Lawrkhawm

Hmarphei Presbytery KTP Meet: KTP Hmarphei Presbytery  Meet Committee chu Nov. 13 khan Ratu Presbyterian Kohhran Hall-ah neih a ni a. KTP Hmarphei Presbytery Meet chu Dt. 10-12 May 2013 chhungin Zohmun Kohhran-ah nghah a ni. Thupui ah ‘Thalaite leh tunlai khawvel’ hman a ni ang, Speaker atan Upa C.Ngurthantluanga beisei a ni.

Synod Bookroom thar hawng: November 9 (Zirtawpni) khan Synod Moderator Rev. Thangzauva chuan Serchhip Branch Synod Bookroom building thar a hawng. building sakna atan hian Mizoram Synod chuan Rs. 17,20,000/- a ruahman a,. April 18, 2012 atang khan bul tan nghal a ni a, Rs. 16,28,895/- sen ral a a ni. Synod Bookroom, Serchhip Branch hi kum 1991, March ni 5-ah din tan a ni a, kum 21 chhung zet mi in luah hawhin an awm hnuah building thar an nei thei ta a ni.

Synod Hospital: Nov. 21 - 24 hian Synod Hospital-ah Urology Camp neih a ni dawn a, Super Specialist Dr. K.P. Mishra, M.S., M.Ch., (Urologist) a lo kal dawn a ni. November 21 & 22 hi inentir hun a ni ang a, November 23 & 24 ah zai ngai te a zai ang. Kala lungte awm, zai hawng lovin chhut keh/key-hole-surgery(PCNL) tih theih a ni bawk ang.


Synod Worship Seminar: November 16 (Zirtawpni) khan Kolasib Venglai Kohhran Hall-ah Synod Worship Seminar neih a ni a. Seminer ah hian ‘Presbyterian Pathian Biak Kalphung’ leh ‘Pathian Biak Inkhawm Hruaina Bu Hman Dan’ tih thupui ngaihthlak a ni.

Synod Literature & Publication Board: November 16 - 18 hian Chhiahtlang Bial huapin Chhiahtlang Kohhranah Literature Seminar neih a ni dawn a, seminar neihpui tur hian Rev. K. Lalpiangthara, SL&PB Editor; Upa H. Ronghaka, SL&PB Jt. Editor leh Nl. Lalmuanzuali, Soloist te an kal ang.