KRISMAS
Lal Isua, Khawvela tlawm taka a lo kalna champha, Krismas chu kan hma lawkah a lo inchhawp leh ta a, chawlhkar tamin min dang leh ta lo. Kan rilru pawhin he hunpui hi a hria a,He hun hi kumtin chhungtinin nuam thei ang ber hman kan tum thin kha a ni. Hman laite nen chuan kan ur dan leh hman kan tum dan erawh a dang lam ve ta zel a, Kum tam pawh la liam lovah khan, Buhseng lai chuan Krismas Boruaka lian hle tawh thin. He hunpui hian ngai hlut a hlawh a, Mizote hian he Krisrian-te hunpui hi ram dang aiin kan nghakhlel zual emaw tih tur a ni thin. Tunah erawh chuan, Eizawnna khawvelin kan nunphung min chiah hneh a, neih mai nilovin a khawl a khawl tumna boruakin min chenchilh ta fur a, dam chhung khawsakna hian hmun a chang lian ta. Chhungkaw tinte kan inngaihtuah harh angai, krismas kan hma a lo thleng tur hi taksa lam ai mahin rilru lam inpeih a kan lo hmuah angai. He dam chhung hian sum leh pai hi a pawimawh ngei mai. Amaherawhchu Keimahni min hruaibo thei, Pathian lam min hnaih tir lo tu a nih chuan keimahni lam in siamthat angai tihna a ni ang. He hunpui hi Pathian zarah a rawn inher chhuak leh ngei dawn a, chhinchhiah tlaka hmang turin i inbuatsaih ang u.