loh zia an hril chiang hle. 

Hemi tum hian a bu puma dil chu a hawihhawm lo deuhva hriain, “Ka duh tu dang mah an awm lo” tih phek chauh chu an dil angin zai thlak a ni a. ATC-a hla phek hawn thlen a nih chuan Faculty member-te chuan a bu ngeia neih loh chu an lo kham khawp hauh lo mai a. A bu puma neih sak dil chu awm lo viauvin lang mahse, Pu Muanpuia chuan, “A bu puma in kawl duh chuan kan lawm khawp ang”, a lo ti leh ta then a. ATC Principal leh Zosangzuala te bawkin Serchhip Pastor Bial KTP Members’ Meet-a rawngbawlna an neih tumin June 24, 2012-ah khan, Pu Lalmuanpuia te nupa kut atangin a bu pumin an dawng leh ta zawk a ni. A phuahtu L.B. Hrahsel talent ropuizia hi sawi thiam har khawp a ni. 

A hlabu rual hian a lehkhathawn pahnih dawn tel a ni a. Pakhat chu a hla phuah dan a thian hnena a thawn a ni a. Pakhat dangah chuan a bul tannaah “Dear” tiin a thianpa hming aiah a lem fiah leh mawi takin a ziak a; a tawpa ama hming ziakna turah “Yours sincerely” tiin ama lem a ziak leh a. Hun hrang hranga a lehkhathawn ziakah a hun rem ang zelin milem/thil lem chi hrang, mawi tawk tak a ziak fo bawk a ni. A kutziak a mawiin, a fiah tha em em a. 

He kutziak hlabu-ah hian a hun laia Sap hla Mizo tawnga lehlin lar zual chu a kim thawkhat hlein a lang. ATC Museum & Art Gallery Committee Convener Prof. T. Vanlaltlani leh member te chuan he hla tha chungchuang tak chuanna kutziak lehkhabu hi lawm takin an dawng a. Committee chuan a kawm siamin ATC Museum & Art Gallery-ah a hmu duh apiangte en theih turin a dah a. A petu Pu Muanpuia te chhungkaw chungah a lawmin, kawng tinrenga Pathian malsawmna a duh sak a ni.

Beihrual hman tan dan

BEIHRUAL HMAN TAN DAN

- By Laldawnkimi, Superintendent, Hmangaihna In

THUHMA : Kum 1894-ah Chanchintha kan dawng a, kum 1906-ah Harhna tum khatna a lo chhuak a, a tum hnihna pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse, mi engemawzat rinnaa mi nghet leh rinawm an awm a, phurna hloh mahse thahnemngaihna hloh lovin an thawk zel a. He Harhna hnua Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a tuar nghal a, 1917-a Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. (Mizo Kohhran Chanchin Rev. Saiaithanga phek 54-56, 58)

BEIHRUAL NEIH A NI TA : Hetih lai hian Mizoram Hmar chan pum pui hi Khasi Synod hnuaiah Presbytery pakhat kan ni a, kum khatah vawi hnih ( March & Oct ) Inkhawmpui an nei thin a, March 15 - 18, 1918 Presbytery Inkhawmpui Aijala neih chuan hetiangin a rel a“ Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran ho tan a, intih chakna tur leh intih thianghlimna leh intih ngah lawkna atan kan hmang theuh ang a, tin, thla chawhnu lam chu ringlote tana hman tur a ni ang, mi hruai hram turin. Tin, Kohhran tin in an thawh-zia dan theuh tur an ngaihtuah ang”. (Presby. 1918 No.10, Kristian Tlangau May 1918 phek 94 ) Rev. Sandia pawhin hetiang hian hriattirna a chhuah a-

Hmar-Chan Presbytery thil-tih chhiar ilang-in, thil pawimawh em em an ruat a ni. Tun June thla chhung hian Hmarchan khaw-tin-ah Pathian Ram tizau turin leh Isua mi zawng zawng tithianghlim turin kan beirual ang. Hetiang-in tunlai-in India ram pumpui-ah an ti mek a ni. Malsawmna tam tak an hmu tawh a ni. Tin, unaute u, heng thil hi hriatreng a tul a ni. Kan beihrualna hi ti tha tur leh Pathian hming ti-ropui turin, heng thil hi i ti ang u :-

a) Nashatak-in tawngtai-in Pathian malsawmna kan dil tur a ni, June thla hma pawhin rei fe an.

b) Kan ngaihtuah fo tur a ni.

c) Kan in-en tur a ni. Kan rilru kan buatshaih tur ani. Sualna zep ilangin malsawmna a dal ang. Isua hnena fel takin kan inpe tur a ni. d) Engtinnge beihrualna hi kan tanpui theih ang, kan ngaihtuah tur ani. Tin, a tumna ber kan hre reng tur a ni. Hapta hnih hmasa chhungin, kohhranho mi ti-harh leh ti-thianghlim turin kan beihram ang. Tin, chu mi hnuah chuan awihlote hnena kal-in kan bei-rual ang. Heng thil pahnih hi kan Pathian duh zawng ani tih kan hria. Taimatakin i ti ang u. Tin, kan Kohhranho tin in malsawmna ropuitak an hmu ang tih kan beisei. Beihrual thatna tur chu tawngtaiin i dil fo ang u. (Kristian Tlangau May 1918 phek 99)

Hemi tuma an hman dan Lalhnawka khua Lungsum leh Lalzika khua te chuan an report bawk a, a ngaihnawm hle (Kristian Tlangau Sept 1918 phek 172, 180) Aizawl hmuna an hman dan report Sandia Sap leh Liangkhaia te ziak hetiang ani: June nikhat zan atang khan inkhawm kan lo tan ta a, Pathian in mal min shawm shak a, keini Kohhran a mawi lovin kan inkhawm chu kan lo hlim ta hle mai a, zan khat zan a pang chuan inkhawm kham lovin kan lo tin ta hial mai a; chumi Kohhran chhunga inkhawm chhung chuan, mi in ah emaw, Biakin ah emaw inkhawm mah ila, kan hlim hle fo thin a, uar hauh lova shawi pawhin hlim reng rengin kan tum tla, tih theih a ni e.Tin, thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan Inpumpekna lehkha an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit theuh mai a. Tun hma lam ai kha chuan ka va bei nasha deuh tawh dawn em. kan ti rilru theuh a ni. Tin, thu shawi zawh a chuan n-pum-pek thawh-lawm an ti a,thawh-lawm kan upa ten an khawn bawk a, chu tah pawh chuan ni dang ai chuan kan thawh tam zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei tan ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk theuh kan bei a. Pathian in chakna min pek avangin tumahin hlau lo leh zak lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni........... Khaw hrang hrang atanga Beihrual vanga hming pe thar mi 344 an ni. (Kristian Tlangau Oct. 1918 phek 194-195) Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery chuan “Beihrualna hi awm leh sela kan ti tlang a, kum 1919 September a ni ang, a tih dan tur chu hmana mi ang bawk khan a ni ang”. tiin a rel leh ta a ni ( Presby. Oct. 1918 No.11 ) Ringtuten thahnemngai taka an tawngtaina leh an beihna chu Pathianin mal a sawm a, kum 1919 ah chuan Harhna tum thumna a lo thleng leh ta nghe nghe a nih kha.

HMAN HUN : Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te hman thina ni a, mumal taka September thla kan hman hi 1925 atangin a nih hmel e. (Presby. Oct. 1920 No.25, Oct. 1921 No.33, Assembly 1925 Jan No. 18)

THU ZIR : Standing Com. rel angin kum 1937 atangin ram pum huap thu zir bik siam tan niin a lang, “ Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject chu Insumna thu lam nise” (SC dt.28.6.1937 No.7). Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Hapta hmasa ber Ramthar hapta hi 1981 atanga hman tan a ni a, Hapta lina Kristian Chhungkaw hapta hi 1983 atanga hman tan a ni.

BEIHRUAL THLA HMAN DAN TIHDANGLAM RAWTNA :

Aizawl West Presbytery-in Beihrual thla hman dan tihdanglam a rawtna chu 2001 Synod chuan tha tiin SEC bawhzui turin a dah a ( 2001 Synod Gen.5) Questionaire-te siama ngaihdan hrang hrangte lakkhawm anih hnuah tihdanglam dan tur hetiang hian rel a ni :

1) Beihrual hi September thlaah hmang zel ila.

2) Tualchhung Kohhranin remchang leh tha atih angin Biak in leh in lamah hman pawlh thin a ni ang.

3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang.

4) Mahni Kohhran tan tangkai leh sawt zawka hmang duhte tan zau zawka zalenna pek a ni ang.

5) Kan Kohhran hmalakna pawimawh - Kristian Chhungkua, Ramthar leh vantlang nun siamthatna

(Social concern) lam thilte hi hlamchhiah loh tur a ni ang. ( SEC 185: 7; SEC 186:7; SEC 187:29)

Hmarveng Biak In sak hna thawkmek zel...

Hmarveng Biak In sak hna thawkmek zel...

Hmarveng (Branch Church) Biak In tur sak hna chu chhunzawm chho mek zel a ni a. A hrana Kohhran hnatlang koh lovin, Dt. 29.8.’12 nilaini  khan kan Kohhran a Thalai member thenkhat te leh Upa, Pastor & Pro Pastor te nen Biak In sak hnatlang neih a ni a. Hnatlangah hian kan vaiin mi 16 vel an thawk a, A beem chhun zawh fel a ni ta a ni.

Hmarveng (Branch Church) Dt. 29.8.2012

Tawngtai tlaivar programme tluang takin..

Tawngtai tlaivar programme tluang takin..

Sakawrdai Branch KTP chuan Central KTP rorel bawhzuiin Dt. 27.8.’12 thawhtanni zan inkhawm ban chhunzawm in  tawngtai tlaivar programme chu tluang taka hman a ni. He hunah hian KTP member 19 mai bakah Upa & Pro Pastor leh refreshment buaitutute kan kalkhawm thei a, a lawmawm hle. Programme hi chhawngli ah thenin, thupui duan lawksa angin he tawngtairualna hun hi hman a ni.

SKD Bial Zaipawl hla zir

Dt. 31Aug. & 1Sept, .2012 khian Sakawrdai Pastor Bial Zaipawl ten Sakawrdai Kohhranah Presbytery inbuatsaihna atan Pathian fakna hla an zir ang.

Rawngbawlna lam

Kohhran Hmeichhia inhlawh hnatlang nei

Dt.20.8.2012 thawhtanni khan Sakawrdai Kohhran Hmeichhia te Upa R.Lalfakzuala te hlothlawh-a inhlawh hnatlang neih a ni a, member 10 vel an thawkchhuak thei a ni. Hnatlanna ah hian chawhmeh tuihnai tak siamin hun hlimawm tak an hmang a ni.

Internet atangin KTP AW a thlir theih ta e....

Sakawrdai Branch KTP chuan Internet Website ah Blogspot siamin, KTP AW Chanchinbu mai piah lamah, Kohhran, Bial, record hrang hrangte, Thlalak te leh News detail update te a duh apiang tana chipchiar zawk a entheih turin Internet ah upload a ni a. Lo tlawh ve ngei ang che. Mobile atang pawh a thlir theih a ni e. Tlawhtheihna Website chu heihi a ni e:- http://www.ktpsakawrdai.blogspot.com

Advance Krismas cum open air concert....

Dt. 24.8.2012 Zirtawpni 10:00 am khan Sakawrdai Pastor Bial KTP chu Bial Conference rorel bawhzuiin, Pastor Quarter ah Committee neih a ni a. Committee ah hian Conference rorel dungzuiin Advance Krismas cum Open Air Concert chu Dt. 20 Dec. 2012 khian Sakawrdai Chhimveng-ah ropui taka hmang turin a rel a ni. Items/ zai te hi Live music ngeia rem vek tura beisei a ni bawk. Programme erawh la ennawn leh tura tih a ni.

MPF & Pol.Party Thawhhona Thuthlung

Dt.22.8.2012 khan Mizoram People Forum (MPF) leh Political Party hrang hrang aiawhte thukhawm chuan kum 2013-a Mizoram Legislative Assembly Inthlan lo awm tura thawhhona tur thuthlung July 31-a an duan ho tawh chu chulmamin an pawm. Meeting ah hian Politcal Party hrang hrang – INC, MNF, ZNP, MPC aiawh 3 theuh leh BJP aiawh mi 2 an kal thei a, MPF awiawhte, an Chairman Rev. Thangzauva leh General Secretary Upa Lalramthanga hovin mi 10 an tel thei bawk ani.

Bangalorea Mizo Kohhrante tlawh

Synod Moderator Rev. Thangzauva chuan August 24 -26 chhung hian Bangalorea Mizo Kohhrante a tlawh mek. Bodo leh Muslim-te inkara buaina kal zelah India chhim lama awm North East mi leh sate tana boruak tha lo a lo awm thar avangin Synod Moderator hian Bangalore tlawh programme hi a siam a ni. Moderator hi Pu Saidinga Sailo, Synod Mission Board Mission Promoter-in a tawiawm a, Bangalore an tlawh zawhah Patna, Delhi leh Kolkata Mission Field te an tlawh nghal ang.

Sermon - Lal Isua a lokal leh dawn

Lal Isua a lokal leh dawn

(IIPetera 3:1-18)

-Upa Lalringliana

Mizoram a Kristian pun chak dan kum zabi 20 bul liam ta atangin, harhna tumli- 1906, 1913, 1919, 1930 hnu ah harhna a thlen apiangin Kristian nasa takin an pung chho zel a. Kum 50 chhungin Mizoram chhim leh hmar ah Kristian 103692 lai an tling hman a ni. Chung hun lai chuan Mizoram ah mihring 152786 an awm a ni.

Harhna runpui pathumna nghawr chhuah kum 1921 atang in Hla phuah thiamna, Thilpek, Hun hnuhnung (Theology) khawih tello a awm lo, Thuhriltu ropui tak tak pawhin, Van khualehtui, Lokal lehna, Rorelna ni ropui, Kum sang rorel tih lam an tuipui em em a ni. Mizo Hla phuah Kristian Hla Bu a thun belh rawt hun laia an harsatna tawh chu Hun hnuhnung khawih lam a tam tawh vang a ni.

Chuti taka Hun hnuhnung thurin an buaipui em em lai rengin Indopui alo chhuak a, kan ram pawh nasa takin a nghawr nghing a, Mizo tlangval sang tam tak Indopui ah an tel a ni. Politics a inlumlet a, Rorelna te inthlakin, District Council te alo ding a. Ram hmasawnna-in mi a sawinghing a, Zirna lamah khua te lo varin; Naupang leh Thalai te lehkha zirna lamah an tlan a. Sipai leh Sorkar hna lamah India ramril ber thlengin an lut ta zel a. Vanram ngai hman pawh an ni ta lo. Harhna pawhin mi a sawinghing ta meuh lova, khawvel thil lungkhamna lamah Zoram mipui nun a fawn dual dual a. Kohhran mi, rawngbawltute pawh chu tuifawn chuan a hrut tel ve bawk a. Mahse, kum 1984 Harhna lo thlen khan, mi rilru ah hun hnuhnung lam ngaihtuahna a rawn tithar leh a, Kohhran chhungah leh mimal ah te zawi zawi in a mut thar leh a ni. Kristian Hla Bu chhut hnuhnung ber ah chuan, Mizo Hlaphuah, khawhar lenpuina lengkhawm zai te, hun hnuhnung lam ngaihna hla kan lo thun belh ta teuh mai a ni.

Kristian Thalai Pawl ah pawh hian hun hnuhnung thu hi a lut thuk tawh hle a. Inkhawmpui leh inpawlkhawmna a an sak zin leh an nawn ngun ber chu hun hnuhnung lam ngaihna a ni. Thlarau thianghlim hnathawh a ni ngei mai. An nunhlui te ninga, Krista lama nun thianghlim nei chak em em mai, mahse sualin a tihbuai fo thalaiten sualna awm tawh lohna ngai a-

‘Sualna tinreng ten thla an zar, Sualin min hliam, kan chau leh thin - Hmun thianghlimah chuan, Chau leh ngui hmel an awmtawh ngai lova; Chu khawpui mawiah chuan’ tia an han zai thup thup hi zawng, Ropuina nen chhum zingah alo kal leh dawn ani tih mipui rilru ah hla-in an lo chhawn a ni ber mai.

Rorel turin a lokal dawn: Hei hi lokal lehna pawimawhna lai ber a ni. Krista rorelna thuthphah hmaah kan inlan theuh tur a ni tih thu hi a chiang nghal a. Mi ten Isua an pawm dan a zirin rorelna a an dinhmun tur a hril ang. Chuvangin he thurin hi ngaihtuah lova, khawvela Isua a awm laia an lo dawnsawn dan ang bawk khan tuna tisa-a a awm tawhloh hnu a an dawnsawn dan hi rorelna lo awm tura an dinhmun hriltu a ni ang. Chuvangin Paula fuihna ang khan, thim thiltih paih a, eng thuama inthuam a tul tak meuh a ni. Rorelna chu Isua kuta dah a ni tih a lang tam em em a, Mihring fapa chuan Mitthi leh Minung ro a rel ang.

Hmangaihna a rorel a ni ang: Isua Krista Kross chu Pathian hmangaihna tarlanna a ni a, chu Kross a hmangaihna chu a rorelna rilru a ni ang. Phuba lakna leh thinur hrikthlakna, mihring piankena bet tlat hi Pathian ah chuan a awm ve lova. Chhandam duhna leh sual phurhsak theihna rilru hi rorelna ah pawh a lian ber dawn a ni. Mi in Pathian hmangaihna chu hnar lui mahse a chunga Pathian rorelna chu phuba lakna mai a ni lovang, Pathian phuba lakna tham kan ni love. Suala tlute tundin lehna, a tawp thlenga dawh a, dawm a, khaichhuah chu a duhzawng tak a ni si a. Hmangaihna leh dawhtheihna hmanga rorelna ala keng zel dawn, chutiangin Pathian thinurna leh hmangaihna chu a inkawp zel a ni. Mahse chaponate, huatna thinlung te, hmangaih lohna rilru nghet tak mai leh tisa thiltih zahpui awm tak te chu fiah taka tarlan ala ni ang. Thil thalo engmah reng hi a hmuh lova thuhruk a awm lova, a khawngaihna mi atangin a lang vek dawn a ni. Chutih rualin, Tupawh ka hnena lokal chu ka hnawtchhuak tawp lovang tih hi Isua rorelna rilru a ni zel ang.

Ropui takin a lokal ang: Hman a tlawm taka lokala kha, thiltihtheihna famkimin ropui takin a lakal leh dawn a ni tih thu hi hman atangin leh tun thleng pawhin ringtute rilru ah nghet a, Kristian te a tilawm a, rilru a hruai nasa hle a ni. Van mipuiten an chawimawi leh chibai an buk a kha, a ropuina ber chu tlawmna Kross a kal tlang kha a ni. Mihring fapa chu ropui taka a lokal leh hunin Kross avanga a ropuina chuan a rawn inthuam leh dawn. Rorelna lalthutphah ah chuan tlawmna Kross lallukhum a khum ang a. Isua Krista chu Lal a ni tiin Lei tin rengin a puang dawn a ni.

Inngaitlawm taka nghah tur a ni: Ringtuin khawvel a thlir dan leh khawvel mite hawiher a inang lova. Khawvel mite chuan an hmuh chawpchilh, an neih phak tur hisapin khawvel nawmna leh ropuina an beisei a, chumi hawi chuan an nun pawh an khalh kal thin. Ringtute erawh chuan Krista hnehna rinchhan in, a lokal leh thlenga Pathian mit tlunga awm turin an nun an hmang thin. A lokal lehna, tihfamkima awm hun tur nghakhlel takin inngaitlawm takin an nghak thin a ni. Rorel turin a lokal ngei dawn si a, Hmangaihnain ro a rel ang. Ropui taka a lokal hun tur chu inngaitlawm takin i nghak ang u. Amen.

Beihrual hawnna

Dt. 1.9.’12(Inrinni) khian Biak Inah, Beihrual hawnna neih tur a ni a, Pastor Hmingthansanga’n kaihruaiin, a kengtlang nghal ang a, tawngtai rualna neih a ni ang.

Ramthar Ni

Ramthar Ni
Dt. 31.8.’12 Zirtawpni zanah ‘Hnai taka mi thim hnena chanchintha hril’ tih thupui a hmangin Bialtu Pator hnen atangin ngaihthlak a ni ang a, Thilpek lakkhawm a ni bawk ang.

Beihrual Programme

Mizoram Presbyterian Kohhran

(Presbyterian Church of India)

Sakawrdai Kohhran

Beihrual Programme - 2012

　
Dt. 1.9.2012 (Inrinni) zan
BEIHRUAL HAWNNA LEH TAWNGTAI RUAL
Hruaitu : Rev. Dr. Hmingthansanga

Dt. 2.9.2012 (Pathianni) zan
Hruaitu : Rev. Dr. Hmingthansanga
Thupui : Chanchintha hril tura koh.
Sawitu : P/P Ngurthanmawia Sailo

Dt. 3.9.2012 (Thawhtanni) zan
Hruaitu : Upa Lalringliana
Thupui : Home Missio leh Masihi Sangati
Hawngtu : Pi Lalneihthangi.

Dt. 4.9.2012 (Thawhlehni) zan
Hruaitu : Upa Lalringliana
Thupui : Manipur a rawngbawlna (Manipur leh Tlang mite zingah)
Hawngtu : Pi Lalhlimpuii

Dt. 5.9.2012 (Nilaini) zan
Hruaitu : Upa Raltawnphunga
Thupui : Karbi Anglong leh Tripura rama rawngbawlna
Hawngtu : Nl. Laldinpuii

Dt. 6.9.2012 (Ningani) zan
Hruaitu : Upa Raltawnphunga
Thupui : Arunachal leh Assam rama rawngbawlna
Hawngtu : Pi Lalengzauvi

Dt. 7.9.2012 (Zirtawpni) zan
Hruaitu : Upa Raltawnphunga
Thupui : Kolkata, Siliguri leh Nepal rama rawngbawlna
Hawngtu : Pi Lalrindiki

................................ Naupang S.S Inkhawmpui ...............................　
Dt. 10.9.2012 (Thawhtanni) Zan
KTP FEHCHHUAH PROGRAMME
　
Dt. 11.9.2012 (Thawhlehni) Zan
KOHHRAN HMEICHHIA FEHCHHUAH PROGRAMME

Dt. 12.9.2012 (Nilaini) zan
Hruaitu : Upa Lalsangzuala
Reports : Feh chhuah Reports & Tawngtairual

Dt. 13 & 14.9.2012 (Ningani & Zirtawpni) Zan
Thupui : Kristian nuna harsatna neite tlawh
Upa Bial tinah Bialtu Upate’n tha an tih angin kalpui tur a ni.

................................ Inter,Sacrament & Senior Inkhawmpui ...............................
Dt. 16.9.2012 (Pathianni) Chhun
Hruaitu : Upa Lalsangzuala
Thupui : Khua leh tui tha(Khawtlangah)
Sawitu : T.Upa Zothangkhuma

Dt. 16.9.2012 (Pathianni) Zan
Hruaitu : Upa Lalsangzuala
Thupui : Khua leh tui tha(Ram leh hnam-ah)
Sawitu : Upa Lalramhluna

Dt. 17.9.2012 (Thawhtanni) Zan
KTP FEHCHHUAH PROGRAMME

Dt. 18.9.2012 (Thawhlehni) Zan
KOHHRAN HMEICHHIA FEHCHHUAH PROGRAMME

Dt. 19.9.2012 (Nilaini) Zan
Hruaitu : Upa Lalhluna
Feh chhuah Reports

Dt. 20.9.2012 (Ningani) Zan
KOHHRAN FEHCHHUAH
Village Council Member te tlawh ProgrammeA hmun : VCP In
Hruaitu : Pastor Hmingthansanga

Dt. 21.9.2012 (Zirtawpni) Zan
KOHHRAN FEHCHHUAH
YMA, MHIP, MUP Hruaitute nena inkawm ho
A hmun : Sunday School Hall

Hruaitu : Upa Hrangkhupa

Dt. 22.9.2012 (Inrinni) Zan
Hruaitu : Upa Lalhluna
Fehchhuah Reports

Dt. 23.9.2012 (Pathianni) Chawhnu
Hruaitu : Upa Lalhluna
Thupui : Van khua leh tui kan nih dan
Sawitu : Upa Raltawnphunga

Dt. 23.9.2012 (Pathianni) Zan
Hruaitu : Upa Lalhluna
Thupui : Van khua leh tuite mawhphurhna.
Sawitu : Upa Lalringliana
Dt. 24.9.2012 (Thawhtanni) Zan

Hruaitu : T.Upa Zothangkhuma
Thupui : Kristian chhungkua leh Kohhran
Hawngtu : Pu Ronald Lalramsanga

Dt. 25.9.2012 (Thawhlehni) Zan
Hruaitu : T.Upa Zothankhuma
Thupui : Kristian Chhungkua leh rawngbawlna I-na
Hawngtu : Pu Lalbiaktluanga

Dt. 26.9.2012 (Nilaini) Zan
Hruaitu : T.Upa Zothankhuma
Thupui : Kristian Chhungkua leh rawngbawlna II-na
Hawngtu : Pu Lalrinngheta

Dt. 27.9.2012 (Ningani) Zan
Hruaitu : Upa Lalramhluna
Thupui : Kristian Chhungkua leh thilpek
Hawngtu : Pu HP Lalhnunliana

Dt. 28.9.2012 (Zirtawpni) Zan
Hruaitu : Upa Lalramhluna
Thupui : Nitin Chhung Inkhawm
Hawngtu : Pi Ethel Lalliansangi

Dt. 29.9.2012 (Inrinni) Zan
Hruaitu : Upa Lalramhluna
Thupui : Kohhran Inkhawm
Hawngtu : Pi Lalneihkimi

Dt. 30.9.2012 (Pathianni) Kristian Chhungkaw Ni
Hruaitu : P/P Ngurthanmawia Sailo
Thupui : Chhungkua a Pathian biak
Sawitu : Pi Laldampuii
　
　
　
　
　
　
　
　
　
　

MAHNI INHRIAT CHIAN

Mi pangngai chu a thang lianin a upa telh telh a, a chhe lai leh a tha lai thliar hrang thiam a lo ni thin. Thil awm zia leh thluak hman ngaiah te, mi pangngai te chuan an thliar hrangin ngaihtuahna an hmang thiam thin a ni. He khawvel, Changkanna lama sang tawh tak mai ah hian Kristian sakhaw zuitute pawh, hmasawnna in min kai tel lo thei lova, kan eizawnna leh kan chet velna, kan rilru sukthlek thleng hian, tunlai changkanna hian min chiah a, kan thlen chin hriat harsa khawpin hmasawnna in min hruai tawh a ni. Kan thlen chinah, tunlai khawvel inlumlet dan chauh leh kan hlawkna turte, kan eizawnna lam chauh thlir tur kan nilo tih hria ila, Pathianin ngaihtuahna min pek hi hmangin, Pathian kan hnaih leh hnaih loh kan inhre thei ang. Biakin pawn ah leh Pathian hnaih lote bula kan awm chang hian in ngaihtuaha, inchhut let fo a pawimawh. Keimahni dinhmun chu a taksa putu hian kan hre chiang a, kan eizawnna, thian kan kawmna leh kan lenvahna ah te, tunlai hmasawnna in a chiah dal theih ringtu kan ni em ? Sual in a kaih hruai theih kan ni em ? tih hi inchhut fo ang u.

Kan dam tlang em?

Ö

*Þ Ramthar Ni Dt. 31.8.’12 Zirtawpni zanah ‘Hnai taka mi thim hnena chanchintha hril’ tih thupui a hmangin Bialtu Pator hnen atangin ngaihthlak a ni ang a, Thilpek lakkhawm a ni bawk ang.

Ö

*Þ Dt. 1.9.’12(Inrinni) khian Biak Inah, Beihrual hawnna neih tur a ni a, Pastor Hmingthansanga’n kaihruaiin, a kengtlang nghal ang.

Ö

*Þ Tv. Lallungmuana S/o T.Upa Zothangkhuma, Asst. Secy chu CRCC ah appoint. thar a ni a, KTP AW chuan a lawmpui tak meuh a ni.

Ö

*Þ Dt. 24.8.2012 khan Kohhran Committee te chuan Sunday Pastor Quarter ah thlatawp Committee an nei.

Ö*Þ Pro.Pastor Ngurthanmawia Sailo, Office dawra zin pawh, nimin khan dam takin a rawn haw leh ta.

Naupang S.S Inkhawmpui

Naupang Sunday School Inkhawmpui

Dt 8-9 Sept. khian 2012 Sakawrdai Kohhran Biak Inah Sakawrdai Pastor Bial Naupang Sunday School (Begin-Junior) Inkhawmpui neih a ni ang. Thlenkimni (Inrinni) Dar 2:00 p.m ah Khawmpui Committee neih tur a ni a. Inrinni zanah reports ngaihthlak a ni anga, Pathianni chawhma leh chawhnu ah intihsiakna hun hman a ni ang . Pathianni zan inkhawmah Bial Chairman Rev. Dr. Hmingthansanga, Bialtu Pastor hnen atangin Pathian thuchah ngaihthlak a ni ang a, intihsiakna lawmman sem nghal a ni bawk ang.

Lawmman Pakhatna - Baltin, Rs. 500/- man, Pahnihna - Baltin, Rs. 400/- man, Pathumna - Baltin, Rs. 300/- man, Consolation Prize - Baltin, Rs. 200/- man vel a ni ang.

Intihsiakna endiktu turte:-

1) Pu C.Zonuntluanga, SKD ‘S’

2) Pu Lalhmingthanga, Vaitin

3) Pu Ronald Lalramsanga, SKD

4) Tv. Lalrohlua, Thingsat

5) Pu Israela, Khawpuar