Sakawrdai Pastor Bial Chanchin
by: Upa C.Liankiamlova, Bial Secy. (Sr)
Pathian khawngaihna leh kaihhruaina avangin Sakawrdai Pastor Bial chuan kum 25 Silver Jubilee kan lo thleng ve ta! Min kaihruaitu Pathian chawimawiin awm sela, a hnenah lawmthu i sawi ang u.
Tunhma chuan Pastor Bial hi a zau thei hle a. Bial fan pawhin zan tam riaka kal te a ni thin. Sakawrdai Pastor Bial Bial chhunga Kohhrante hi kum 1915 atang khan, Hrangkhuma khua Hmuizawl Bial, Saitual Bial, Khawruhlian Bial, Vaitin Bial, Vervek Bial, Sawleng Bial, Ratu Bial, Zohmun Bial te an lo awm tawh thin. Bial a zauh avang hian Bialtu Pastor te an thawkrim hle. Pastor Chhawna, Pu Chinhanga’n a phuah elhna hla - ‘Pastor Chhawn, i bial fang rawh, i beramte an kim tawh hlei lawng e, an Te rawlri kan hria e Tlangnuamah’ tih hla hi Pastor te an sak elh khum thin, Pastor Khuanga pawh - ‘Pastor Khuang, i Bial fang rawh, i beram note an kim tawh hlei lawng e, hmanni khan i beram note Tuaisiali Thlanmualah Chinghnia in a seh an ti’ tiin an phuah belh sak a ni awm e. Heng Indeuna leh inhmuhsitna te hian Rawngbawltute min cho hle.
Vaitin Bial kan nih lai kum 1966 ah Mizoram buai avangin India Sorkar chuan Khawkhawm (Grouping) in Vervek leh Zohmun khuaah min khawm a, Bialtu Pastor Lalthangliana chu Vervek lamah a kal a, kum 1969 ah Vervek Bial tih a ni a, kum 1977 ah Vervek Bial chu Bial hnih a siamin Synod in Zohmun Bial a din a, Sakawrdai, N.Khawdungsei te Zohmun Bialah betin, Khawpuar, Vaitin, Thingsat te Vervek Bialah a awm zui zela.
Bial thuthmun Sakawrdai khua chanchin tawite han zep lawk ila. Sakawrdai khua tuna a awmna hi Chengkawlawn tih a ni thin a, helai hmunah hian Sailo Lal Lalhleia pawh kum 2-3 vel a awm tawh a ni awm e. Awm hmasa te an awm lai hian Sa a la tama, Sapui nge engeni tih hriat lovin a tihthaih thin ani awm e, Upa te chuan hetia khua engin emaw a tihthaih thin hian khua alianin ala pung dawn an ti thin a, heihi a dik a ni maithei, tuna Sakawrdai khua hi khua liantak niin, Kohhran Pawl hrang hrang pawhin Pastor thuthmunah hmangin khua a thang zel a ni. A hming hmasa Chengkawlawn tih hi Hrangkhawl tawng a ni a, ‘Zawlzau’ tihna a ni. Tunhmain Hrangkhawl hovin an luah tawh pawh a ni mai thei.
Sakawrdai Pastor Bial Lo Din Dan:
Sakawrdai Pastor Bial lo din dan hi Bial dang anglo takin danglamna riau a nei, Tunlaiah Synod in Bial thar a hawnin, Pastor awm turte pawh a rel nghal vek a, Synod zawh kum thar hun remchang hmasa berah Bial thar hawngin Pastor pawh a dah nghal mai thin. Sakawrdai Pastor Bial erawh chu chutiang a nilo deuh. Kum 1985 Synod chuan Pastor Bial thar 15 hawn a rawta chung zingah chuan Sakawrdai Bial pawh a tel a. Bial khua tur pawh hetiangin - ‘Ratu Bial atangin Thingsat, Vaitin, Khawpuar. Zohmun Bial atangin Sakawrdai, N.Khawdungsei’ tih a ni. Synod chuan Bial thar 8 ah chauh Pastor dah tur a nei a. Pastor indaihlohna avangte pawh a ni mahna, kum 1986 a Bial hawn tur chu hawng lovin, 1987 May 2 ah Sakawrdai Pastor Bial chu a hawng ta a ni.
Sakawrdai Pastor Bial hi hawn nimailo mah se Bial thar tura Buatsaih zelin Probatenary Pastor R.Lalengzauva chu Zohmun Pastor enkawlna hnuaiah Sakawrdai a awm turin Ni 12 Jan 1986 ah Ratu Bialtu Pastor H.Lalhmangaiha’n Sakawrdai Kohhran Biakin ah Induction a neihpui a, Pastor Quarters hmun tur te pawh zawna ruahman niin, kum 1987 Bial thar hawn a nih hnu ah pawh R.Lalengzauva chu Pro Pastor a ni zui nghal a, Bial KTP Leader hmasa ber niin, kum 1987 may atanga 1988 thleng Leader hna hi a chelh a ni. Bial thar hawnna Programme hi 1987 ah neih a ni a, Bial thar hawnna ah hian Bial vawngtu tur Pastor K.Lalhmuchhuaka Induction nei nghalin, Bial thar dinhmun siam Rorel Inkhawm Rev. C.Biakmawia, Synod Moderator kaihhruaina hnuaiah hmanzui nghal a ni bawk. Bial thar hawnna ah hian Rev. C.Biakmawia, Synod Moderator leh Pastor Vanlalhruaia Chanmari Bialtu te, Ratu leh Zohmun Bial Puipa te an lo kal bawk.
BIAL THAR HAWN LEH PASTOR INDUCTION SERVICE PROGRAMME:
A hmun : Sakawrdai Kohhran Biak in
A hun : May 1-3, 1987
Ni 1.5.’87 (Zirtawp)
Dar 6:30 pm: Pathian Biak Inkhawm:
Chairman : Pastor Vanlalchhunga, Zohmun Bial
Thusawitu : Pastor H.Lalhmangaiha, Ratu Bial.
Ni 2.5.’87 (Inrinnni)
Dar 6:30 am : Nomination Committee:
A hmun : Sunday School Hall
Chairman : Rev.C.Biakmawia, Synod Moderator
Secretary : Upa Vanlalvuana, Zohmun Bial.
Dar 10:00am Bial thar hawn
Hawngtu : Rev.C.Biakmawia, Synod Moderator.
Dar 6:30pm Pathian Biak Inkhawm:
Hruaitu : Rev.C.Biakmawia, Synod Moderator
Thusawitu : Pastor C.Vanlalhruaia,Secretary Sr. (Chanmari Bialtu)
Ni 3.5.1987 (Pathianni)
Dar 10:0 am Pastor Induction Service
Hruaitu : Rev.C.Biakmawia, Synod Moderator
Dar 1:00 pm Pathian Biak Inkhawm: Lalpa Zanriah Sakramen
Buatsaihtu : Pastor C.Vanlalhruaia, Secretary Sr. (Chanmari Bialtu)
Dar 6:30 pm Pathian Biak Inkhawm
Hruaitu : Pastor K.Lalhmuchhuaka
Thusawitu : Rev.C.Biakmawia, Synod Moderator.
SAKAWRDAI BIAL THAR HAWNNA , INKHAWMPUI ROREL:
A hmun : Sakawrdai Kohhran Biak in
A hun : Dt. 2.5.1987 (Inrinni) Dar 10:00 am
Chairman : Rev.C.Biakmawia, Synod Moderator
Recording Secretary : Upa Vanlalvuana, Zohmun Bial.
Chairman-in Pathian thu Mat.16:18-20; 28:18-20 chhiarin a tawngtai turin Upa Sailuta, Palsang a sawm a, tawngtaina a hman zawhin palai kal zat inchhiarna kan nei. Palai kal dan hetiang a ni.
Bial hming Palai ni sa Palai thlan Total
Ratu Bial 5 - 5
Sakawrdai Bial 26 1 27
Zohmun Bial 10 - 10
Synod Hruaitu 2 - 2
Total 43 1 44
Nomination Committee-in Sakawrdai bial thar hruaitu tur a lo ruahman chu kan ngaithla a, tihdanglam ngai thenkhat tidanglamin kan pawm.
1) BIAL PUIPATE:
Chairman : Pastor K.Lalhmuchhuaka
Secretary (Sr.) : Upa Muka, Khawpuar
Secretary (Jr.) : Upa Lalsanglura, Thingsat
Treasurer : Upa Lalngurliana, Sakawrdai
Treasurer (Bial) : Upa H.Thantluanga, Vaitin
2) STANDING COMMITTEE:
Upa R.Darthuama, T.Upa Thanngila, Sakawrdai
Upa Lianchhunga, T.Upa Hrangchhuana, N.Khawdungsei
Upa Biaksanga, T.Upa Vanlalringa, Thingsat
Upa Lalmalsawma, T.Upa Vawmaithanga, Vaitin
Upa Englaia, Pu Ramzawmliana, Khawpuar
3) NOMINATION COMMITTEE: Ballot paper-a thlangin heng mite hi thlan an ni.
1) Upa Englaia, Khawpuar
2) Upa Lalringliana, Sakawrdai
3) Upa Lianchhunga, N.Khawdungsei
4) SUNDAY SCHOOL COMMITTEE: Secretary term 1987-1990 Bial Inkhawmpui thleng:-
T.Upa Hrangkhupa, Sakawrdai T.Upa Lalsangzuala, Sakawrdai
Pu Thansanga, Thingsat T.Upa Lalhluna, N.Khawdungsei
T.Upa Rohmingliana, Vaitin, Pu Lalbiakliana, Khawpuar
5) BIAL K.T.P. HRUAITU:
Pro.Pastor R.Lalengzauva : Leader
Upa H.Thantluanga, Vaitin : Asst.Leader
Tv.Lalrinchhunga, Sakawrdai : Secretary
Pu Ramzawmliana : Asst. Secretary
Pu Lalsangzuala : Treasurer
Pu Rotluanga, Vaitin : Financial Secretary
6) BIAL KOHHRAN HMEICHHE COMMITTEE:
Pi Hrangkapzawni, Khawpuar : Chairman
Pi Lalmawii, N.Khawdungsei : Vice Chairman
Nl.Lalhlimpuii, Sakawrdai : Secretary
Pi Lalnghinglovi, Vaitin : Asst.Secretary
Pi Laltanpuii, Sakawrdai : Treasurer
Pi Lalchhungi, Thingsat : Financial Secretary
Bial KTP leh Bial Hmeichhe Committee member tur chu anmahniin ruat se kan ti.
7) BIAL BUHTHAM ZIAKTU:
Pi Sumneihzovi, Sakawrdai
Pi Mangthanchhingi, Khawpuar.
8) KUM 1988 BIAL INKHAWMPUI PROGRAMME:
A hmun : Sakawrdai Kohhran Biak in
A hun : Ni 10-13, March,1988
Programme:
Ni 10.3.’88 (Ningani)
Dar 6:30 pm : Pathian Biak Inkhawm:
Thusawitu : Upa Zakamlova, Thingsat.
Ni 11.3.’88 (Zirtawpni)
Dar 9-12 am : Standing Committee
Dar 1-3 pm : Sunday School Committee
Dar 3-5 pm : Nomination Committee
Dar 6:30 pm Pathian Biak Inkhawm
Tantu : Upa Tailuaia, Khawpuar
Inlawmna leh Kohhran chanchin report
Ni 12.3.’88 (Inrinnni) Dar 9:30am – 4:00pm –PALAI ROREL
6:30 pm Pathian Biak Inkhawm
Thlarau lam thupui : ‘I puan in zauh rawh’ (Isaia 54:2)
Sawitu : Upa Englaia, Khawpuar
Ni 3.5.1987 (Pathianni)
Dar 9:30 am Pathian Biak Inkhawm
Thusawitu : Pro.Pastor Lalengzauva
Dar 1:00 pm Pathian Biak Inkhawm: Lalpa Zanriah Sakramen
Buatsaihtu : Pastor K.Lalhmuchhuaka
Dar 6:30 pm Pathian Biak Inkhawm
Thusawitu : Upa Lalsanglura, Thingsat.
9) BIAL INKHAWMPUI SUM AUDITOR TURTE:
Upa Darthuama, Sakawrdai,
Upa Lalmalsawma, Vaitin.
10) PRESBYTERY PALAI TURTE:
T.Upa Lalbuanga, Pu Ramzawmlian, Khawpuar
T.Upa Lalhluna, Khawdungsei
T.Upa Rohmingliana, Vaitin
Inrinni zan atanga pathianni zan thleng thawhlawm a awm ang a, Sakramen tih loh chu dawngtu Kohhran tanpuina a ni ang.
Sakawrdai Bial thar tul leh mamawha hman tur Zohmun Pastor Bial in Rs 200/- an hlan
Chairman-in Bible chhiarin thu tlem a sawi a, KHB No.309-na ‘Ka thla fimkhur ang che’ tih thlangin kan sa a, Pastor K.Lalhmuchhuaka’n malsawmna sawiin rorel a khar.
(Note: Kum 1988 Bial Inkhawmpui nghahna Sakawrdai Kohhran Biak in chu thli-in a tihchhiat avangin Khawpuar Kohhranah nghah a ni a. Ninga zan thusawitu Upa Zakamlova a theih loh avangin Upa Biaksanga, Thingsat-in thu a sawi a, Pro.Pastor Lalengzauva, Zohmun lamah Synod-in a sawn avangin a aiah Pastoor K.Lalhmuchhuaka ruat a ni.)
He Inkhawmpui hi Bialin Inkhawmpui hmasa berah a pawm avangin Silver Jubilee pawh 2011-ah hman a ni ta a ni.
Bialin Harsatna a Tawk:
Pathian hruaina leh enkawlna avanga Bialin hmasawnna kawng a zawh mek laiin, Political Party pakhat Hmar People Convention (H.P.C) chuan ni 29.April 1998 khan Sailutar khaw bulah Autonomous District nawrna chikhat atan Road Block a huaihawt a. Mizoram Sorkar atanga Police te lo kal chuan Road Block huaihawttute chungah Vuakfung an rawn lek tak mai avangin H.P.C te chu Ramhnuaia chhuakin ‘Underground Movement’ alo piang ta a ni. Hei hian Demand Area chhungah harsatna namen lo a thlen a, kan Sorkar lamin Rambuai (Disturb Area) a puang dawt si lovin, Demand Area chhung khua engemaw zat chu ‘Voluntary Resettlement’ tiin Rangva 4 Bandle leh Rs. 8000/- (Sangriat) tawktarin a duh apiang kal tura ti siin, a kal ve lote chu development a pe lo a, chu mai duh tawk lovin a awm tawh sa pawh laletin Zirna Sikul nen lam a hlihsak ta vek mai a. Hun rei tak chhung zan Curfew puangin zan lamah Pathian Biak inkhawm neih theih a ni lova. Synod Moderator Rev. K.Lalzuala’n Bial a rawn tlawh tum pawhin zan lam inkhawm hi kan nei theilo a ni. Curfew chhung hi a rei khawp mai - Kum 3 (thum) chhung lai zan Curfew chhunzawm a ni. Hetianga rei Curfew hi khawvel hmun dangah pawh a tam a rinawm loh.
Heng thil avang hian Pastor Bial in kan tuar nasa hle mai, a bik takin kan Bial khua - Khawpuar, Thingsat, leh N.Khawdungsei ten kan tuar nasa zual a, Kohhran pawhin a hniam phah hle. Upa leh Rawngbawltu tam takin mahni sahimna chuhin min pemsan a, Kohhran pawh mumal takin a kal meuh lova, Thlarau lam nun pawhin a hniam phah hle a ni.
Hetiang dinhmuna din reng chu thil nithei a nih loh avangin Dt. 17.6.1992 ah Sakawrdai ah Political Party hrang hrang leh NGO hrang hrang te inhmukhawmin Mizoram Sorkar leh HPC (Underground) te inbiakremtir dan kawng dap turin Peace Committee an din ta a. He Peace Committe ah hian Political Party a inhnamhnawih lo, Kohhran hrang hrang Pastor te ruatin Pu Khawlremthanga Zohmun kaihhruaina hnuaiah hmalak tan a ni ta. Kan Pastor K.Lalhmuchhuaka pawh a tul ber pawla tangin thahnem an ngai hle, He Committee hmalakna hi Pathianin malsawmin, Mipui ten kan lo nghahhlelh Mizoram Sorkar leh HPC te inremna Thuthlung chu Ni. 27.7.1994 khan Sinlung Hills Development Council tia inremin, Inremna ziah (Sign) a lo ni ta a. Bial chhung harsatna pawhin ziaawm lam alo pan chho ta zel a ni.
Ramthar Rawngbawlna:
Ni 3.5.1987 Bial Standing Committee vawi 1-na chuan Bial Ramthar Committee dinin hmalak nghal a ni a, kum 1988 Bial Inkhawmpui, Khawpuar-a neih ah Bial Hmeichhia in tirhkoh chawm an rawtna chu Khawmpuiin tha a ti a, Ramthar Committee bawhzui tura dahin, Budget Kohhran tinah siam nghal a ni a. April 1990 atangin Tirhkoh 1 chawm tan a ni.
Ni. 27.8.1990 Bial Standing Committee vawi 15-na chuan Ramthar Field tlawh nise tia a rel angin. Ni 26-1. 4. 1991 ah Tripura Ramthar Field, Sirduk khuaah Biakin hmun tur lai a Work Camp neiin mi 14 (sawmpali) kal a ni a, Good Friday leh Easter Sunday hman nghal a ni. Easter Sunday zing inkhawm chu Kelreng Kohhran ah hman a ni a. Maicham Pu Chawngchhunga, Vaitin khua siam chu hlan nghal a ni a. Serduk Kohhran hi Petromax 1 pek a ni bawk. Biakin hmun tur hi lawih theih chin zawng laih zawh a ni bawk. Hetih hun lai hian Sirduk ah Tirhkoh Nl. Lalhlupuii leh Kelreng ah Tirhkoh Nl. Lalruatdiki te an awm a ni.
Kum 1987 - 1999 & 2003, kum 13 chhung Bial Ramthar Committee din a ni a, kum 8 (1990 - 1997) chhung Bial Ramthar Inkhawmpui Bial khua Kohhran hrang hrang ah August thla apiangin hman thin a ni. Kum 1995 ah Synod Ramthar Board sawmin Rev. Lalengkima leh midangte lo kalin Kristian Chhungkaw lam Sermon ngaithlain Sakawrdai Chhimveng Kohhranah Ramthar Khawmpui hlim taka hman a ni. Ramthar rawngbawlna hi tlak hniam laite neiin, Tirhkoh chawm te pawh ban then changte awm thin mah sela, Pathian kaihhruaina leh awmpuina Bialin kan dawng zela. Kum 2010 Bial Inkhawmpuiin Bialin thawhkhawma Tirhkoh kan chawm titawpin Kohhran leh mimal a thei theiin chawm nise tia a rel angin, Bial Hmeichhia, Bial KTP te chawm nen Tirhkoh 11 (sawmpakhat) lai kan chawm thei ta a ni.
Missionary a kal te:
Bialin harsatna hrang hrang tawk thin mah sela, Pathian kaihhruaina avangin hma a sawn zela. Chanchintha puandarhna lamah pawh Missionary 5 (panga) leh Pro Pastor 1 (pakhat) kan lo awm ve ta hi a lawmawmin Pathian malsawmna kan dawng hle.
1. Angela Lalzarmawii D/o Upa Lalramhluna, Sakawrdai
2. Kristina Lalthachhungi D/o Upa Lalramhluna, Sakawrdai
3. Vanlalzauvi D/o Upa Lalramhluna, Sakawrdai
4. Baby Zairemmawii D/o Upa R. Darthuama, Sakawrdai Chhimveng
5. Lalhmangaihzuali D/o T.Upa Lalthianghlima, Sakawrdai Chhimveng.
6. Pro Pastor Lalbiakhlira S/o Zoramthanga, Sakawrdai Chhimveng
Kristian Chhungkaw lam Rawngbawlna:
Ni 25.4.2004 Pathianni zanah Chhungkaw pual tawngtaina neiin, chhungtin hnenah ngenna thuchah sem a ni a, Ni 12.6.2005 Pathianni hmangin Bial chhung Kohhrantinte tlawhchhuaka Bial fan a ni bawk. Kum 2004 kuma paper kan sem kha zawhna te siamin sem nawn leh a ni a, chung zawhnate chu Agust 2005 a lakhawmin Standing Committee ah report a ni a. Ni 25.9.2005 Kristian Chhungkaw Ni zan inkhawm hi chhungkua zela thuin thupui ngaihthlak a ni. Inrinni zan leh zing tawngtai thupuiah Kristian Chhungkua telh thin a ni bawk. Birth Control that loh zia inzirtirna neiin, Ni 7.6.2009 leh Ni 5.7.2009 Pathianni hmangin Bial chhung Kohhran tinah Campaign neih a ni. Bial chhung Kohhran hrang hrangah Chhungkaw Committee dina hmalak chhunzawm zel a ni.
Presbyterian English Medium School:
Kum 1992 ah Synod atanga Grant Rs. 400000/- (nuaili) hmuin Nursery atanga Class VII thleng hawnga din a ni. Tunah School Building 60x20 (a dung 60ft, a vang 20ft), RCC a sak mek niin, hmalak chhoh zel a ni.
Bialin Type Writer a lei:
Kum 1988 ah Type Writer, Remington Rs. 2800/- in lei a ni a. Hetiang hian a hman dan tur rel a ni :-
1. Politic thilah chuan hman phal a ni lo.
2. Mimal chhiatni thatni leh tul dangah chuan paper Fullscape 1 chhutna ah pawisa 25 (Seki) a ni anga, paper leh carbon an intum ang.
3. Secretary ten an kawl anga, pawn lamah lakchhuah phal a nilo.
Kum 1993 ah Type Writer thar Godrej lei leh a ni a, tun thlenga la hman zel a ni.
Music lam rawngbawlna:
Kum 1989 ah Music Committee leh Bial zaipawl din a ni a. Ni. 19.6.1989 ah Pastor Quarters Sakawrdai ah Upa Muka Instructor a hmangin Music Conductor Training neih a ni. Kum 1989 - 1995 thleng Music Committee neiin, 1988 - 1993 thleng Hla Kutpui (Music Festival) Bial chhung Kohhran hrang hrangah, Thupui hrang hrang neiin lawmman 1 - 3 na thleng siamin hun hman thin a ni. Kum 1994 ah Synod Music Committee in Hla Kutpui (Music Festival)a titawp a, kan hmangzui ta lo a ni. Kum 1989-a Bial Zaipawl din a nih hnuah khaihlak awm zeuh tih mai loh chu tluang takin rawng an bawl a. Bial min tipumkhattu leh min tiharhtu tangkai tak a ni. Bial Zaipawlte hian KTP General Conference 2010, Mamit-ah te, Kum 2010 Synod Inkhawmpui,Zarkawt-ah te, Doordarshan Kendra, Aizawl-ah (kum 2010-ah) te rawngbawlna an nei tawh bawk a ni.
Bial chhungah Kohhran a pung:
Sakawrdai Kohhran atanga Sakawrdai Chhimveng Preaching Station din rawtna chu Dt. 5. 6. 1989 Standing Committee chuan remtih a nih angin din a ni a. Dt. 2. 2. 1992 ah Kohhran puitlingah hlankai a ni.
Dt. 29. 12. 2004 (Nilaini) 10:00 am ah Vaitin Kohhran atangin, Vaitin Vengthar Preaching Station hawn a ni a. Dt. 30. 10. 2005 ah Kohhran puitlingah hlankai a ni.
Bial din tirh in Bial chhung Kohhran 5 kan ni a, Kum 25 (Silver Jubilee) alo thlen meuh chuan Kohhran 7 lai kan lo ni ve ta. Kan Bial hian Kohhran neitu kan Lalpa Isua Krista khawngaihna kan dawng nasa hle a, A hnenah lawmthu i sawi ang u.
Thilpek lam Rawngbawlna:
Hmarphei Presbytery rorel angin Ni. 24.1.99 Pathianni hmangin Khawruhlian Pastor Bial tlawhin Kohhran hrang hrang ah Finance Campaign neih a ni. Ni 16.2.2003 Pathianni hmangin Zohmun Pastor Bial Kohhran hrang hrang ah Finance Campaign neih a ni bawk. Heng bakah hian Bial Upa ten Bial chhung Kohhran te tlawh chhuakin, Bial Kohhran leh Kohhran te intlawh a Campaign neih a ni bawk.
Bial din tirh 1987 ah Synod sum Rs. 39115.82 a ni a, 2010 ah chuan Rs. 926017.00 a lo tling ve ta, Thilpek lamah pawh Pathian khawngaihna avangin hma kan sawn ve zela a lawmawm hle.
Thlarau lam Nun:
Sakawrdai Pastor Bial hi a dintirh atangin Bial Rorelna ziktluak taka din chhoh a ni a, inlungrualna lam thu-ah pawh ka inlungrualin thawhhona a tha hle a. Tunhma a Bial khata lo awmho thin te ni bawkin Bialtu Pastor hmasaber Pastor K.Lalhmuchhuaka’n inpawhna leh inlungrualna lamah hma hruaiin, a hnu a Bialtu Pastor dangte pawhin mi an kilkawi thiamin thutak chawmna lamah pawh mi an kaihruai tha hle a. Bial chhung Kohhran pawh lian bik lutuk awm lovin khawsakna lam thu ah pawh sang fal bik lutuk kan awm lova, rawngbawlna lam thilah pawh milian leh mite te intluktlanna Bial a ni.
Hlimna lam pawhin hmun a chang zau hle, Number awmlo thlenga leng vek a rem thin Bial kan ni. Chauh chang te awm thin mahse Thlarau Thianghlim chuan mi a kaiharh leh mai thin. Thlarau lam nun pawhin hma a sawn zel a, Hlimna mai bakah Thilpek lamah te, Chanchintha puandarh lam leh Kohhran leh chhungkua a ringtu mimal nunnghehna lamah te hma kan sawn zel a ni. Bial dintirh atangin Thlarau lam nunah hma kan sawn theih nana Bial hmalak dan tlangpui tarlang ila.
Kum 1991 ah Sakawrdai in El-Bethel Camping a buatsaiha Bial khua atang pawhin a thei thei lutin, Bial chhung Kohhran hrang hrangah El-Bethel Camping hi buatsaih zel a ni a, Thlarau lam harhtharna leh hmasawnna kan dawng hle.
Bial sawmna angin Synod Revival Upa Hrangluaia Team te Ni. 20. Oct. - 1 Nov. 1992 ah Bial Kohhran hrang hrang tlawhchhuakin Crusade neih a ni a, kan hlimpui hle.
1993 - 1994 March chhung Revival Team din a ni a, member 25 bakah Bial Puipa leh Pastor te an ni.
Ni. 27-29. 10. 2006 ah Rev Lalthankhuma Speaker a hmangin harhna Inkhawmpui neih a ni.
September 2008 thla chhung Pu Dohleia leh a Team ten Bial chhung Kohhran tinah Crusade an nei.
Heng bakah hian Bial chhung Kohhran hrang hrangin Revival Team hrang hrang ruaiin Camping/ Crusade neih thin a ni a, Thlarau lam nun hmasawnna ah min kaihruai tha hle. Bial chhung Kohhran hrang hrang ah a hun leh hmun a zira pharchhuak mai thei engemaw zat kan awm renga , Kohhran a ti nung hle. Tun dinhmunah hian hlim lam mup mup na awm rihlo mahse rawngbawlna a minghet Kohhran ta neih tlat mai KTP, Hmeichhia leh Kohhran hovah kan awm hi a thlamuan thlak hle. Bial hian rawngbawlna kawng hrang hrangah hmasawnna kawng a zawh mek a, Kohhranho pawh punlam kan pan zel, Pathian Thlarau Thianghlim awmpuina leh kaihhruaina in hma kan sawn zel ang.
Pastor Quarters:
Pastor Quarters hi Biakin bulah hmun remchang a awm mai loh avangin Sakawrdai khua chhimlam PWD tlang piah hmun ualau lai, Tlang thawveng nuam tak mai 5089.59 Sq.m, 54763.77 Sq.ft, 3.8 Bigha a zau VC te atangin hmuh a ni a. Quarters sakna tura buatsaih nghalin, Bial Kohhran leh KTP-in a hmun laih hnatlang neih thin a ni a. Ni 2.6.1987 ah Synod atangin Rs. 10000/- hmuh niin a hmanrua turte ngaihtuah a lakkhawm nghal a ni. Ni 11.7.1988 ah lungphum Pastor K.Lalhmuchhuaka’n a phum a sak tan nghal a ni. Ni 24.9.1988 ah sak zawh a ni a, Ni 26.11.1988 ah luah tan a ni. Tuizem siam nghalin Ni 24.9.1989 ah Electrict Connection tih a ni a, Quarters ah hian Bial Hmeichhia ten Lukham 2, Rizai 4, Thutthleng Cushion 8 an dah nghal a, Bial Hmeichhia te Nu nih an tling hle.
Quarters hmun hi Biakin nen a inhlat avangin a hmun tur hi zawn a, ngaihven reng a ni a. Ni 3.2.2001 Standing Committee chuan a hmun sawn a rel a, Synod lamah hriattir a ni a, Ni 12.5.2001 ah Rev. Lalfaka Senior Executive Secretary in a rawn en a. Ni 24.8.2001 ah Rev. S.Lalkhuma Synod Moderator in rawn en leh in hmun sawn min remtihpui a, Ni 6.10.2001 ah hmun leina tur Rs. 200000/- (Nuaihnih) min pe in, Pu Uaia In leh a hmun Biak In sir chhaklam lei a ni.
Quarters Grant Rs. 400000/- (Nuaili) Synod atanga hmuin Ni 8.3.2002 ah 50x27 ft, a zau lai ber 30ft a sak tan a ni a. Ni 21.6.2002 ah luah lutin Tuizem leh Furniture Grant Rs. 15000/- (Singkhat sangnga) ve ve hmuin siam nghal a ni. Repair na leh Furniture Grant te hmuh belh zelin, Steel Almaira leh bungrua dang dang te leh Mobile Phone te dah a ni ve ta, Synod leh Bial hmalakna zarin a changtlung ve zel a ni.
Kum 25 chhunga Bial Upa thi te:
Sakawrdai -
1. Upa Thantluanga
2. Upa Ruata (2003)
3. Upa Hrangthuama (2001)
4. Upa Lalngurliana (2008)
Thingsat -
1. Upa Vanlalkunga
2. Upa Zakamlova
Vaitin -
1. Upa Thanchhinga (1990)
Khawpuar -
1. Upa Muka (2010)
2. Upa Chala (1987)
Bialtu Pastor leh Pro Pastor lo awm tawh te:
1. Pastor K. Lalhmuchhuaka (1987 - 1993)
2. Pastor C. Sapkaia (1994 - 2000)
3. Pastor R. Vanlaltluanga (2001 - 2005)
4. Pastor VL. Krosschhuanmawia (2006 - 2010)
5. Pastor Dr. Hmingthansanga (2011 - Till date)
1. Pro Pastor R. Lalengzauva (1987)
2. Pro Pastor Vanlalhruaia Ralte (2003 - 2005)
3. Pro Pastor John Lalneihsiama (2007 - 2009)
Bial Puipa lo ni tawhte leh an chanvote:
Year Chairman Secretary (Sr) Secretary (Jr)
1987 Rev. K.Lalhmuchhuaka Upa Muka Upa Lalsanglura
1988 Rev. K.Lalhmuchhuaka Upa Lalsanglura Upa Muka
1989 Upa Englaia Upa Muka Upa Lalsanglura
1990 Upa Lalsanglura Upa Muka Upa Rohmingliana
1991 Upa Lianchhunga Upa Muka Upa R. Darthuama
1992 Rev. K. Lalhmuchhuaka Upa Muka Upa R. Darthuama
1993 Upa Lalngurliana Upa R. Darthuama Upa Muka
1994 Upa R. Darthuama Upa Muka Upa H.Thantluanga
1995 Rev. C.Sapkaia Upa H.Thantluanga Upa Lalsanglura
1996 Upa Muka Upa Lalsanglura Upa H.Thantluanga
1997 Upa Lalnunmawia Upa H.Thantluanga Upa Lalmuanpuia
1998 Upa H.Thantluanga Upa Lalmuanpuia Upa Lalmalsawma
1999 Rev. C.Sapkaia Upa Lalmalsawma Upa K.Lalmuanpuia
2000 Upa Lalngurliana Upa K.Lalmuanpuia Upa Lalmalsawma
2001 Upa Biaksanga Upa Lalmalsawma Upa K.Lalmuanpuia
2002 Rev. R.Vanlaltluanga Upa Lalmalsawma Upa Lalhluna
2003 Upa Lalringliana Upa Lalmalsawma Upa Lalramhluna
2004 PP Vanlalhruaia Ralte Upa Lalramhluna Upa H.Thantluanga
2005 Upa Lalmalsawma Upa H.Thantluanga Upa Lalramhluna
2006 Upa Hrangkhupa Biate Upa Lalramhluna Upa C.Liankiamlova
2007 Upa Lalrammawia Upa C.Liankiamlova Upa Lalramhluna
2008 Rev.VL Kroschhuanmawia Upa Lalramhluna Upa C.Liankiamlova
2009 Upa Lalropara Upa C.Liankiamlova Upa Lalramhluna
2010 Upa Lalhluna Upa Lalramhluna Upa C.Liankiamlova
2011 Upa Lalringliana Upa C.Liankiamlova Upa Lalramhluna
Year Treasurer (Bial) Treasurer(Synod) Bial SS Secretary
1987-88 Upa Lalngurliana Upa H.Thantluanga Upa Hrangkhupa
1988-89 Upa Lalngurliana Upa H.Thantluanga Upa Hrangkhupa
1989-90 Upa Lalngurliana Upa H.Thantluanga Upa Hrangkhupa
1990-91 Upa Lalngurliana Upa H.Thantluanga Upa Hrangkhupa
1991-92 Upa Lalngurliana Upa H.Thantluanga Upa Hrangkhupa
1992-93 Upa Hrangkhupa Upa Lalmalsawma Upa Lalramhluna
1993-94 Upa Hrangkhupa Upa Lalmalsawma Upa Lalramhluna
1994-95 Upa Hrangkhupa Upa Lalmalsawma Upa Lalramhluna
1995-96 Upa Hrangkhupa Upa Lalmalsawma Upa Lalramhluna
1996-97 Upa Hrangkhupa Upa Lalmalsawma Upa Lalramhluna
1997-98 Upa Hrangkhupa Upa R.Darthuama Upa Lalramhluna
1998-99 Upa Hrangkhupa Upa R.Darthuama Upa Lalramhluna
1999-00 Upa Hrangkhupa Upa Muka Upa Lalramhluna
2000-01 Upa Hrangkhupa Upa Muka Upa Lalramhluna
2001-02 Upa Hrangkhupa Upa Muka Upa Lalramhluna
2002-03 Upa Hrangkhupa Upa Biaksanga T.Upa R.Lalfakzuala
2003-04 Upa R.Darthuama Upa Biaksanga T.Upa R.Lalfakzuala
2004-05 Upa R.Darthuama Upa Biaksanga T.Upa R.Lalfakzuala
2005-06 Upa R.Darthuama Upa Biaksanga T.Upa R.Lalfakzuala
2006-07 Upa R.Darthuama Upa Lalropara T.Upa R.Lalfakzuala
2007-08 Upa R.Darthuama Upa Lalropara T.Upa R.Lalfakzuala
2008-09 Upa Lalnunmawia Upa Hrangkhupa Upa Sainghakliana
2009-10 Upa Lalnunmawia Upa Hrangkhupa Upa Sainghakliana
2010-11 Upa Lalnunmawia Upa Lalthudika Upa Sainghakliana
Bial Inkhawmpui neih tawhna hmunte:
1987 Sakawrdai 1988 Khawpuar
1989 Sakawrdai 1990 Thingsat
1991 N.Khawdungsei 1992 Vaitin
1993 Sakawrdai Chhimveng 1994 Khawpuar
1995 Thingsat 1996 N.Khawdungsei
1997 Sakawrdai 1998 Vaitin
1999 Sakawrdai 2000 Thingsat
2001 Sakawrdai Chhimveng 2002 Sakawrdai
2003 Khawpuar 2004 N.Khawdungsei
2005 Vaitin 2006 Thingsat
2007 Sakawrdai 2008 Khawpuar
2009 Sakawrdai Chhimveng 2010 Sakawrdai
2011 Sakawrdai
Bial Silver Jubilee lawm tura inbuatsaihna leh Programme:
Kum 2004 Bial Inkhawmpui in kum 2011 ah Bial Silver Jubilee kan thleng dawn a, lawm nise tiin a rel a. Bial Standing Committee kutah dahin, Standing Committee vawi 77-na Rorel No. 2-na chuan Budget Rs. 7000/- siamin hmalak tan a ni a, kum tin budget te siam zelin Silver Jubilee Project atan Sakawrdai ah In sak a rel a, sum dinhmun te thlir zelin In sak chu kan tlin lovin kan hria a, Standing Committee vawi 103-na Rorel No. 2-na chuan Bial Silver Jubilee hriat reng nan Bial chhung Kohhran hrang hrangah Dekchi mawihnai tawk tak pein Pastor Quarters ah Cooker 15 lt dahin Jubilee Souvenir buatsaih nise tiin a rel a. Jubilee lawm pawh a hun diktak chu Ni 2 May 2011 a ni a, Bial Inkhawmpui hun chhung Inrinni a hman turin a rel ta a ni.
Kum 1987 Bial thar hawnah Rorel Inkhawm neiin Bial thar dinhmun leh 1988 Bial Inkhawmpui Programme siam a ni a. Heihi Bial Inkhawmpui hmasa berah Bialin a pawm avangin, Silver Jubilee hman hun atan kum 2011 hi pawm a ni ta a ni.