Dt. 16th August, 2012 khan SHDC, Hqrs Office, Sakawrdai ah SHDC Member, HPC Party CEC Members & SHDC Planning Board Members te chuan Meeting neiin, thawhhona thuthlung an siam:-
........................................................................................................................................
First Joint Meeting of SHDC Members, HPC Party CEC Members & SHDC Planning Board Members Meeting Record
A hmun : SHDC Hqrs. Office, Sakawrdai
A hun : Dt. 16th Aug. 2012 at 4:20 pm
Pu Hmingchunghnung, Chairman, SHDC in Meeting a keithuoi a, Rev. Kokung in Bible chang tiem langna le Pathien kuoma tawngtaina hun a nei hnungin Chairman, SHDC in Council Introduction pe in, tuta SHDC ngirhmun le hmabak le hmasawp mek hai hril langna a nei a. Hmabaka thawding tam tak hrat lema ei thaw theina dingin Term nuhnung liem ta anga Party le Council inkar nei lova thaw tlang dingin Member tin hai ngenna a siem hnungin Pu Thangliensung, President, HPC Hqrs. thuhrilna hun hmang dingin a fiel a. ‘SHDC le HPC fe tlangna dingah ngaidan chi hrang hrang tam tak HPC CEC in hun sawt tak kan hriltlang hnungin SHDC le HPC Thuoitu hai chu lungruol taka fe tlang nisien tha kan ti a nih,’ ti thu hrilin, ‘ei fe pei dan ding ruok chu ei la hril tlang pei dingah kan ngai,’ ti thu a hril chu Member haiin lawm takin kut benin kan lawm a nih.
Hieng zova hin lungruol takin Joint Resolution hieng ang hin kan lak:-
Joint Resolution:
1. SHDC suk puitlingna ding kawng le HPC Party sukhrat lemna dingin SHDC Thuoitu hai le HPC Party Thuoitu hai chu lunginruol taka fe tlang nisien tha kan tih.
2. Lunginruolna tha a um pei theina dingin Party President le Council Chairman hi a tam thei ang tak inhmu in, in bepaw zing hai sien kan tih.
Hi Resolution hi lungruol taka ban phara lak a ni zovin, Rawtna le nuom zawng hrilna hun hawng a ni a, Member iemani zat in Rawtna le tha ti zawng an hril hnungin Rawtna chi hrang hrang hai dawnna le hrilfiena hai nei a ni hnungin kan Meeting chu Upa Sangthankhum in tawngtaina hmangin a mi suk tawp pek a nih.
Sd/-
(HMINGCHUNGHNUNG)
Chairman
Sinlung Hills Development Council
Sd/-
(THANGLIENSUNG)
President
HPC, Gen. Headquarters
Sakawrdai, Mizoram Govt. of Mizoram