Lawrkhawm

I-Day Programme tluang taka hman a ni:

65th Indian Independence Day chu Sakawrdai Playground ah tluang taka hman a ni. Chief Guest Pu RL. Pianmawia, Govt. Deputy Chief Whip leh Guest of Honour Pu Hmingchungnunga, Chairman SHDC ten thusawi in, Items hmuhnawm tak tak show a ni bawk. I-Day Football Tournament Final Match khelh a ni a, Sakawrdai F.C te chu Team Champion an ni. I-Day senso atan hian Council atangin Rs. 1,00,000/- sanction a ni bawk.

Lawngtlaiah I-Day tibuaitu tihhlum a ni:

Lawngtlai CYLA khelmuala Independence Day lawmnaah láwi kawlh a chhuak a, Naupang thenkhat a vawrh a, motor te pawh a si tel bawk a. Police pakhat chu Fiel chhungah a um hrep bawk a. Mipui pungkhawmte a tibuai bakah nunna atan a hlauhawm avangin Magistrate remtihna a SP thupekin Police ten 303 Rifle in a lu-ah vawi 5 an kap a, ala thih loh avangin hreipuiin an chek hlum ta a ni.

MKHC kum 30 tlin & lehkhabu tlangzarh: August 13 (Thawhtanni) khan Synod Conference Centre-ah Mizoram Kohhran Hruaitute Committee (MKHC) chuan kum 30 hmel a hmuh denchhenin MKHC Chanchin lehkhabu chu MKHC Chairman, Synod Moderator ni bawk Rev. Thangzauvan a tlangzarh. August 13 khan Zoram Kohhran Hruaitute Committee (ZKHC) din tan niin, Kum 1998 atangin MKHC tia thlak a ni ta a ni. MKHC-ah hian member Kohhran 14 an awm mek a ni.

Routmawi Album ‘A laiah Isua’ tlangzarh:

Dt. 17.8.2012 khan Lalruotmawi Music Video Album ‘A laiah Isua’ tih chu Synod Conference Centre ah Rev. Vanlalzuata’n a tlangzarh. He Album hla 13 awmna hi kum 2 chhung ngawt buaipui a ni.

Bible leh Science: 16 Aug. khan Dr PC Biaksiama lehkhabu, ‘Min rûntu ramhuaite leh a hneh let dan’ leh ‘Bible leh Science, Vol. II (Enlarge)’ chu I&PR Auditorium-ah Minister PC Zoramsangliana'n a tlangzarh.