Lawrkhawm

Independence Day Tournament buatsaih dawn:

Indian Independence Day Celebration Committee 2012 chuan Sakawrdai-ah Independence Day Tournament buatsaih turin ruahmanna a siam a, Organising Board pawh ruat fel nghalin, thuneihna pawh a hlan nghal.

2012 Olympic Games ‘The Isles of Wonder’:

Kum 2012 Olympic Games ‘The Isles of Wonder’ chu London ah tan a ni ta. Opening Ceremony hi zirtawp zan dar 1:30am khan Olympic stadium, Olympic Park, London-ah ropui taka hman a ni a, Mizo nula Vanessa Ralte pawh Australia Team Placard kengtu niin a inlan ve bawk.

‘The Mizoram Post’ Chanchinbu titawp dawn:

The Mizoram Post chu Mizo hminga hnam dangin an kalpui avangin publisher hming putu chu Central YMA chuan kâwmin, an ngenna angin Hrangkuaia Ralte chuan The Mizoram Post chu tihtawp a nih tur thu a sawi.

‘Khawnglung Run’ mipui ngaihven:

Mizo Film ‘Khawnglung Run’ chu rin phak bakin mipuiin an ngaihven hle. August thlaah release hman tum a ni a, mahse a hun erawh ruatfel a la ni lo. Film DVD chu September thlaah lei theihin market-ah zawrhchhuah a ni ang.

National Award for Teacher:

India President-in Zirtirtu tha leh tling Chawimawina ropui a pek thin ‘National Award to Meritorius and Outstanding Teacher’ chu Pu Lalhmingmawia Ralte, Lecturer Govt. Republic HSS, leh Pu C.Biaknghinglova, Headmaster, Ramhlun ‘N’ P/S te chuan Sept, 5,2012 (Teahcer’s Day) khian New Delhi ah President Pranab Mukherjee hnen atangin an dawng ang.ktpsakawrdai

Lawrkhawm

India ram President thar:

MGNREGS Sakawrdai Zone huam chhung khaw hrang hrang a Hatkora ching duh inreport te hnenah Hatkora tiak sem mek niin, Sakawrdai atangin chhungkaw 140 hnenah Hatkora tiak 30 zela sem a ni.

Rorel lai UPA Candidate Pranab Mukherjee chuan Eptu candidate Lok Sabha Speaker hlui P A Sangma-a chu hnehin, India President 13-na ni turin thlan tlin a ni ta. Nilaini khan Parliament Central Hall-ah Chief Justice of India in rinawmna thu tiam tirin a la lut a ni.

Panel of Chairman:

Speaker R Romawia chuan, Assembly Panel of Chairman atan Hmingdailova Khiangte (INC), Col. ZS Zuala (INC), PP Thawla (MDF) leh Lalthansanga (MPC) te a ruat.

Hindi exam result:

Mizoram Hindi Prachar Sabha chuan 23.7.2012 khan pawl 10, pawl 12 leh BA First Semester result a tichhuak a, a pumpui ah zirlai zaa 88.91 in an pass.

Petrol man tisang:

July 23, Thawhtanni zanlai atang khan India ram pumah petrol man tihsan a ni a, Mizoramah pawh petrol man thar hman nghal a ni a, petrol man hi pawisa 84 zelin a hma aiin a sang . Aizawlah chuan petrol litre khat Rs.67.85 niin, Extra Premium litre khat Rs.70.35 a ni.

Transformer an bun fel ta:

Luangmuala 132KV Sub-Station-a transformer July 16, 2012 atanga chhia chu transformer thar hmanga thlak hna thawkin, July 26.7.2012 atang khan kawlpetha pek chhuah theih a ni leh ta a ni.

2011-2012 V.C Account:

LAD Minister Pu PC Lalthanliana’n kum 2011-12 chhunga Village Council te hman tur Finance Commission 1st Installment sum, cheng vbc. 11.88 atangin Village Council account-ah ‘11,28,72,800/- dahluh a ni a, a bak ‘59,29, 200/- chu VC Almirah lei nan hman a ni, tiin house a hrilh.

Rawngbawlna lam

Dt. 24.7.2012 (Thawhlehni) zing dar 7:30 khan Hmarvek Biak In Lungphum chu Rev. Dr. Hmingthansanga, Bial Chairman in a phum. Thawhtanni khan Biak In sak hnatlang neih niin, a tuk thawhlehni ah Lungphum phum a ni ta a ni.

Synod Relief Fund:

Keifang quarry a Bus accident a thi leh hliamte hnenah Mizoram Synod chuan Synod Relief Fund atangin Mithhi 14 chhungte hnenah ralna R 10000/- theuh pein, Hliam 9 te hnenah R 3000/- theuh chhawmdawlna a pe bawk. Thi zinga mi 4 leh hliam thenkhatte chu state pawn lam mi leh an address hriat mai theih loh avangin ralna leh chhawmdawlna hi pek an ni lo a ni.

BD Result tichhuak:

Serampore College University hnuaia Bachelor of Divinity (BD) Results 2012 tihchhuah a ni a, Aizawl Theological College (ATC) atanga candidate-te an passed kim vek a. Lalmuanpuii Hmar chuan A(-) hmuin First Division-a tling awmchhun a ni. Tuna zirlai mek BD II yr. leh III yr. results pawh tihchhuah tawh a ni a, zirlai zawng zawngin an passed vek bawk a ni.

GospelCamping nei:

Sakawrdai ICI Kohhran chuan Dt. 24.7.2012 atang khan Speaker ah Evan John hmangin Gospel Camping an buatsaih mek a, he Camping ah hian mi 167 lai an lut a, Programme an hman zel dan tur erawh hriat theih ala ni lo.

Missionary tirhchhuah:

Dt. 22.7.2012 chawhnu khan, Mizoram Synod Mission Board chuan Tuikual Kohhran Biak Inah Missionary lak thar mi 22 te tirh chhuah inkhawm Programme a buatsaih a, Synod Moderator Rev. Thangzauva’n tirhchhuahna & fuihna thuchah a sawi bawk.

America Mizo Christian:

Dt. 22 July 2012(Pathianni) zinga Indiana Mizo Christian Fellowship (IMCF) leh Des Moines Mizo Christian Fellowship (DMCF) hruitute thukhawm chuan America a kan Mizote hmunpui Maryland lama Mizo Kohhran hrang hrang inzawmkhawm te rawtna angin America ram pum huap "Mizo Christian Fellowship" neih chu remtih tlan a ni. A hming tur erawh sawichian ala ni lo. America ram pum huap ‘Mizo Christian Fellowship’ a nih theih ngei beisei a ni.rawngbawlna lam

Biak In Lungphum:

Editorial

In tanpui tawn

He khawvel ah hian mi hausa leh mirethei, dinhmun inang lo tak tak te, kan chawrchhuahna boruak inanglo tak tak te kan chengin kan khawsa hova, Khaw te tak ah pawh a mi chengte an inlungrual chuang lova, Mihring kan hmel a danglam ang bawkin kan mizia leh kan duhzawngte a danglam vek mai. Mihausa ber leh mi chhe ber kan inantlanna kawng khat chu ‘Tanpui kan ngai vek’ hi a ni. Mi hausa, sum lama nei tak, In leh Lo leh bungrua tam tak nei pawh, a hun tawnah midang tanpui a ngai a, chutiang bawkin, mirethei tak ni thova, tanpui tih avangin kut a dawh tihna a ni chuang lova,midangtel lovin a khawsa theilo tihna a ni zawk. Mitin hian kan inchhut chian chuan midangtelova kan nun thei loh zia kan inhmu chiang zel ang. Sum hmangin thilsiam chi hrang hrang kan leiin kan nei thei a ni emaw, sum hmang nikher lo pawhin kan neih kan tipung emaw a ni thei. Midang nghen chhan veka heng thilte hi chang thei kan ni tih inhria ila, kan inmamawhtawn vek a ni tih hriain, midangte tana malsawmna kawng hawngtu nih i tum ang u. Midangte nena kan indawrna ah te, a let leh phut avanga that chhuah hi Ringtu tih dan tur a ni lo tih hria ila, kan mi mamawh leh kan dinhmun siam tha theitu tur nia kan rin chauhte chunga that kan chhuah a, kan dinhmun aia hniamte chunga hlei kan len leh si chuan Pathian ringtu kan ni tih kan nun ah a lang chhuak dawn lo a ni. Kan nun hman mek ah hian midangte tana malsawmna thlentu nih i tum leh zual ang u.

ktpsakawrdai

Sermon

‘Pathian nena lendun’

(Mika 6:8)

1. Engvangin nge he thu hi Pathian mite hnenah puan a nih? :

Pathian mi Israelte khan Pathian biaknaa an tih thin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu kan nun Pathianin a chang si lova. Pathian lak atangin kan hla si a, lendun pui turin min ko thar leh ta a nih hi!

2. Enge lendun awmzia chu? :

A chhanna chu ‘Pathian nen kal dun, engkim ti dun,’ tih a ni mai. Chu tak chu Pathian min siam chhan leh min chhandam chhan a ni. Keini hian Pathian tel lo programme kan siam fova, chu mai ni lovin kan thiltihnaah Pathian hi hnawksak kan ti leh tlat mai thin a nih hi! Ringtua inchhal Pathian bula awm peih lo, a aw ngaithla peih lo, a duh zawng tih peih lo leh tih pawh tum lo kan va tam em! Hla phuahtu chuan ‘Kan lengdun thin, kan inkawm thin, nun kawng zim takah hian,’ a lo ti a. Chu mai a ni lo Lalpa kianga awm hi a ngenin an ngen zawk a - ‘Lalpa, chak lo mah ila, nangma hnena awm zel hi, Aw Isu I phal lawm ni? Phal mai rawh,’ an ti lawm lawm zawk asin! Hawh u ‘Lalpa I tel lo chuan,’ ‘Nangmah nen zel aw,’ i ti ve ang u.

3. Kristian nun chu Pathian pawl nun a ni :

Pangpar chu leiah zung a kaih a, pawn lamah a lo par chhuak thin a, ringtu nun chu Pathian pawlin pawn lamah a nung chhuak thin. Mosia chuan Pathian a pawl a, chumi zar chu Israel mipui ten an zo. Tuihal ten in tur an hmu a, riltam ten ei tur an dawng bawk a, khang zawng zawngah khan Mosia Pathian nen an lendun zar mipuiten an zo a ni. Tunlai Kristian rawngbawltute hi Pathian nen kan len dun zar khawvelin zo ve rawh se.

Tute nge Vanah a hruai? :

Tute nge Pathianin a hman thin? :

4. Lendun puia min sawm hi khawngaihna a ni :

Mihringte chuan kan aia sual leh tawp deuhte chu an kianga awm kan peih lo fo. Khawvela mi ropui leh mi lian ten chenpui atan min sawm lo, Pathian erawh chuan keini misual leh tling lote hi a kiangah, a bula awma lendun puiah min iai ve reng reng lo. Hei tak hi ‘Pathian Khawngaihna’ chu a ni. Tin, Pathiana thiltha kan mamawh zawng zawngte hi ralkhat chan a ni lova, heng - pianthar, harhthar, ngaihdamna te hi ama hnena awm chilha chan vek a ni (Joh. 5:39, 40; Heb. 7:25). Khawngaihna dawng tura min sawmtu Pathian hnenah i awm reng ang u. Lalpan a thu malsawm rawh se. Amen

Ama kianga awm peihte a hmang thin. Elisa rawngbawlna a hrei fang tuia ti tla chhar sak leh a nih khan thingtuai a hmang a, kha thingtuai kha thing tha bik (special) a ni lo. Mahse hman theihin a lo awm hnai a, Zawlnei khan a hmang mai a nih kha! Pathian pawh hian hman theih, a bula awm peihte a hmang mai thin a ni. Zei te, thiam te leh hriat tam te pawh a tha em em a, Pathianin a duh erawh chu hman theih, awm hnai peihte an ni. Mi fing pawh, mi mawl pawh hman theiha Lalpa nena leng dun peih apiangte a hmang mai thin a ni. A hman theih turin i hnai ang u. Elija, Pathian bula awm reng kha (I Lalte 17:1) ‘A bula ka awm thinna Lalpa,’ a ti thin a ni. Enoka, kum 300 Pathian kianga awm peihte kha (Gen. 5:22-24; Heb. 11:5). Keini zawng Pathian bulah kan awm peih lo em a ni. He leiah pawh Pathian bula awm peih lote hi vanah hruai kan ni lo palh ang e, i hlau ang u. Josepha, Pathian nena lengdun reng khan tisa chakna sual a hneh. Engvangin nge hurna ah te, hleprukna sualah te leh Pathian duh loh zawnga kan inhman leh thin? Hnehtu Lalpa kianga kan awm loh vang a ni. Sual hneh kan duh chuan Pathian nen leng dun ang u. Tunge sual hneh thin? :

KTPAW

KTP Aw hi Sakawrdai Branch Published a ni a, kartin chhuak chanchinbu a ni