KTP Tawngtai tlaivar Programme
Central KTP-in Rampum huap tawngtai tlaivar Programme hmang tura ruahmanna a siam angin, Sakawrdai Branch KTP chuan Dt. 27.8.2012 (Thawhtan) zan Inkhawm ban chhunzawmin Tawngtai tlaivar programme a hmang dawn a. He hun min hmanpui tur hian Memberte mai bakah Kohhran chhungkua te kan insawm tak meuh a ni.
1st Session: (Tawngtai Inkhawm urhsun) Dar 9:00 pm
Hruaitu : Pu Lalbiaktluanga, Branch Leader
Tantu : Nl. R.Lalnunkimi
Thusawitawi : Pro Pastor Ngurthanmawia Sailo
2nd Session: (Tawngtai programme pangngai)
Hruaitu : Pu Lalrinngheta, Branch Asst. Leader
Hruaitu : Tv. H.Lallungmuana, Branch Asst. Secy.
Hruaitu : Pu HP Lalhnunliana, Branch Treasurer
Hemi zan hian refreshment, Chow, thingpui leh a hmeh tuihnai tak buatsaih a ni bawk dawn a ni. Tawngtai i ngaipawimawh theuh ang u.
Mizoram Synod hnuaia Home Mission North
Aug. 10 - 12 chhung khan Ramhlun Kohhran Biak Inah Home Mission North huam chhunga Missionary-te puala Retreat tluang taka hman a ni. Tun dinhmunah Home Mission North huam chhungah hian Dampa, Chhawrpial, Hmarthlang, Khawthlang, Tlawng leh Serlui Presbytery te an awm a ni. January - July 2012 chhung khan ringthar 162 an awm.
Home Mission North huam chhungah hian khaw 36 ah Thawktu 159, Fulltime Evangelist 48, Evangelist Teacher 95, Evangelist & Evan. Teacher 143 awmin, Pastor Bial 15, Presbytery 6, an awm a ni. Bru-ho zingah Kohhran 45, Chakma-ho zingah Kohhran 12,Kristian (Bru) 13444, Kristian (Chakma) 1220 vel an awm bawk. Home Mission North hnuaiah hian Elementary School 2, Primary School 6 leh High School 1 a awm mek a, Nurse 5 in Dispensary te neiin rawng an bawl mek bawk.
Music leh zai zir duhte tana hriattirna
Synod School of Music-ah Indian Music leh Zai (Western Vocalisation) zir duhte tan seat a la awm a, dil duhte chuan August 24 (Zirtawpni) thleng dilna theh luh theih a ni. Hrechiang duhte chuan Synod Office Music Department-ah zawtfiahin Dilna Form pawh Office hun chhungin lak theih a ni.
Presbyterian Church of India (PCI) Executive Committee, August 8 & 9-a Shillong-a thukhawm chuan Assam rama Bodo ho leh Muslim ho inkara buaina chhuak chungchang a ngaihtuah a. Tun hnaia Assam buainaah hian mi tam takin nunna an chan bakah mi nuai 4 zette chuan in leh lo an chan a, Assam leh North Bengal-ah relief camp 300 vel siamin dah khawm an ni a. PCI Executive Committee chuan he thilthleng hi pawi a tiin lungchhiatthlak a ti takzet a, PCI hnuaia Unit tinte chu Assam rama chi leh chi inkara buaina chhuak hi a reh theihna tur leh a bik takin buaina chhuah hluarna leh a tuartu tamna hmun - Kokrajhar, Dhubri, Chirag leh a chhehvela chengte tana tawngtai turin ngenna a siam a . He ngenna bawhzui hian Mizoram Synod chuan Mizoram chhunga Presbyterian Kohhran tinte an remchan dan anga tawngtaina hun lo hmang turin a ngen a ni.
Assam buaina chungchanga Synod OM thuchhuak