Dt. 16th August, 2012 khan SHDC, Hqrs Office, Sakawrdai ah SHDC Member & SHDC Planning Board Members te chuan 1st Consultative Meeting an nei a, He Meeting ah hian SHDC Members te bial sem chungchang, SHDC Official Function dan tur tlangpui thlirhona te neiin, Hemi ni vek hian HPC Party Hruaitute nen thawhho dan tur chungchang thuthlung an siam bawk.
hetiangin:-
...............................................................................................................................................
Sinlung Hills Development Council
First Consultative Meeting of SHDC Members and
SHDC Planning Board Members
A hmun : SHDC Hqrs. Office, Sakawrdai
A hun : Dt. 16th Aug. 2012 at 12:00 noon
Pu Hmingchunghnung, Chairman, SHDC in Meeting keithuoiin thuhma hrilin, ‘Mizoram Sawrkar-in hi SHDC suk puitling dingin ka chunga beiseina a nei ang takin theitawp suo-a bei dingin kan buotsai mek a. Ei Party HPC le khawm lungruol taka thawk tlang dingin ei inbuotsai mek a nih’ tiin a hril a. Politics ah ruoltha siem pei a, a tul angin hma la pei dinga inbuotsai dingin Member hai a fiel hnungin hunser hmangtu dinga ruot Pastor E.Vanlalpeka Zote fiel zui a nih. Hunser hmangtu in Bible chang, II Sam 23:3-4, Amos. 4:25 tiema a hrilfie hnungin tawngtaina in a hun a hmang zo a nih.
Thurel hai:
No 1: SHDC Members Biel chungchang:
SHDC Member hai biel ding hriltlang a ni a, hieng ang hin rem kan ruot a nih:-
Member hai biel siem ngei tha kan ti a, Chairman in tul le tha a ti angin hung siem el dingin mawphurna kan pek a nih.
No 2: SHDC Official Function dan tlangpui ding thlirna:
Chairman in Agenda hrilfiena le hriet ding tul chi hrang hrang a hril a, Council Session nei huna Member hai hriet ding chi hrang hrang le Biel nei ding haiin an biel sunga an hmalak dan ding le mipui hai le indawrna ah fimkhur a tul zie le Budget Head hrang hrang hrilfie in, Minor Work kalphung le a thaw dan ding hai Member hai kuomah hrilfiena a nei a. ‘Ei Minor Work hi Departmental Work-a fepui a, sum intuokna a hmang lovin Public rotling siem nan ei hmang tum a ni a, chuleiin thaw dan hlui thanaw hai bansanin sawrkar le mipui mit tlunga sin thaw a, Reguler Council function thei dinga inbuotsai dingin theitawp insuo ei tiu’ tiin Member hai an fui a. Rules & Regulation Act le Act naw chungchanga indawnna dawnin, ‘Tuta ri a ding chun ei Rules & Regulation sawrkarin hmang thei dinga a mi Lay pek hi ala hun ri ah ka ngai a, ei hmabakah thaw ding tam tak ei la nei a nih ti sukchiengtu-ah, tuta ei ngirhmun hi ngai ei tiu’ a ti a nih.
SHDC Official Function dan ding chungchanga Chairman in briefing, Member laia a pek chu zawm tlang le pawm tlang ngei nisien tha kan tih.
No. 3: SHDC le HPC thawktlang dan ding chungchang:
SHDC le HPC thawktlang dan ding chungchang hril tlangna kan neia, ei Council suk puitlingna dinga hma ei lakna a le Party sukhratna dingin SHDC Thuoitu hai le HPC Thuoitu hai lungruol taka fe tlang ngei nisien tha kan tih.
Sd/-
(HMINGCHUNGHNUNG)
Chairman
Sinlung Hills Development Council
Govt. of Mizoram