SHDC 1st Consultation:
Dt. 16th August, 2012 khan SHDC, Hqrs Office, Sakawrdai ah SHDC Member & SHDC Planning Board Members te chuan 1st Consultative Meeting an nei a, He Meeting ah hian SHDC Members te bial sem chungchang, SHDC Official Function dan tur tlangpui thlirhona te neiin, Hemi ni vek hian HPC Party Hruaitute nen thawhho dan tur chungchang thuthlung an siam bawk.
SDO(C), siksawi dan:
Sakawrdai Sub-Division a CIVIL SDO thar atan Pu R.Lalnghakliana, MCS chu ruatthar a ni a. Ani hi Darlawn BDO nilai a ni bawk a, a pahnih hian a hmui kawp dawn a ni. SDO (C) kalchhuak ta Dr. Lalngura Tlau, MCS chu DC Office, Aizawl-ah a thu ve thung ang.
MGNREGS:
Dt. 14.8.2012 khan MGNREGS Sakawrdai Zone huamchhunga khaw 14 ah, Job Card ni 14 inhlawhna pekchhuah niin, Sakawrdai bikah chuan mipuite hnenah hemi ni vek hian sem chhuah nghal a ni. Heng bakah Dt. 16.8.2012 khan Theihai tiak leh Kawlthei tiak phun duh inreport te hnen ah Theihai leh Kawlthei tiak sem a ni bawk.
Sorkar hnathawk nuarte:
Home Minister Pu R.Lalzirliana chuan sorkar hnathawk ten hlawh sang zawk nawr a, sorkar an nawr reng mai chu sorkar hian a ngai thiam lo a. Thalai hna hmu lo tam tak Employment a in registered an tam a, heng ho hman tangkai dan hi ngaihtuah mai pawh a ngai mai thei a ni a ti a. Sorkar tihmualpho hrim hrim an duh a nih loh chuan, hetiang nawrna hi an sim tur a ni a ti.