CHAKNA THAR
Mimal eizawnna leh hna thawhna ah hian intih chak tawn leh intihsawt tawn hi a tul hle a, hmasawnna kawng leh hlawkna pawh a ni. Infiammite chuan an mahni kawngah hlawhtlinna hmu tur chuan intih chak a, an tumpuiturte hneh ngei tumin Insawizawi leh eitur tha, insumna nen an inbuatsaih thin a,Sorkar hnathawktute pawhin an thiamna te tuaitharnan Training an nei thin a, an thiam loh leh thil tharte, tih dan phung tha zawka tihdante zirin an intuai hriam thin. Sumdawnna kawngah pawh, mihlawhtlingte chu an mahni kawngah, mi duhzawng zuar leh nei thei turin mi an rawn a, mithiamte an ruai a,Lehkhabu leh Internet hmangin an sumdawnna tihlen nan hma an la thin a ni. Hetiang hian Mihring intlansiakna kawng hrang hrang ah hian hmasawn thei tur mi dangah chakna lak a ngai a, tih dan phung hlui ring chu Mithiam tharte kaihruaina hnuaia zirte lakah chuan an hnuaihnungin an bet nge nge thin. Pathian rawngbawlna kawngah pawh hian,Pathian thu min pawlna hluite ring reng mai lovin, kan chakna lakna tur Pathian ah chakna lak reng hi a pawimawh. Tawngtai leh Bible chhiarte hi Pathian ringtu kan nih zia tarlanna leh kan chakna hnar a ni tih i hre thar leh ang u.